اختي انصحك النظااام ثم النظااااام والنظااام والله لانظمتي وقتك وعلمتي اولادك ع النظام ماتحتاسين احلى شي استفدته من عالمي الجميل ان لمى اصحى الصبح واصلي اعمل الفطور واخلي ابو الشباب ربي يحفظه لي >> اللهم امين
يفطر ولاراح ابدأ اشغل اللاب توب ع سورة البقره واطلع الدجاجه او اللحمه واتركهم يذوبون بروقان وامسك الريشه وابدأ بغرفة النوم وانفظها من فوق وع الكبتات والجدار اوالجبس ع السريع ماتاخذ منك دقيقتين بعدين اررتب السرير وامسك كيس الجمع فيه الزباله اللي بالغرفه واروح لغرفة الملابس واسوي فيها نفس اللي سويته بغرفة النوم وامسك تكرمين الحمام وانظفه طريقة روووعه اخذنها من هنا الله يجزا صاحبتها الجنه اخذ بخاخ واحط العملاق وكلوركس وديتول شوي من كل زاحد واضيف مويه وارش وادعك واشطفهم بالمويه ... بكذا خلصت غرفة النوووم
>>> انا ماعندي اطفال اسأل الله بقدرته سبحانه ان يفرح قلبي وقلب زوجي بالذرية الصالحه عاجلا غير اجل وكل محروم بس باضيفها للجدول امسكيها جيبي سله مثل سلة الملابس اجمعي فيها الالعاب
والكيس حق الزباله اللي جمعتي فيه زبالة غرفة النوم خليه بيدك جمعي فيه وخوذي الريشة ونفظي ع السريع بعدين رتبي السرير وروحي لملابسهم اجمعي اللي يبي لهم غسيل واللي يبي لهم ترتيب رتبيهم وبرضوا اذا فيه لهم حمام نظفيه نفس الطريقة بالحمام الاول وبكذا خلصتي غرفة النوم هاللحين روحي للصاله نفضيها وجمعي الزباله ونفظي الموكيت ورتبيه ...
بعدين جيبي المكنسه واكنسي البيت كله ع السريع غرفة النوم وغرفة الاطفال والصاله وجيبي مويه فيه كمفورت وامسحي فيها البيت كله... بكذا خلصتي البيت بإذن الله ماياخذ منك ساااعه كل هذا
>>> غسل الملابس مرتين بالاسبووع مع كويهم
>>>> ترتيب عميق للغرف كل اسبوع امسكي غرفتين بس اذا مشيتي ع النظام ان شاء الله ماراح تحتاجين لتنظيف عميق
بعدها روحي للمطبخ رتبيه وركبي غداااك
بالفتره هاذي ادهني جسمك وجهك ع السريع بعده خوذي شور واترتبي بنعووومه بيجاما مع مسكرا وقلوس
وركبي الفواحه مع البخووور
لاجوا عيالك حطي لهم الغدا بالمطبخ ورتبي غدا ابو الشباب وديه للغرفة واتغدي انتي واياه لحالكم هيئي له الجو يكون جاي تعبان محتاج راحه
فترة الظهر خلي عيالك يقرووون ويكتبون وانتي اجلسي عندهم حطي قناع او اي شي في جسمك لاجاء العصر خلي عيالك يروحون يلعبون او عند التلفزيون وركبي قهوتك لابوالشباب او اعزمي جاراتك المهم لاجاء المغرب عشي عيالك ونوميهم وافتحي القراان واقري وردك وبعد صلاة العشاء اتعشي انتي وابوالشباب طبعا خوذي راحتك باللبس بما ان الاطفال نايمين >>هههه
وبعدها نوم العوافي
والله لانظمتي وقتك كذا ماتتعبين لان نوم اللليل يعطيك طاااقه والشغل الصبح سبحان الله مايتعب وبسرررعه تخلصين
>>>>عاد لااوصيك عودي عيالك لما يجون من المدرسه يذبون ملابسهم بسلة الغسيل وشناطهم بغرفتهم وحذيانهم بالمكان المخصص لها عشان ماتتعبين وراهم وعوديه يرتبون سريرهم بعد مايقومون ويرتبون الصاله لما يبون ينامون لو مو ترتيب ترتيب بس يعني يجمعون الزباله وهكذا حتى يتعودون
بالخميس والجمعه اجتمعي فيهم علميهم اخلاق الرسول صلى الله عليه وسلم سوي جدول وعلقي الورقة بغرفتك اللي اشطر واحد في الاسبوع من ناحية نظافته بنفسه ونظافة اغراضه وادبه ومداومته ع الصلاه اذا هم كبار واعطيه جائزه قدام اخوانه اكثر واحد عنده صح كذا يتحمسووون مررره
>>>>اذا كانوا فاضين بعطلة الاسبوع اشغليهم مثلا يمسحون الجزمات <اكرمكم الله> او الكبت حقهم او اي شي خفيف
>>> ميزي يوم الجمعه خليه غير عن ايام الاسبوع من ناحية الملابس الحلوه وريحة البخور وتقرين انتي وهم قران للحين اتذكر الوالده الله يطول بعمرها وصرت تلقائي اقلدها اميز هاليوم
>>> عوديهم ع النظافه والاهتمام بنفسهم يعني يتسبحون دايم الفرشاه قبل وبعد الاكل نظافة الملابس
في موضوع مره نزلته عن تعطير الملابس خياااال شوفيه انصحك فيه

>>>>> خلاااص تعبت الله يساعدك ويعينك ادعي لي اختي ان ربي يرزقني الذرية الصالحه وان ربي يسترني بالدنيا والاخره ويسخر لي زوجي
ياااااااااااااربق افدتك لو بشئ بسيط
تحياااتي

جزاهن الله خيرا الاخوات كفوا ووفوا وتقريبا نفس نظامي ولكن المهم (( اول ما تصحي صلي الفجر حاضر ثم ابدي بكتاب الله وخلي وردك من القران الكريم صباحا)) والله ثم والله ثم والله انه ربي يبارك لك في كل وقتك وتكملي شغل بيتك وانت مبسوطة وبصحة ونشاط ليه لان كتاب الله بركة وقال الرسول صلى الله عليه وسلم "اللهم بارك لأمتي في بكورها"