الله يفرج هم كل وحده ترد

بنات انا ماحب اشكي لغير ربي بس احس ودي افضفض وماحب اقول كلشي ف بقول بعض الاشياء بس، بالبدايه انا عمري ١٧ سنه.
انا اهلي الله يهديهم حارميني من اشياء كثير والسبب اني "بنت" ، بنات وربي ما ابالغ اني محرومه من الطلعات لدرجة اجلس عند الشباك واطالع الناس والسيارات وابكي ودي اطلع واروح واجي عالاقل مره وحده بالشهر حتى المناسبات مايخلوني اروح💔 بنات تعبت تعبت دايم ادعي ربي واقول يارب الحريه يارب الحريه وحتى مره جافين بالتعامل معي ومافيه لا حب ولا حنان المشكله بنات اني حنونه مرهه وعاطفيه واحتاج حب احتاج حنان بس الحمدلله اني اخاف الله بس اتعببب وربي حتى امي الله يهديها دايم مشغوله عني وطالعه وتخلي اخواني عندي وامسكهم مو احيانا لا داييييممم وشبه يوميًا حتى الحين وانا اكتب هذي الرساله طالعه ، وربي صرت احس اني مو عايشه حياتي احس عمري قاعد يروح وانا بس بالبيت ودي اعيش حياتي صرت احس اني بسجن وربي يبنات حتى اخواني صرت احسهم عيالي وانا امهم حتى ايام ماكانت الدراسه حضوري كانو صديقاتي يشوفون درجاتي مو كويسه ويسالوني يقولون ليه ماتذاكرين واقولهم لاني اهتم في اخواني ويقولون امك وينها💔 امي الحمدلله مانسى فضلها ورعايتها لي لكن الله يهديها صارت بعدها تدمرني نفسيًا ومو قاعده تحس قديش هذا الشي ياثر علي وعلى نفسيتي ودراستي وربي شعور مو حلو اني اشوف صحباتي مهتمين بدراستهم ولا وراهم مسؤولية اخوان ويطلعون واهلهم متفهميين وواثقين فيهم ماشاءالله 💔 ، اخخخ يبنات وربي كل هالاشياء صارت تخليني افكر اني اتزوج وشي ثاني يخليني افكر بالزواج اني شهوانيه بزياده واعاني من هالمشكله من زمان مع اني ورب الكعبه ما اشوف شي ولا اسوي شي واخاف ربي دايم ادعي ربي يعفني ودايم اخاف على نفسي بس مستحيل يعني اسوي شي حرام بس يجيني خوف وصرت ادعي ربي يزوجني الزوج الصالح الي
يفهمني ولحد يقول عايشه بخيالات واحلام ورديه ولا مارح يجيك احد يطلعك من مشاكلك! لاني بكل سجده ادعي ربي وادري بعد انه الزواج مو بس دلع وانه فيه مشاكل بس ترا مثل مافيه مشاكل فيه تفاهم فيه انك تختارين الشخص الصح الي يوافق افكارك وشخصيتك ويفهمك وانا عندي يقين بالله انه بيستجيب لي وبيعطيني الشخص الي اتمناه بس تكفون تعبت من الانتظار تعبت تعبت والظروف الي عايشتها تعبتني اكثر احس اني مرهقه احس انهلكتتتت حرفيًا .. لحد يقول صغيره انا عشت ظروف واشياء كثير مايعلمها الا الله خلتني ناضجه وقادره اتحمل مسؤولية الزواج وعارفه بالزواج وفاهمه كلشي حرفيًا خصوصًا انو امي وابوي منفصلين فصار عندي خوف وصرت دايم اقرا عن الزواج وكيف اتعامل مع الزوج وكلشي عن الزواج صرت اتعلم عنه من ٥ سنين والحمدلله الحين عندي معلومات كافيه لدرجة صرت الحين اتعلم كيف اربي ، تكفون بنات ادعولي وعطوني اراءكم بدون تجريح الي فيني مكفيني والله