الله يفرج كربك جميعا ياعصير خوخ ...دليتيني على الدعاء العجيب

السلام عليكم ورحمة الله وبركاته

بدخل بالموضوع على طول


احب اشكر الاخت عصير الخوخ على موضوعها عن دعاء تفريج الكربات

وأذكر قصه حصلت معي .... القصه ربما تكون دنيويه بحته .. وعند البعض تافهه ويمكن تكون تافهه جدا عند البعض الآخر .... لكن كانت مأزق اتعبني بوقتها ونقلت الهم بسببها


القصه ياطويلات العمر ان شاء الله بطاعة الرحمن
انه عندنا زواج ولد خالتي وامي سافرت قبل الزواج بأسبوعين للرياض واماقصرت اشترت لنا فساتين لهالزواج


المهم ان كل فساتين خواتي طلعت جنان عليهم وناسبتهم وناسبت اذواقهم إلا انا

لا اللون اعجبني ولا الموديل ولاطلع الفستان مناسب علي لما لبسته
لأن خصره كان وااااسع ولاااازم اشوف حل قبل الزواج


قبل الزواج بيومين وديت الفستان للخياط وقلت له يضيق الخصر ربما يتعدل شكل الفستان شوي

وقبل الزواج بيوم جبته والمصيبه لما لبسته ........................ خربه الخياط 180 درجه رغم انه اشطر خياط بالبلد بس الحظ كذا



صار الفستان ماينلبس اووووووووو البسه وانطق مكاني ماتحرك ولا اساعد خالاتي ولا شي


انا اقولكم المشكله تافهه جدا بس اللي صار عظيم





والله اني اغتميت ونقلت الهم وحتى البكاء من القهر بكيت




وللصدفه شفت موضوع للأخت عصير الخوخ دعاء تفريج الكربات وانها هي مجربته شخصيا



وهذا رابط الموضوع
http://forum.hawaaworld.com/showthread.php?t=318617

رحت لغرفتي ودعيت

والوقت آخر ليل يعني خلااااااااااااص لا الفستان رايح يتصلح بهالوقت ولا في امل اروح السوق ابحث او ادور عن فستان والمناسبه بكره والمشكله نروح المغرب لأننا من القرايب واهل المعاريس

دعيت بهالدعاء وقلت يارب فرج كربتي



وثاني يوم قبل المناسبه بساعات جاء الفرج وصار مكان الهم والغم الفرح والسرور وطيبة الخاطر






















جتني الوالده قبل المناسبه بساعه ومدت لي 700 ريال وقالت معك نص ساعه تروحين تجيبين اي فستان على السريع اللي يمشي الحال نصصصصصص ساعه بس ولاااااتطولين


انا ماصدقت خبر اخذت اخوي وطررررت للسووووق

وياربي وش ابحث ووش ادورقبل المناسبه بساعه وبمدة نص ساعه بسسسسسسسسس



واللــــــــــــــــــــه اني دخلت المحل الا ذاك الفستان تصميم مصمم لبناني وكششششخخخخخه


قلت للبياع بكم قال بـ 700 واطش عليه الفلوس وآخذه وخطف للبيت









وسبحان الله كأنه مفصل لي انا وعلى مقاساتي انا










ولاااااااااافي احد بالمناسبه ما سألني من وين اشتريتي الفستان

واللي تقول ياحلوة الحلوات واللي قالت باخذك لولدي واللي قالت ماشاء الله طالعه عروس


والي قالت طالعه روووعه وفستانك خطير








والله من دخلت لحد ماطلعت والكل يمدح بلبسي وبشكلي وصار بدل الهم اللي بنفسي وكسرة الخاطر


فرح وســــــــــرور وطيبة خاطر من الكلام السنع اللي سمعته واللي وصلني بعد المناسبه من ناس ما اعرفهم وصلوه مع خالاتي










يعني من جد الفرج والسرور والمدح الزين وكلللللللللللللللللللللله بسبة خضوع لله والتضرع له والتوكل عليه








فعلا مثل ماقلتي ياعصير الخوخ جزاك الله خير عرفت كم انا حقيره وصغيره ان اعصي الله وهو مفرج الكربات اذا رفعنا ايادينا وقلنا يالله













الف حمد وشكر على نعمة الاسلام ... القصه يمكن تكون تافهه وبسييييييييييطه وماتحتاج هالهم اللي صابني بس كنت بموقف لااحسد عليه مناسبه لااااااازم احضرها وان جلست راح يجيني ذممممم كيف اجلس وما اساعد بمثل هالمناسبه وهي تخصنا

وان تحركت خفت ضحكات الناس لأن الفستان من جد صار ماينلبس لأنه انتزع بالحيل



والوقت ضاع .. بس عند ربي مافي شي مستحيل والله بآآآآآخر ساعه قبل المناسبه جاني الفرج



وعلشان كذا حبيت احمد الله اولا واخير ثم اشكر الاخت اللي دلتني على الدعاء العجيب



وادعوا لك يارب يفرج كل همومك

وانصح اخواتي بهالدعاء .............. وكل دعاء المهم الدعااااااااء والله والله ماخاب من دعى الله




والسلام ختام ..... وآسفه على التقصير