مقتبس من موضوع أحد الأخوات
هذا المقطع اللي المفروض على كل زوجه تحطه حلقه بإذنها
ياما طقين بيبان الناس وطقينا بهالكمبيوترات نبي نلاقيلنا حل مع أزواجنا
لكن ما طرقنا باب الله سبحانه وتعالى
تقفلت علينا كل الأبواب ومازال باب الله مفتوح
نفسي اعرف متى بنصحى من سباتنا العميييييييييق اللي متوهمينه
والله لوكنتي ملكة جمال الكون لبد من طاعة الله عشان تتألّف القلوب
ليه ناسين قول الله سبحانه وتعالى (وخلقنا لكم من أنفسكم أزواجاً لتسكنوا إليها وجعلنا بينكم مودّة ورحمة)
مين ياللي خلاها موده ورحمه <<<الله سبحانه وتعالى
ماهو بماركات المكياج ولا هو ببيت الجيران ولا الأهل والأصدقاء اللي مايملكون إلا جزء من 100 جزء من رحمة الله سبحانه وتعالى
مامداك إلا صار لك مشكله مع زوجك لو هي بسيطه وتافه إلا رفعتي التلفون وإلا فتحتي النت وإلا طقيتي عباتك لبيت أهلك تبين تشكين وتطلّعين حرّتك بزوجك ولو كان ظالم
لكن نسيتي بهالحظه الشديده على نفوسنا إحنا الحريم بوقتها ترفعين يديك لله سبحانه وتعالى --> بدل ماترفعين التلفون
ودقين باب الله تعالى --> بدل ما تدقين أرقام بيت فلانه من الناس
وتشتكين لله تعالى همّك --> بدل ماتشتكين لفلانه اللي يمكن هي مشاكلها مع زوجها أكبر من مشاكلك
وتفتحين المصحف وتقرين كم صفحه --> بدل مانفتح النت ونبحث بقوقل أو نرفع موضوع زوجي فعل زوجي قال زوجي شاف
وتلبسين شرشف الصلاه وتصلين ركعتين لوجه الله -->بدل ماتلبسين العباه ولبيت أهلك
تشكين همّك لله وتبكين بين اديه--> بدل ماتشكين لأهلك وتبكين ويمكن وقتها يحصل مالا يحمد عقباه
شوفي وقارني وفكّري بعقل سليم
حبيباتي أنا والله ماودّي اجرح ولا أقسى على أحد وكلّنا نشتكي لكن هل لقينا حل ؟؟
والله مالقينا إلا وجع الراس
واللي تدعيعلى رجّالها إن الله ينتقم منه وإلا الله ياخذه أو أو أو ---> طيب وشبتستفيدين غير إن حاله بيزيد
بدل ماتدعين عليه ادعي له عسى الله يصلحه ويهديه ويردّه لدرب الصلاح ويبعده عن مسالك الشيطان
وييييييييين حنّا من الإستغفار وذكر الله
وينك لا جا طالع من البيت من دعواتك الله يستر عليك الله يحفظ الله يردك سالم غانم استودعك الله الذي لا تضيع ودائعه جِعِل عيني ماتبكيك يالغالي
والله فرق يا أخواتي
ترى مابعد الله تعالى من معين إلا بإذنه
وماننسى إن الله إذا أحب عبداً إبتلاه وهالبلاء موشرط يكون بالجسم وإلا المال بل المتوقع البلاء في أي شيّ
ادري بلاقي ردود اغلبها إنتي ماحسيتي فينا
والله مايفيد معاهم هالرجال وغيره وغيره
بس كل من ترد على موضوعي بالشكل تراها مسااااااااامحه دنيا وآخره وازيدها من الشعر بيت بدعيلها بظهر الغيب
والكل لهم دعوات بظهر الغيب بإذن الواحد الأحد
~~~~~~~~~~~~~~~~