الله يفرج لكل وحده ترد وتساعدني في كربتي

السلام عليكم ورحمة الله وبركاته ،،
كيفكم صبايا ان شاءالله اموركم تمام ☺
أنا مشتركة جديده بالمنتدى حابه اطرح عليكم مشكلتي وأتمنى احد يفيدني
> أنا متزوجة لي 4 سنوات وماكتب ربي أني احمل ، ودورتي متلخبطه وتتأخر احيان أسبوع او أسبوعين ومره تأخرت شهر ،،
راجعت كذا عيادة منهم >
مستوصف التعاون بالخرج د طاحون > راجعت كذا مره عنده كل شي سليم بس تكيسات خفيفه وكل مره يكشف ع المبايض ويشوف وصلت 18 او 17 ويقولي متى ايام الجماع ويصرفلي علاج منشط وبعده الحمدلله تحسنت أموري ودورتي تجي بموعدها الحمدلله وإذا تأخرت يوم بس وتنزل الحمدلله ،
عيادة ذرية د الصفيان > اول مارحت العيادة دخلت عليه واصلاً مايحقلك تدخلين عليه وتسألنيه وتشوفون وش عندك الا مره وحده فقط لا غير وبعدها تروحين للمنسقة اسمها ابتسام هي اللي كل ماجيت العيادة تاخذ حالتي وتعرضها ع الصفيان وترجع وتقولي وش اللي قاله عني وكل ماراجعت عند ذريه يطلبون مني أسوي سونار ويقولون السماكة مضبوطة والحمدلله الغدة ممتازة ومافيا تكيسات والحمدلله امورك زينه ومره عطوني إبر تفجير ومن بعدها انقلبت حالتي ورجعت تخربط الدوره مثل اول ،
وكلمتهم ثابته > مافيك اي شي سليمه مرررره هاه نبدأ بالصناعي او الأنابيب على طول يقولولي كذا وكل مره ندفع 250 وبرضو كلمتهم وحده وثابته مافيك شي واختاري صناعي او انابيب .
عيادة السلام د ايمان بالسلي ، اكشفت علي وقالتلي عندك نقص بالغدة الدرقيه بسيط وعطتني علاج اول شي 25 قرام بعدين زادته صارت 50 قرام يعني أخذ حبتين باليوم وكل مره أجيها تكون ناسيتني أصلاً شكلها من النوع اللي تنسى وتنسى وش العلاج اللي اوصفته لي وقلتلها أني قد أخذت إبر منشطه وأبر تفجير قالت هذا الي لخبط حالتك ويسبب تأخر بالحمل > ولا عندها كلام الى إنتي توك بنوته صغيره بعدين لاحقه ع الحمل والتعب طيب أنا ابي أتعالج مو جايه عشان تقوليلي أنا صغيره وبدري على الحمل 😣

عيادة رفاء د اماني > راجعت عندها اول مره اكشفت علي سونار وقالتلي انحفي وانا مو سمينه بس الحمدلله بعد ماراجعتها ثاني مره اكشفت علي وقالتلي المبايض مضبوطة اوصلت 17 او 18 ولااصرفتلي اي علاج وإذا سألتها ليش تقول مرت علي كثير حالات مثلك بالضبط بس اللي عليك انك تنحفي وتبعدي عن المشروبات الغازيه والشوكولاه وغيره والحمدلله احس تحسنت أموري شوي ومره نزلت علي دورتي بغير موعدها حتى وانا من فتره قصيره مخلصه من الدوره بس حسيت هالمرة غير كنه وسخ بس وأنتم بكرامه حتى اتذكر وقتها أني فرحة وبنفس الوقت قعدت اوسوس أنوّه غريب اللي صار معي حتى وانا عزباء ماصار هالشي معي ولا مره ويوم راجعتها قالتلي بسويلك تحليل ونشوف اذا بداية حمل او تخربط دوره والحمدلله ع كل حال صار تخربط دوره ، وبعدها رجعت حالتي مثل قبل بنزول الدوره وأنتم بكرامه وَإِذَا جيتها مراجعه تكشف بعد الدوره بيوم حالة البويضة وتحدد ايام التبويض ولا كتب ربي حمل الحمدلله ع كل حال

وبعدها وقفت ورحت لحرمه تعالج بالأعشاب > ام حامد بالخرج ،، عطتني كذا شي وتحاميل ولا كتب ربي شي سبحانه ،
جلست كذا شهر استخدم العلاج الشعبي اللي عطتني إياه وبعدها وقفت
واشرب ماء زمزم وماء مقري فيه
وآخر شي توصلتله أني رحت أحجم > ( الحجامة ) اذا مانفعت ماتضر الحمدلله
أنا أتمنى اي احد عنده لي نصيحه او خبره او يدلني ع شي
لايبخل علي ،
والله يرزقني ويرزق كل محرومة يارب بالولد الصالح 🌹