كيفكم بنات ان شاءالله بخير .... بما اني استفدت منكم ومن مواضيعكم جزاكم الله خير حبيت اطرح معاناتي من عشر سنين اتمنى اجد من يساعدني بحالتي اللي تضحك وتبكي بنفس الوقت .....
يابنات انا ساكنه بنفس منطقة اهلي ولكن بحي ثاني بعيد غير اروح لهم بسياره....
من البدايه مستحيل اعيش بغير حي اهلي والله يابنات من انا بنت يوم ازور اقارب لي بحي ثاني احس بضيقه نفسي ارجع للبيت.
المهم جا نصيبي وكنت ابغى بحي اهلي ولكن زوجي عنده بيت ملك وطبعا مو مستاجر وبيته كبير ومغنيه عن الناس....
من اول شهور الزواج حاولت اتاقلم ومااشكي لاهلي لان امي الله يرحمها كانت مريضه ماقدرت الى ان تعبت ورحت شهر عند اهلي وقاموا ينصحوني كيف لو انك بالغربه وكيف لو انك لوحدك وكيف وكيف .......
بعد شهر رجعت بيتي وبالقوه دخلت احس بضيقه واكتئاب قالوا لاخلفتي تنسين وتنشغلين ...
والحمدلله ربي رزقني باطفال ولكن يابنات محد يدري عني حتى زوجي الحاله ماتغيرت لاجيت من بيت اهلي احس بضيقه فظيعه وعشر سنين وانا اعاني وبعدها توفت امي الله يرحمها وقلت اكيد يتغير الوضع ولكن لحد اليوم جيت من عند ابوي وانا كاتمه نفسي وسويت قهوه واحاول افرفش مع زوجي وعيالي بس داخلي😭😭😭
استغفر الله حتى البكا كاتمته اقول بنفسي ليه نونو ...
الله يسعدكم يابنات كيف اطلع من هالحاله والله كرهت اروح لابوي و لاخواني بسبب هالحاله ماني قادره انام حاسه بضيقه... اعوذ بالله من الشيطان
سوسولتي @sosolty
عضوة نشيطة
يلزم عليك تسجيل الدخول أولًا لكتابة تعليق.
سهوري
•
ياعمري انتي طيب ارقي نفسك وشغلي القران في بيتك والحاله هاذي بس تجيك في بيتك ولا كيف الله يفرج همك حبيبتي ويشرح صدر
حاولي تسويلك برنامج تروحي مثلا كل جمعتين مره وتنامي ليلتين كذه يصير عندك روتين وتتعودي ع هالجدول غير انك تغير جو انتي وعيالك واذا زوجك معاك حلوه برضو . واستغفري كثير اختي ربنا يسهل امرك ويشرح صدرك
سوسولتي
•
سهوري :
ياعمري انتي طيب ارقي نفسك وشغلي القران في بيتك والحاله هاذي بس تجيك في بيتك ولا كيف الله يفرج همك حبيبتي ويشرح صدرياعمري انتي طيب ارقي نفسك وشغلي القران في بيتك والحاله هاذي بس تجيك في بيتك ولا كيف الله يفرج...
ربي يسلمك اذا جيت من عند اهلي وتستمر يوم وبعدين الوضع عادي بس اذا رحت مره ثانيه رجعت الحاله وهكذا من يوم زواجي
سوسولتي
•
حاولي تسويلك برنامج تروحي مثلا كل جمعتين مره وتنامي ليلتين كذه يصير عندك روتين وتتعودي ع هالجدول غير انك تغير جو انتي وعيالك واذا زوجك معاك حلوه برضو . واستغفري كثير اختي ربنا يسهل امرك ويشرح صدركحاولي تسويلك برنامج تروحي مثلا كل جمعتين مره وتنامي ليلتين كذه يصير عندك روتين وتتعودي ع هالجدول...
يسعدك ربي صعبه انام وبزورتي ببيت زوجة ابوي البيت ماشاءالله مليان...
الصفحة الأخيرة