الله يغير حالي الى احسن حال ( المرض ونظافة البيت )

السلام عليكم
بنات انا سبق وقلت لكم اني احس اني مريضه ومدري ايش فيني
يعني ياله اتحرك وراسي من شهور يوجعني وجع لدرجة اني ابكي منه احيانا
واوقات تجيني دوخه وغشاوه وحراره وحالتي حااااله
المهم قدر الله ورحت المستشفى وعرفت ان اللي فيني ضغط
تخيلو كأني خرقه طااااايحه حتى النفس احس الاكسجين مايمشي بجسمي وفقر دم وصدق حالتي حاله
طبعا انا اعتقد اني تكلمت في نفس الموضوع عن اهمالي لبيتي واطفالي وزوجي واهم شي لنفسي !
طبعا هذا كله تكلمنا عنه وجتني ردود وخلصنا وانتهى !!
لكن اللي حصل
ان لي فتره واهل زوجي يرمون علي حكي جااارح
اني وسخه واني ما اهتم بعيالي واني بس نايمه وتاركه الدرعى ترعى
واني اتهرب من المسؤوليات
ووصلت فيهم انهم يعطوني نصايح ويضربون امثله في انفسهم شوفينا وشوفينا !!!
مع انهم عارفيني قبل ما امرض وكانو دايما يسالوني عن ريحة بيتي واخذو حتى منظفاتي وعطوراتي عشان يشترون مثلها ومرات يوصوني اجيب لهم
بس كانو مابمدحون اذا عجبهم شي قالو نبي مثله وانا ما كنت اقصر ابد
بس اللي قهرني اني يوم مرضت حتى في مجالس الحريم تكلمو فيني حتى قدام ناس ماشوفهم الا كل 4 سنين
ويحاولون يبينون قدام اخوهم اني وسخه وانهم نظاف
بأي طريقه وبأي شكل لدرجة اني انصدمت والله ماتوقعتها منهم


وماعندي خدامه واطفالي تحت بعض
حتى ابي اضغط على نفسي بسرعه ادوخ او ينزل معي دم غزير يستمر 5 ايام
ارجوكم يابنات ارجووووكم ادعولي ان ربي يشفيني ويمتعني بصحتي وعافيني وان ينصرني على من قهرني ومن شوه صورتي
ادعو لي اني اتنشط لو يوم عادي راضيه بيوم بس واحد اقدر انظف فيه زي الناس
واصك حلوقهم ذا اللي كلوني وفضحوني فيها بسبب خااارج وبقوه عن ارادتي
وترا حالتنا الماديه الان متعسره ماتسمح لي استقدم خدامه او اجيب بالساعه زوجي رااااافض نهائي يقول ماعندي
ف والله احسها تسكرت من كل الجهات فلذالك لاتحرموني من دعواتكم الطيبه
خاصه الاخوات اللي يحافظون ع الوتر ارجوكم اذكروني بدعوه فيه
وشكرا 💕