الله يفرج همي

السلام عليكم

مشكلتي ان اي حد يتقدم يومين وبعدها يروح او نكتشف فيهم عيب الاخلاق وطبعا اخواني ما يرضون يزوجونا لشاب اخلاقه ماهي زينه
المشكلة ان كل صديقاتنا يمدحون اخلاقنا وجمالنا لكن اذا جوا يخطبون يروحون بعيد عنا مدري ليش
واختي نفس الحكاية تنخطب يوم وثاني يوم يغيروا رايهم ويهربوا :( مدري وين المشكلة لان الموقف يتكرر في كذا خطبة
قلنا يمكن سحر او عين لكن احنا ناس محافظين ونقرا القران وجتني فترة اقرا ايات الرقية الشرعية وامسح بها جسمي لكن الحمدلله مافيني شي

مدري ليه الناس تشوف غيرنا ولا تشوفنا وانا واخواتي على مشارف الثلاثين
والله ان اهلي شايلين همي وكل يوم يفتحون هالموضوع وانا انحرج واحس بنفسي عالة عليهم

طيب ايش بايدي والله ان كلمة عانس اصبحت عادي عندي ويوم احب اضحك واسولف مع امي اقول نكت عن العوانس واضرب المثل في نفسي :(

العام الماضي في رمضان قعدت ادعي ربي وابكي بانه يفرج همي ويرزقني بالزوج الصالح والحمدلله بعدها بشهور جتني صديقتي تبشرني بان فلان معجب باخلاقي الي سمع عنها وعن اهلي وبدا الرجال يتقرب من اهلي ويجالسهم وفجاءة هلت عليه المشاكل والمصايب من كل ناحية وابتعد واختفي :( حسيت باني نحسه وبكيت يومها من حظي لكن ارجع واقول الحمدلله على النعمة


ما ابغى الا انكم تدعون لي في الايام الفضيلة هذه بالزوج الصالح ويرزقني بزوج يقدرني ويحترمني