الله يكتبلي ساعه سهله..بــــس شايلة هم نفاسي

السلام عليكم ورحمة الله
انا الصراحه ماااحب الكلام الكثير وهذه اول مره اكتب موضوع يخصني بس من جد محتارة وابغا ارائكم
ولادتي قربت *****الله ربي يكتبلي ويكتب لكل وحدة حامل الساعه السهله

الموضوع ومافيه اني انفس في بيتي الوالده في بيت جدي تهتم بيه الله يعينها يادوب تهتم بيه والبيت اساسا صغير مايمديني اروحلها
وماعندي شغاله
وانا ساكنه مع اهل زوجي
في ولادتي الاولى من اول يوم خرجت فيه من المستشفى بدات الززيارات واهل زوجي ماشاءالله كثيرين من جدة ومن مكه
والصراحه مرة تعبت من انتظار للضيوف وفي الاخير تجي وحده ولا اثنين وجلست على هذا الحال شهر كل يوم حرمة ولا حرمتين غير اخوات زوجي ماشاءالله طبعا كانو يفزعولي لكن عيالهم حاسولي البيت حوسه
استغفر الله ياربي ماابغا انكر جميلهم
بس انا اللي مضايقني الزيارات هذه لدرجة اني والله ماقدرت ارضع طبيعي طول الليل على اعصابي والعصر اقوم اشوف البيت مرتب ولا لا لانو ماعندي خدامه والضيوف من بعد المغرب ل11 ماشاءالله
وكان عندي اساسا اكتئاب بعد الولادة لانو امي ماكانت تقدر تجيني لظروف جدي الصحية لازم تكون معاه مرة تعبت

ياريت تقترحو عليا ايش اسوي هذه المرة
أأخر الناس واسوي عشاء بعدها بشهر مثلا ولا كيف اقول لام زوجي أجلي جيت الضيوف بعدها باسبوعين
انا والله مااكره الناس بس انا قصدي انو نفسي اول اسبوعين محد يجيني الى ان اقدر اتحرك واتعلم الرضاعه الطبيعية ونفسيتي ترتاح

شورو عليا اللي تنفس في بيتها كيف تسوي ؟؟