اختي لا تخافين انا وحدة اعرفها جاها الحزام الناري وكان فعلاً عذاب ومتعب لها جدّاً بس اخذت العلاج (مضاد للفيروسات ناسية اسمه لمدة اسبوعين ) ومرهم احمر ينحط على الحزام اول ما تطلع التقرحات ) وقالها الدكتور هو في العادة ياخذ وقته ويزول يعني من 3 اسابيع الى شهر او شهر ونص ويروح لا تخافين !!
وعلى فكرة اهم اسبابه هي ضعف المناعة في حالة التعرض للضغوط النفسية او للكيمو والاشعاع وهذا معروف انها تضعف مناعة الشخص خاصة اذا تعرض في طفولته لفايروس العنقز لأن الفايروس مايروح يبقى في الجسم سبحان الله !
اهم شي تطمني وطمني الوالدة انها صحيح متعبة جدا وآلامها لا تحتمل بس كلها فترة وتعدي !
لازم نفسيا تكون معنوياتها عالية
ايه على فكرة الدكتور وصف لها ترامادول مسكن للألم ولازم تاخذه في مواعيده ولا تقطعه من نفسها لأنه مخدر قوي جدا بس بيريحها كثير .
الله يشفيها يارب ويطمن قلبك عليها .
آآمين يارب .

اختي الغاليه  توكلي على الله وخليها تقرى سورة البقرة والاذكار وهالله هالله بماي زمزم قبل لا تشربه خل تدعي امج بشفاءها من هالمرض وتشربه مثل ما قال الرسول الكريم صلى الله عليه وسلم " ماء زمزم لما شرب له "  
ولا تحاتين ووكلي امرج لله واجد ناس عندهم سرطان والحمدلله اتشافوا بس خليها تستغفر وتذكر الله دايما والدعاء ادعلووولها دايما وخليها تغتسل بماي زمزم وتدعي 

انا اختي كان فيها المرض ( الله يرحمها )كانت اول شي اورام بالمبايض وقالوا لازم نستأصل الاورام قبل الكيمياوي لان خطره هالاورام  وخافوا تنتشر لان في اورام تكون حميده وفي خبيثه والخبيثه لازم عقبها جلسات كيمياوي عشان يشيلون ويقضون على الخلايا الصغيره من الاورام اللي ماقدروا يشيلونها بالعمليه ،، 

الجرعات اللي يعطونها امج عشان يقضون على الخلايا الصغيره قبل لا تنتشر ويحدون من انتشاره بجسمها   وللكيمياوي اثار كبيره نفسيه وجسديه والنفسيه اكبر واخطر من الجسديه عشان جذيه خليكم دايما حواليها وسولفوا معاها ولا تذكرونها بالمرض 
بس ذكروها بأجرها عند الله وان هذا ابتلاء الله يبتلي فيه عباده المؤمنين عشان يرفع قدرهم ويطهرهم من الذنوب

عزيزتي ..
خلي دايما هالشي في بالج ان الله سبحانه وتعالى لما يحب عبده يبتليه ويخليه يعاني من هالابتلاء
وان والدتج كل الم وكل معاناة تعانيها لها فيها اجر .. والله اذا حب عبد طهره من ذنووبه عشان ياخذه وهو ماعليه ولا ذنب

  والله العظيم ان الابتلاءات نعمه والله انها نعمه لو ندري بالاجر العظيم جان رضينا 
اخيتي في الله
لا تجزعين اذا اصابتج مصيبه ولا تعترضين على امر الله احتسبي واصبري واقرى قران دايما صدقه لامج وخلج قريبه منها وبإذن الله تبشرينا بشفاءها 
وخليج متفائله دايما وثقي بالله .. الله قال سبحانه : انا عند حسن ظن عبدي بي

وانا اسفه جدا لاني طولت عليج واذا تحتاجين اي شي انا بالشوفه وموجوده 



الله يشافي والدتج وتقروون عينكم بشفاءها يارب ياكريم 
اسأل العظيم رب العرش العظيم ان يشفيها 
اسأل العظيم رب العرش العظيم ان يشفيها 
اللهم رب الناس اذهب البأس اشفها انت الشافي لا شفاء الا شفاءك شفاء لا يغادر سقما


اللهم آمين يارب العالمين 

اختج  في الله حبوبه كول

ياله يارب ترفع عنها يامهيمن

الله يشفيها يارب ويشفيني ويشفي كل مريض 

يارب يشفيها ويرفع عنها في هذا الشهر الكريم