الله يفرج همكم ادخلوا بليـــــــز (أختي بتتغرب وشايله هم) تعديل المشرفة

الله يصبر قلبكم وقلبها
وربي يوصلها بالسلامه ويكتب لها الخير
عليكم بالدعاء لها ربي يسهل امورها ويفرج همها
ولا تشيلي هم كلنا بالبدايه كذا اكيد صعبه ومعاناه وبكينا لكن شوي شوي تعودنا على الغربه واتعودنا على كل شي

هونيها بتهون دامها بصحه وعافيه تراها اهم شي في الدنيا صدقيني واستغفري ربك وتعوذي من ابليس وروحي ذاكري

الله يوفقها ويوفقك
اكتب على عجل ولدي مو مخليني بس ما حبيت ما ارد عليك

الله يصبركم
البداية راح تكون صعبة اكيد بس بعدين عاادي
شوفينا تعودنا الحمدلله والحياة حللوة والايام تمشي
الله يحفظهم يارب

شعور طبيعي الله يكون بعونكم وعونها

و أنت تذكري انها رايحة للدراسة وبرغبتها أو رغبة زوجها

والحمدلله مو رايحة علاج ولا لجوء سياسي أو زي الخدامات اللي يتركون عيالهم وأزواجهم ويجون يكرفون :(

ترا والله ما أبالغ ولا أتفاول على أختك بسم الله عليها وعالمسلمين

لكن لو شفنا حياة اللي أقل مننا بنقتنع

ما نقول إلا الحمدلله على نعمه التي لا تعد ولا تحصى

والله يحفظ أختك وبنتها

ويرجعها لكم سالمة غانمة وأنتم وياها ما شفتوا شر

حبيبتي اكيد كلنا بنسوي كذا اذا حسينا إن الدنيا بتبعدنا عن احبابنا لكن الحمد لله الأمور سهاله تقدرين تكلمين اختك كل وقت وتشوفينها بعد

كيف اللي كانو يتغربون زمان لا انترنت ولا غيره قولي الحمد لله بعدين صدقيني راح تتضايقون فتره بعدين بتتأقلمون مع الوضع ويصير كل شي عادي

بكره عاد نحصلك تكلمين اختك وتسألينها عن الأسواق وجيبيلي واشتريلي وفرصه تزورونها وقت الإجازات وتغيروون جو ههههههه

>>>حبيت الطف جوك غاليتي ترى الدنيا ماتستاهل هالنكد والزعل

يختي ذاكري تراها بتروح وتنبسط وتنساكم