الله يفرج لها من كل هم اللي ترد بصراحه

بصراحه ماادري من وين ابدا قصتي لاني من جد متحطمه من اللي اشوف واسمع
وقصتي كالتالي
انا متزوجه من سنه وكنت احلم زي اي متزوجه بالاطفال خاصة اني اموت عليهم بزياده لكن في الثلاث الشهور الاولى استخدمت موانع طبيعيه لان زوجي مايبغى الحمل>>>وحده متامله
انها بتحمل بسرعه :44:
المهم بدت المعاناة من شهر شوال تقريبا لان الدوره تاخرت شهرين تقريبا وشكيت اني حامل وزوجي بعد نفس الشي وجبنا التحليل المنزلي وطلع سالب ويوم اني تفشلت عند زوجي نزلت الدوره بعد يومين من التحليل
ولاضاق صدري بالعكس كنت متفائله بزياده اني بحمل قريب وانتظرت الدوره الشهر اللي بعده وجلست شهرين ونص تلعب باعصابي وتاملت اني حامل وجبت التحليل وطلع برضو سالب بصراحه اناوقتها ان

انصدمت ورميت التحليل بقوه على الارض عند زوجي وجلست ابكي زي الاطفال من ضيقة الخلق
وهو يطالعني مذهول على باله اني استخفيت
وتنزل الدوره بعدها باسبوع وجلست قرابة اسبوعين
بعد شهرين تقريبا رحت للمستشفى وسويت تحاليل شامله لكل شي وطلع عندي ارتفاع بهرمون الحليب
وخمول بسيط بالغده الدرقيه وسويت اشعه وقالوا لي الرحم الحمد لله سليم لكن انصدمت انا وزوجي
بالغده ونعيد تحليل الغده بمركز خاص وتطلع النتيجه سليمه
وقالوا لي لازم اعيد التحاليل اذاجتني الدوره ولاشرفت العمه الا بعد ثلاث شهور ونص تخيلوا قلت لازم اشرب اعشاب علشان يتنظف الرحم:09:
وشربت مراميه من اول يوم والله لايوريكم تخيلوا يابنات جلست الدوره شهر كامل وبدون مبالغه
كله من المراميه انصحكم ابعدوا عنهاسببت لي نزيف:eek:
وبالنفاس قصدي بوقت الدوره عدت التحاليل ومن جد بغيت انهبل لانه طلع عندي خمول وهرمون
الحليب مرتفع وعدت تحليل الغده بخاص وطلع سليم
يعني اذا سويته بعام طلع عندي خمول بالغده واذا سويته بخاص طلع سليم بالله عليكم مو
اللي قاعد يصير شي يجنن العقل يعني قضى دمي على الفاضي
والي يقهر بعد اني امس رحت لدكتوره وبعد مافحصتني قالت عندك مشكله في التبويض ولازم
تعيدين التحاليل كلها :eek:
يعني عندها ملف وش كبره كله تحاليل ولاكفاها بالله عليكم مو مصيبه اللي انا فيها

عموما اللي قرا الروايه كلها امانه لايخليني من دعائه ان الله يرزقني الذريه الصالحه ويرزق كل
محروم عن قريب ليس بعيد ويغنينا عن هم المستشفيات
ثانيااتمنى من كل وحده تقرا الموضوع انها تدلني على احسن دكتوره في الرياض عندها خبره في الامور هذي وتكون مريحه نفسيا واحمل على يدها بعد الله سبحانه لاني من جد محتاره من وين ابدا
العلاج انا لاقيتها من التكيسات ولا من خمول الغده
واسفه على الاطاله عموما انا تعبت يدي من الكتابه ابروح انام واشوف ردودكم وقت ثاني