الله يفك كربتها الي تفك كربة زميلتي؟

ما اطول عليكم المشكله لزميله ليه تزوجته من الصيف الي فات وكان زواجهم ولا احسن منه بس بعد الزواج بشهرين اكتشفت انه زوجها يعرف وحده ويكلمها؟ والله انها البنت ماشاء الله عليها جمال واخلاق وشياكه وبشوشه وفي المطبخ لال يعلو عليها والكل يشهد لها بس المشكله في زوجها عرس الغفله من بعد الزواج بشهر بدا تطلع عليه حركاته والبنت صابره علشان ماتخرب بيتها ودا راحت عند احد من معارفهم يسفهها الين تكلمه ويروح ياخذهاغير انه طلباتها مايجيبها وقالت لامه انه ماينفذطلبات البيت فامه امراه فاضله ماترضى بالظلم اصلا مايحسب لامه اي حساب. راحت المسكينه وتكلمت مع زوجها ونكر انه ماعنده هذه الحركات وراحت عند اهلها وما قالت لاهلها وبعدين جاء ورضاها ورجعت معاه علشان تحفظ بيتها وبعد فترة شهر اكتشفت انه رجع مره ثانيه وواجهته وقال لها انه صاحبه هو الي يستعمل الجوال حقه ويكلم طيب اذا كان كلامه صح ليه لمن يجيه مكالمه يطلع من نفس المكان ويكلم وراحت البنت واخدت الجوال ولقيت انه نفس الرقم واخدت الرقم ودقت وردت عليها حرمه واتكلمت معاهاومااعطتها وجه صاحبة الرقم وقفلت على طول وبعدها بيوم دقت عليه زميلتي مره مقفل ومره ماترد ابد وشكله انها قالت له ولقيت في جوال زوجها مسجات شوق وغرام من نفس الرقم.والحين البنت عند اهلها من اربعة ايام وماقالت لاهلها علشان المشكله ماتكبر وهي تبغى تحلها وقلت ان شاء الله الاقي الحل عندكم باذن الله.والله المسكينه تاهيه علشان مايدر اهلها واهله؟