تزوجت واحد من اول اسبوع من زواجنا قالي ابيك تتوظفين وتساعديني مع العلم انه مو على قده
المهم بدت وسائل الضغط على عشان يبعد عنه بعض المسؤليات ويحطها على راسي انا واهلي......
ما يودي ولا يجيب وقليل جدا ما اركب سيارته وكل ما طلبت مشوار حتى لو انه جنب بيتي قال وين سواق اهلك واهلي بعدين مرررررررره عني !!!!!! حتى اهله داااااااااااايم يقولون لي وين سواق اهلك وين سواق اهلك لدرجة مره قلت لهم اني اجمع النعمه الي تبقى من اكلنا ما ارميها حرام وابي احد يرميها بالبرحه الي جنب بيتي للحيوانات زوجي اذا عطيته اياها رماها بالزباله قالت لي اخته خلي سواق اهلك يرميها لك وهم كلهم عندهم سووايق وكل يوم عند امهم وتخلي السواق قاعد عند الباب ينتظرها ما يروح يعني وش يظرها لو كب الاكل
بعدسنه من زواجنا صار يشتغل في خارج ديرتنا وبعيد مرره رماني انا وبزره عند اهلي ما يبي ياخني معه يقول ما غير نتهاوش انا وياك وانا ماني فاضي لك ويجي بس اجازات يعني يقعد شهر ولا شهر ونص ويجي اسبوع والاجازات عشوائي مو مع الناس واحيانا يرمينا وانا ما معي ولا ريال اتسلف من امي على بال ما يتكرم ويعطينا بعد اخر مشلكه كبيره بيننا كنت عند اهلي وطلبت الطلاق بعدها صار يمشي لنا مصروف ولا يقصر من هالناحيه .....
اذا جيت بطلع اي مشوار مستشفى او شغل يعني شي ضروري اقول امسك البزر لين اجي وسواق اهلي يوديني يعني ما لك منه يقولي خلي امك تمسكه ولا شغالة اهلك ولا اختك المتزوجه ولا شغالة اخوك !!!! طيب اهلك تحتي ليش ما تحطه عندهم او انت امسكه ما راح اطول واهلي بعيدين عني ولا سكني جنب اهلي وتنتهي المشكله !!!!لدرجة اني فكرت اكلم حضانه او ام الجيران تمسكه لي !!!
حملت واحتجت شغاله يقولي خلي شغالة اهلك تجيك وانا ساكنه فوق اهله وعندهم شغاله فاضيه ليش ما ترقى لي لاتقولون قولي لهم انت لاني اخاف من المشاكل معهم سبق وصارت لي مشاكل على اسباب تافهه واذا تمشكلت معهم يعني بتمشكل مع ولدهم بعد انا ابيه هو يقولهم مو انا لا كن مستحيل يتكلم لدرجة اني كلم ام الجيران تعطيني شغالتها وهي طيبه اخذ رقمها ومسحه من جوال!!! وقالي ان كلمتيها فانتي طالق ....وشغالات الاجار جربتهم تجي بالساعه اقعد يوم كامل باالموت القى وحده فاضيه وتجي يالله تتحرك عشان تاخذ فلوس اكثر وغاليات وهو يقولي ادعي لهم من مصروفك
قلت له مره بقعد في بيتي اذا سافرت بس وفر لنا اغراض المطبخ ابطلب انا من البقاله بس ما اقدر افتح للهندي اخاف منه خل شغالة اهلك تفتح له وتعطيني الاغراض او اي سواق من سواقينهم (خالتي ما عندها سواق لاكن بنتها مطلقه وساكنه عندها وعندها سواق) قال خلي سواق اهلك يجيب ك الاغراض!!!!!!
