الله يفرج همومكم .. ادعوا لي بالفرج

السلام عليكم

تكفون يا بنات ادعوا لي بالفرج

انا الحين اكتب لكم ودموعي على خدي

اقسم بالله ان كل حرف بكتبه انا صادقة فيه

من بعد طلعة زوجي للشغل قفلت باب داري وطبعا

كالعادة يوم السبت بس يطلع زوجي اكون بروحي بالبيت

بما ان اخوه يروح بيت امه وابوه يطلع مع عمه للبر

المهم ان لما رجع عمي ابو زوجي جا فتح الباب ( هو مستحيل يطق الباب ويزعل اذا الباب مقفل )

وقلت له لحظة وفتحت الباب واخذ ولدي انا بعد ما اخذ ولدي عرفت انه سكران ورايح فيها كان مو قادر

يوقف يروح يمين ويسار ويهذي

والله اني الحين ابجي موقف كان صعب وايد علي

المهم حاولت اخذ منه ولدي وما قدرت كان يمسكه بقوة وما رضى يعطيني اياه ظليت على هالحال تقريبا عشر دقايق حسيتها عمري اللي عشته كامل ويمكن اكثر

وما رضى يروح الا بعد ما قلت له اخوي الحين جاي بيقعد وياي

وبعدين اتصلت اختي بنفس الوقت وقلت هذا اخوي اكيد وصل

وصكيت الباب وقفلته وهو ما ابتعد اخذ له فترة يمكن ثلاث دقايق وراح

وانا صرت ابجي واكلم اختي وخافت علي مسكينة بس طمنتها ان ما فيني شي وقلت لها اللي صار

بس انا ما ابي ابوي يعرف ومحتارة اخبر زوجي لانه اكيد بيترك شغله وبيجلس معاي

المشكلة ان احنا ما نقدر نعيش بايجار ولا في مكان نقدر نسكن فيه حتى ببيت ابوي

المهم انه بعد ما مشى راح لدريشة الحمام وانتوا بكرامة يطقها بقوة ويناديني

هالموضوع صار قبل ساعة ولا زلت خايفة وابجي

تكفون ادعوا لي

مسكين ولدي ما كان فاهم اول مرة ابجي

وهو بحضني كان يطالع بوجهي وويبتسم بتساؤل ويلعب معاي

ورقد بدون عشا كان المفروض اطلب من المطعم

بس بعد هالموقف مستحيل افتح الباب الا لما يجي زوجي

تقريبا على الساعة وحدة الله يجيبه بالسلامة

حاسة نفسي مشتتة مو عارفة شاسوي ولا شنو اقول لكم