الله يفرج هم اللي تدخل تريحني

مساء الخير
بنات انا قصتي طويله مرا بس بحاول اختصرها وارجوكم افيدوني ورب الكعبه تعبت جدا ونفسيتي مرا تدمرت .
انا شخصيتي جدا اجتماعية ومحبوبه كثير من اللي حولي سواء أهلي او صحباتي ومتفوقه كنت بدراستي الحمدلله وكملت جامعتي وحاليا قاعده اقدم ع وظايف .
مشكلتي يابنات بدئت لمن تزوجت وسافرت مع زوجي بمنطقه ثانيه غير اللي عشت وتربيت فيها بس يابنات اقسم بالله من يوم تزوجت وانا متغيره مليون درجه صرت بس طفشانه تعبانه لوحدي أغلب الوقت لأن زوجي جدا انطوائي وكتوم وعابس ولمن حاولت كثير ازبط علاقتنا يقلي اتركيني في حالي انا طبعي كذا ، المهم قبل تقريبا سنتين تعرفت ع مجموعة بنات وقلت اتسلى واقطع وقت وانشغل وحبيتهم مرا والله يعلم انو اعتبرتهم اخوات وماشفت منهم الا كل خير لكن للأسف انا خربت كل شي ومن يومها وانا جدا مكتئبه ماني قادره اتخيل اني انا بنفسي اعمل حركه زي اللي عملتها فيهم ، مره من المرات مديت يدي وسرقت عقد ذهب لوحده منهم وبعدها بفتره بسيطه سرقت 500 ريال لوحده ثانيه . المهم انو عرفوا انو انا لاني كنت مرا مرتبكه ولمن سألتني وحده فيهم اعترفت لها ورجعت كل شي اخذته منهم وصليت ودعيت بدال المره مليون مرا ان ربي يسامحني ، بنات انا تعبانه وقاعده اكتبلكم وانا ربي وحده عالم بحالتي ، قولولي ايش اسوي ماني قادره استوعب ان انا اعمل تصرفات زي كذا ماني مستوعبه كيف امد يدي كيف اخرب حياتي كيف صارت شخصيتي سيئه للدرجه هذي ، صرت عصبيه تعبانه وماني راضيه ع الوضع اللي انا فيه واكثر شي خايفه منه ان زوجي يعرف بالموضوع هذا لان زوج وحده من البنات يعرف زوجي من بعيد لكن يدي ع قلبي اخاف اخسر كمان زوجي رغم اني احسه السبب في كل شي انا فيه
بخيل انطوائي هو عايش بغرفه وانا لوحدي اشوفه في اليوم قليل تعبت اغير حياتي تعبت اناقشه ، جاني ولد واحسه غير حياتي وانشغلت فيه لكن محتاجتكم الله يفرج هم كل وحده تساعدني ، ابغا ارجع زي زمان ابغا اكون واثقه من نفسي وعلاقاتي ناجحه مع الكل ، ابغا اكون امينه في بيتي ومع الناس زي زمان لو كنت اشوف ايش قدامي ماكان يخطر ببالي مجرد تفكير اني اخد شي مايخصني ، ليه صرت كذا وليه وصلت للمرحله هذي .
اكتبلكم وانا مشتتته ارجو انكم فهمتوني وتقدرو تساعدوني محتاجه وحده تتواصل معايه تكون معايه تفهمني ايش اعمل وكيف ارجع زي ماكنت .
انا ندمانه لكن ماعد اقدر ارجع علاقتي بالبنات هذولي لكن اللي اقدر اقوله الله يستر عليهم ويوفقهم بحياتهم لاني ماشفت منهم الا كل خير ويارب يسامحني ويسامحوني من قلبهم هم كمان لاني رديت لهم اللي اخذته منهم
لكن خوفي زوجي يعرف
والشي الثاني انصحوني ايش اسوي وكيف ارجع زي اول
امانه تفهموني وتحسو فيني تفيدوني ، الندم والتعب والقهر وتانيب الضمير ذبحوني