اخر موقف خلاني انفجر بنتي طاحت على فجأه بين الحيا والموت وودينها للمستشفى حكومي ولا عطونا وجه وادق عليه اصيح اقوله دبرنا عطنا فلوس خلنا نروح لمستشفى خاص قال لا انت ادفعي من مصروفك الي اعطيك وقالي وين اخوانك ليش ما يجو يتفاهمون مع المستشفى مو هم خوال البنت!!!!!! قلت له وانا معصبه ووين عمانها ليش محد فيهم تحرك:angry2: كل شي على راسي انا واهلي...راح دق على واحد من اخوانه وقاله يجي عندي قلت لزوجي خله يجيب زوجته او بنته انا استحي من الرجال قال انت كلمي زوجته( دايم يبي كل شي بوجهي وانا اتكلم وادبر وهو مرتاح) كلمت زوجته قلت لها تعالي انت او بنتك قالت وين اخوانك!!!!!! قلت لها خلاص لايجي زوجك ودقيت على زوجي قلت له لايجي اخوك ما اقبل خدمه بمنه
المهم انو بنتي طلعت بالسلامه لاكن الى ليوم انا اتاوش انا وياه اقوله جب لي خدامه وراميني عند اهلي و كل شي على على راسي انا واهلي قلت له اذا صرت بالتاسع وبالنفاس انا ما راح اتحمل بنتك انت تكفل فيها ما تدخل بيت اهلي قال خلاص جهزي اغراضها اوديها الحين عند اهلي وكلم امه قالها زوجتي وخوالها مو قادرين يتحملون بنتي قالت امه جبهاعندنا حتى الي في بطنها خلها تجيبه اذا ولدته !!!! المشكله اني لا رحت مشوار ما ادري وين احطه وهم تحتي والحين بيحطه عند امه شهور!!! ويقولي ياويلك تخذينها لو يوم بس تعالي زيارات شوفيها !!!! يعني المسأله شر الله يكفيني شرهم هم وولدهم
المهم انا افكر صدق اني احطها لاكن فيه في البيت امه وشغالتها فاضيه واخته كبير ومطلقه وفاضيه يعني بنتي ماراح تكلف عليهم واخته دااااااااايم من جبت بنتي وهي اول ما اجي وهي تنتقدني في بنتي قدام زوجي يعني انت ما تعرفين لها انت مهمله لها شوفي يوم جانا بدا يتكلم عندك ما يتكلم لانك انت ما تسولفين عليه .....الخ ومن هاالنقد الي ماله داعي (يعني انا اهتم في بنت اخوي اكثر منك يا امها لاكن بطريقه غيرمباشره)ِواذا رقيت بدا زوجي يهاوشني على نقدها يعني انت فعلا مهمله بالبنت
وانا خايفه اذا حطيت بنتي عندها توصل لهدفها انا ما ادري وش يدور في راسها بس هي مأذيتني من تزوجت
وشرايكم احطها عندهم كاوسيلة ضغط عشان يتحمل مسؤليتنا ويجيب شغاله ولا لا لاني خايفه من اخته تسوي لي مشكله جديدهِ..... واخاف زوجي يقول اختي تهتم في عيالي اكثر منك
وزوجي شمالي غربي الي تعرف بالانماط
غنوتي @ghnoty
محررة
يلزم عليك تسجيل الدخول أولًا لكتابة تعليق.
والله يااختي حالتك مع زوجك سببها انكم ماحاولتوا تتقربون من بعض.....اختي زوجك اتكالي واعتقد انك دايم تنتقدينه وتستفزينه.....انا معك انه شي يقهر.لكن الرجال طفل ..خذيه باللين ياعزيزتي امدحيه واثني عليه ولاتجينه بالعناد..قولي مثلن بنتي ودي تاخذ على اهلك وتروح لهم بدوني لانهم اهلها وعزوتها.يعني سوي اللي تبينه بس باسلوب وحكمه ياقلبي.....كثري من الدعوات ان ربي يسخر لك زوجك واهله ويكفيك شرهم... والاستغفار لاتغفلين عنه
الله يهديك يا ضيم على هالأسلوووووووب
لصاحبه المشكله ،،،،،،،،،،
أسأل الله أن يهديه لك وأن يقر عينك به كما تردين
ولكن لا بد من اتباع الأسلوب القوي معاه يعني لازم يقدر المسؤوليه
لو تكلمين أحد من أخوانك يكلمه دوووووبك بدايه حياتك وذي سواته الله يسامحه؟؟؟؟؟
لصاحبه المشكله ،،،،،،،،،،
أسأل الله أن يهديه لك وأن يقر عينك به كما تردين
ولكن لا بد من اتباع الأسلوب القوي معاه يعني لازم يقدر المسؤوليه
لو تكلمين أحد من أخوانك يكلمه دوووووبك بدايه حياتك وذي سواته الله يسامحه؟؟؟؟؟
الصفحة الأخيرة
أتمنى البنات يساعدوك ...