الله يفرج هم كل وحده تدخل وتساعدي ويفرح قلبها

السلام عليكم ورحمة الله وبركاته

كيفكم ياحلوات؟ يارب بخير

حبيباتي انا جديده عليكم وخاصه بالقسم دا ... بس ياريت تساعدوني الله يساعدكم ويفرح قلوبكم

مشكلتي ليا سنه و8 شهور متزوجه باول سنه من زواجي ماحملت ودا كان بأرادتي انا وزوجي بعد الله

وبعد سنه بتمام حملت بس ربي ما اراد يتم حملي فبعد شهر ونص من حملي مات الجنين في بطني وانا كنت

احسب نفسي دخلت الثالث وهوا في الحقيقه توقف نموه بعد 6 اسابيع .. ماكان في سبب معين ولما سألت

الدكتوره قالت حاله عاديا وكثير يحصلهم كدا علما بأني قبل احمل بشهر كشفت على نفسي انا وزوجي

عشان وقتها اردت الحمل وكان كل شي سليم والشهر اللي بعدو حملت .. بعد الاجهاض اجلت الحمل تقريبا

3 اشهر بعد الله عشان يرتاح الرحم وعشان كان عندي مشروع في اسناني وراح احتاج بنج وشغلانه فأجلنا

الحمل بعد الله زي ماقلتلكم عشان اخلص من اسناني وبالمره يرتاح الرحم.. بعد كدا وهادا الجزء المهم

رجعت افكر في الحمل لأني في حملي الاول حسيت اهلي فرحو واهل زوجي فرحو وزوجي اللي كان معايا

ففكرت اننا نأخر الحمل بداية زواجنا سنه برضو فرح ..صحيت لنفسي وفكرت جديا في الحمل

وبديت اراقب دورتي وكانت

اول دوره بتاريخ 1_5 عربي

وثاني دوره بتاريخ 25_5

وثالث دوره بتاريخ 22_6 يعني اليوم..وانا بصراحه احبطت جدا لأنو كان على بالي انو الشهر دا احمل خاصتا انو

في نفس الشهر عيد ميلاد زوجي ومرتبه كل شي على كدا وكنت حابه افاجئو بحملي

وحاولت احسب ايام التبويض والكلام دا ..بس صراحه ما ادري اذ حسابي كان صح ومشيت على حسابي

وزي ماقلتلكم شرفت اليوم الدوره واكتأبت وبصراحه بكيت

انا عارفه اني طولت عليكم وقلتلكم قصة حياتي بس صراحه من ساعة ماشوفت الدوره وانا في حالة اكتئاب

ياريت لو تخرجوني منها وتساعدوني في حساب ايام التبويض

وياريت مو تحطولي جدول وكدا لأني خايفه الخبط زي ماسويت الشهر دا

ياريت الله يفرحكم ويفرج هم كل وحده ويحقق اللي في بالها انكم تحسبولي انتو تحسبولي طول دورتي

وتقوليلي متى يوم التبويض ..والله عارفه اني طول كلامي بس سوري اخر حاجا اقولها كي حسبت انا ايام الاباضه

حسبت من اول دوره اللي هيا 1_5 الى ثاني دوره 25_5 =طول الدوره 25 يوم

جلست الدوره الى يوم 3_6 يعني 7 ايام لأنو الشهر ناقص

لقائي مع زوجي كان يوم 5_6و 6_6و 7_6

وبعدها رحت لأهلي يومين خلالهم ماحصل لقاء ..لكن بعدها حصل عدة مرات بس طبعا ما اذكر تواريخها

اسألتي

كم طول دورتي الاخيره؟؟

متى سيكون بأذن الله ايام التبويض؟

هل حسابي لطول الدوره اللي راحت صح؟؟

هل ايام اللقاء مع زوجي كان من ضمنها ايام التبويض؟؟

هل اجهاضي في الحمل الاول يأثر في حملي؟؟

هل الاجهاض في الحمل الاول له اسباب في حدوثه؟؟

ارجووووووووووووووكم ساعدوني لأني ما ابغى ادخل في دوامة التفكير في الحمل وانتو تعرفو انو يأخر الحمل

وانا حابه احمل بسرعه بأذن الله

وفي الاخر اشكر اللي حتساعدني ويارب يحقق كل اللي في خاطرها واشكر اللي قريت موضوعي واستحملت طول كلامي

مع السلامه