ام رونق @am_ronk
عضوة
الله يفرج همومكن افرجن عني همي راح ادعي لكل وحده تدخل
السلام وش اخباركن اببدا بموضوعي على طول انا والحمدالله حياتي الزوجيه ممتازه ومبسوطه انا وزوجي ونحب بعض يشبه حبنا عنتر وعبلى :)نجي للمشكله انا موت في حبيبي حب غير طبيعي الله يخليه لي مشكلتي يجيني بعض الاحيان بين فتره وفتره ضيقه في صدري فضيعه معاد احب احد يكلمني ويجيني كره غير طبيعي لزوجي معاد اطيق اشوفه وماحبه يجلس عندي اويسولف معي وتاصل احيانا اني ادعي عليه بس قسم بالله ورب الكعبه موب من قلبي انااحبه وماحب يصيبه مكروه وهو المسكين يابعد قلبي اذا شافن كذا يكلمني بهدوء وش فيك ماحب اشوفك كذا وانا ماعندي شي ارد علاه انا بنفسي مدري وش فيني واخذ كذا يومين اليوم الثالث انهار ابكي حوالي ساعه لين لدرجة ينقطع قلبي من البكا واذا انتهت موجة البكا ء سبحان الله ارجع طبيعيه والضيقه الي تكون في صدري تروح ونسيت اقولكن اذا جتني الضيقه صراحه يجيني تفكير اني اترك زوجي مع اني انا ماستغني عنه يوم واحد مقدر على فرقاه واروح احب راسه واتاسف منه وهو يابعد عمري يقدر يقول الواحد يتعوذ من الشيطان مايخلي الشيطان يسيطر علاه وانا صراحه احلم كثير بالجنون تطاردني وفي نفس الحلم اقراء واتعوذ منهن واتحلم بعد بالثعابين كثير والقطط هل احلامي لها صله بالحاله الي تجيني ابي من الله ثم منكن حل لحالتي وازيدكن يعد انا معاد انام في غرفة زوجي اذا جيت انام يجيني توتر وقلق بس بعض الاحيان اضغط على عمري وانام وانا تعبانه بس عشان زوجي ماياخذ في خاطره انا احبه احبه احبه واخاف اذا جتني الحاله هذي اتهور واخذ قرار خاطي ساعدني تكفن انا اختكن لاتتركني وادعلي تكفن ان ربي يزيح الهموم عني وعن جميع المسلمات طلعنه بسرعه للضروره اذا ماعلاكن امر
34
2K
يلزم عليك تسجيل الدخول أولًا لكتابة تعليق.
الله يفرجها عليك
شغلي سورة البقرة وطه ببيتك
ولاتسولفين عن علاقاتكم ببعض لأي أحد
الله يسخركم لبعض ويحميكم من العين
شغلي سورة البقرة وطه ببيتك
ولاتسولفين عن علاقاتكم ببعض لأي أحد
الله يسخركم لبعض ويحميكم من العين
الصفحة الأخيرة
حاولي تحصني نفسك كل يوم
وتقرأي المعوذات
وقراءة سورة البقره كل يوم
أمكن جايتكي عين
الله يصلح حالك وجميع المسلمين والمسلمات