الله يفرج كرب كل من تدخل ومن تساعدني

سبحانك لا اله الا انت اني كنت من الظالمين

ساعدوني أنا بوية البيت حقنا رش عرفتوها ؟
ذبحتني يابنات تنظيفها صعب والنهايه ما تنظف جربت كلوركس وجربت خل وجربت كل شيء وما نطفت اعطوني حل.
لا تقولون غيري البويه ما أقدر ظروفي ما تساعد.


وانا كمان بويتي رش بس ماافهمت كيف ماتنظف يمكن يكون اثر حبر او شي؟؟ وضحي اكتر

يعني انا تنظيفي للجدار اجيب طشت فيه مويه وفيري وادعك الجدار وبعدين منشفه جافه امسحهاا

بس انتبهي لالاتكتري الفيري يعني يدوب تحطي وخلي الكلوركس اكتر

وان شاء الله ينظف معاكي

وبرضه طلب ثاني أبي شيء يرجع لي الموكيت كأنه جديد.

فيه عندك فانش السائل او موبي لتمسيح السجاد جداا ممتاز او كلروكس الملون

وعن تجربه امسحي السجاد بقطعه قماش قطن او اي منشفه بس الفرشه احسها ماتمسح مزبوط

برضه أبي شي يبعد غراء الفرش من البلاط ومن الأبواب أخذت تنر ومافاد معي يعني راح بس بقى الأثر.

مدري ماعندي فكرة بس انتي جربي بشي حاد يزيلها سكين او سلك نحاس

ان شاء الله تخرج معاكي

وبرضه أبي شي يخلي ريحة البيت حلوه.

اذا كان فرش بيتك سجاد وموكيت قبل لاتنامي رشي الغرف بمسحوق بيكربونات الصودا

وفيه كمان بودرة سجاد بروائح حلوة

ولما تصحي كنسي البودرة واي رائحه كريه راح تزول معاكي

واذا كان سيراميك غسليه بمويه وكلوركس وارجعي امسحيه بمطهر

وحطي فواحات او بخاخات الجو

موووفقه