الله يفرج هم كل من دخلت مأساتي😢😢

السلام عليكم ورحمة الله وبركاته
طبعا قصتي طويله شوي بس احاول اختصرها
اخواتي انا متزوجه من ثلاث سنين وعندي بنت وولد
المهم زوجي عنيد وعصبي بس طيب وحنون ومايقصر معي وحب عياله
بس عيبه البنات وعلاقته بالحريم دايم اكشفه وصار مشاكل بينا ووصلت لاهلي واهله لانه كل مازعل قال روحي بيت اهلك المهم قبل شهر قال عندي دوره بالرياض وبوديك لأهلك اهلي بالجنوب والمهم زي العسل معي الين وداني المطار وركبت الطياره واتصل على اخوي وقال خلاص اللي بيني وبين اختك انتهى
المهم وصلت وانا ما ادري عن شي وعلمني بعدها اخوي بالسالفه وانصدمت وصرت زي المجنونه طبعا انا غلط غلطه كبيره بحقه وعرف هالشي وما اقدر اقولها هنا
المهم على طول كلمته وقال خلاص مصروف عيالك بيجيك وانتبهي لعيالك وقلت خلاص ارسل باقي أغراضي المهم قعدت أسبوع مصدومه حتى الاكل ما أكله بعد أسبوع بديت اعتذر له وأرسل له رسايل واكلمه والى الان أكلمه بس احيان من دون وأحيان
عادي يسولف واذا دخلنا الموضوع قال ايام وينتهى اللي بينا بس يرد على اتصالاتي وقلت خلاص بجي بيتي قال لاتحلمين
ولي شهر بيت اهلى والله مو مرتاحة خاصة أبوي متوفي وانا ببيت اخوي بالعلم اخوي طيب بس تعرفون الاهتمام مايجيك زي زوجك وخاصة عيالي صغار ومحتاجين ابوهم وش السواة يابنات شوروا علي ما ابغى اخسر زوجي والله احس احبه وروحي متعلقة فيه