السلام عليكم اخواتي
ماادري من وين ابدا لكن بادخل في الموضوع على طول
انا صارت بيني وبين خالة زوجي واللي هي زوجة اخوي في نفس الوقت سوء تفاهم قلت كلمه اقصد بهاخير
قلبت الموضوع علي وانا مااقصد يعلم الله وقلت لها انا قصدي كذا وكذا لكنها مارضيت تسمعني صارت تهاوشني وتصارخ علي وانا اكبر منها مااحترمتني
رحت انا انقهرت منها وخفت توصل الكلام لاخوي بطريقه ثانيه وعلمت اخوي باللي صار وبينت له حسن نيتي وهو عصب وهاوشها
المشكله انها شيشت أخوات زوجي علي كلهم وصارواكل ماقابلتهم زعلانين ومكشرين ولا حتى يتكلمون معاي وانا مضطره لمقابلتهم عزايمنا كثير ومناسبتنا لازم انتقابل ومقهوره منهم
ليه سمعوا منها وصدقوها ولا حتى سألوني بس مو غريبه عليهم هذي عادتهم معي دايم بس هالمره غير لان فيها كذا مناسبه جايه في العايله وبنجتمع فيها ومحتاره وشلون اتعامل معاهم وكيف اقابلها وشلون اتصرف والله خايفه يكيدون لي والا يسوون لي شي والا يحرجوني قدام الحريم وانا والله ماعندي الشجاعه لمواجهتم .
لا تقولون كلميهم واساليهم ليه زعلانين لانهم مايقولون ولا يعترفون بزعلهم ولا ياخذون ويعطون معاك بس يزعلون ويشيلون في أنفسهم ويدقون بالكلام ويحقرون بس مايتفاهمون مع احد هم
شايفات انفسهم ماادري على ايش وانا والله محترمه معاهم كلهم بس هم كأنهم يدورون علي زله الله يهديهم مع اني مااحقد على احد واعاملهم احسن معامله بس عشاني ماادافع عن نفسي ولا اسبب مشاكل لهم يعاملوني كذا؟
تكفون قولوا لي وش لون اتعامل معاهم ابي طريقه ماتنقص من قيمتي وكلام ماياخذونه ضدي وشلون اقابل مكرهم وتكفون ادعوا لي تعدي هالمناسبات على خير
ودي انقل بعيد عنهم وعن مشاكلهم بس وين اروح اهلي في المدينه وانا في الشرقيه ياحسره على وزوجي مستحيل يرضى يارب انصرني عليهم وكن معي :(
لا تخلوني اخواتي مالي بعد الله الا أنتم أشكي لكم همي:(
همومي قيدتني:( @hmomy_kydtny
عضوة جديدة
يلزم عليك تسجيل الدخول أولًا لكتابة تعليق.
حبيبتي
أهم شيء انتي ، وربي عالم إن نيتك زينه
وسعي صدرك ولاتشيلين هم شي
خليك مع الله وأصلحي اللي بينك وبين الله ينصلح اللي بينك وبين الناس
اجتمعي معهم عادي وادحري الشيطان
الله يسخر لك قلوب من حولك ويكفيك مااهمك بالدنيا والآخرة
أهم شيء انتي ، وربي عالم إن نيتك زينه
وسعي صدرك ولاتشيلين هم شي
خليك مع الله وأصلحي اللي بينك وبين الله ينصلح اللي بينك وبين الناس
اجتمعي معهم عادي وادحري الشيطان
الله يسخر لك قلوب من حولك ويكفيك مااهمك بالدنيا والآخرة
الصفحة الأخيرة
حبيبتي لو فيهم خير كان لما جتهم وحده ونقلت كلام ماصدقوها واستحقروها
ولاكان ارفعوا سماعة التلفون قالولك عسى ماشر يالحبيه ايش الي صار بظبط
اقولك حبيبتي خليهم ينقلعون خليهم يفكرون الي يبون يفكرونه .......ولاتجهدين نفسك انك تشرحين لهم
عشانهم مراح يصدقونك.....بيشفونك عدوه..............هم مرضى نفسين مايحبون احد وتلقينهم دايم يظنون السوء
النوعيات مايحبون احد قلوبهم مليانه كرهه .............ولاتستغربين انهم يكروهونك من غير سبب
هوني على حالك واذا قابلتيهم خلك طبيعيه جدا
ولو اغلطوا عليك اول شي قوليلهم احترموني وتكلموا معي بهدوء
وادعي ربك يكفيك شرهم