بسم الله الرحمن الرحيم
والله من القهر يابنات احس راسي صدددددددددددع ومالي نفس بالاكل من قومتى الظهر مااكلت شئ
السالفه ومافيها يابنات اني مطلقه ولله الحمد وبرغبه منى والسنه اللي فاتت وتحديدا بشهر 8هجري تقدملي ولد خالي وكان اصغر منى بخمس سنوات واعزب لم يسبق له الزواج وامه وابوه منفصلين عن بعض وابوه تزوج وخلف وامه كذالك وهو موظف بالرياض المهم جاني اخوي وقال ان ولدخالك يخطب عاد انا هنا تفاجات توقعته يبي اختى اللي اصغر منى لانها بعمره قال اخوي لا هو يبيك انتى قلت وشلون قال هو يبيك ويقول عارف ظروفك كلها حتى عمرك بس قال ترى اذا تزوجنا تنقل معي بالرياض لانى موظفه انا قلت الراي لاهلي لاني اعرف امي مايعجبها العجب >>> ياكثر الخطاب اللي ردت بتقولون وابوك بقولكم ابوي رجال طيب وعلى نياته وامي تاثر عليه بقوه بدون ماتاخذ راينا والكل عندها طمعان براتبي ماعدا عيال عمي هم اللي فيهم الخير >>> كرهتم من حبها لهم
المهم اكمل لكم السالفه كان الكلام اللي فوق بالليل يوم جاء من بكره بالليل قال اخوي ترى محمد (الاسم المستعار لولد خالي )يقول تراي هونت قل لاختك لاتنتظرني قال اخوي ماوقفت عليك انا هنا سكت وتحطمت ولكن قلت عسى في الامر خيره والموضوع كله يابنات مادخل مزاجي والولد انقطعت اخباره لاحس ولاخبر
والعطله هذاي شفت خاله محمد وبالمناسبه هالبنت كانت حريصه علي وبقوه بعد صح مااعرفها الا انها من ضمن الجماعه فقط ومااشوفها الا بالزواجات فقط
لكن والله مااكذب عليكم انها كانت ادورني بين الحضور عشان تسلم علي بس وتسالني عن اخباري وانا كنت احترم رغبتها وسلامها لي وقلبي كان حاس انها هي اللي اقنعت ولد اختها فيني وفعلا احساسي صادق لانه قبل شهرين حضرت عزيمه تخصنا ونادتني وجلست معها واخذتنا السوالف وكنت احاول اكون سطحيه معها لغايه ماسالتنى هالسؤال وقالت انفال بسالك وابيك تجاوبيني بصدق قلت سمي قالت ليش رفضتي محمد انا صرت مثل اللي مكبوب عليه ماء بارد قلت وش تقولين قالت الي سمعتيه قلت قولى كل اللي عندك عشان اجاوبك قالت محمد ولد اختى يوم حاء يخطبك ليش رفضتيه عشان راتبك تراه والله ماهو نافعك وانا اختك قلت من قالك قالت محمد قالي يوم تقدمت لهم كلمت اخوها وثاني يوم دقيت عليه وقلتله شف تراي انا بروح اسبوع للرياض عندي شغل وباارجع لكم وان شاء الله تكونون تشاورتوا وترد علي قال اخوي له اصلا اختى ماتبيك (طبعا اخوي يقصدني )بس وش رايك تاخذ اختى الصغيره مناسبه لك اكثر قال محمد لا خلاص دام انفال رفضتني ماابي اختك الثانيه
انا يوم خلصت الهرج قلتلها والله ثم والله ان هالكلام ماحصل وان اخوي يقول ان محمد هو اللي تراجع قالت اخوك يكذب عليك ورد محمد عشان راتبك او يمكن له غرض ثاني ولما قلت اخوي مستحيل يسويها قالت اجل شوفي انا بحلف ولد اختى يقول الصدق وارد لك ماودي اخرب بينك وبين اخوك وانا ماكنت ادري ان اخوك تصرف من راسه
المهم اخذت رقمها وكلمت بعد 3ايام وسالتها قالت والله اني حلفت محمد وقال والله ياخاله اني من يوم كلمت اخوها وقلت اني ابي انفال انه قالي وش تبي فيها مطلقه واكبر منك خذ اللي اصغر منها بالله يابنات لو اخوك يقول عنك هالكلام وش بيكون رده فعلك انا يوم قالتلي هالكلام وانا مابين مصدق ومكذب وكنت دايم ادعي ربي بهالدعاء واقول اللهم خذ بيدي بالمضائق واكشف لي وجوه الحقائق وبعدها باسبوع والا هذا اخوي يقولي ابيك تاخذين لي قرض 60الف وسبق اول ماتوظفت انه فاتحني لكنى رفضت اربط نفسي بقروض خاصه انه عاطل باطل ولكنى ساعدته باللي انا محوشته وعطيته 10 االاف ولا رجع منهن غير 3 الاف وقالي انا ابي اسدد على راحتى يعني الاخ يبي يورطني وعذره وشو يقول تاخذين لي احسن من انك بكره تتزوجين وتتمشكلين مع زوجك ساعتها تقولين انا مااخذه لاخوي قرض بالله هذا هرج عاقل قلت والله انت تبي قرض واخوك يبي قال اخوي موظف بغيت اقوله وانت وش اللي رادك المهم قلت افكر واردلك بعدها سبحان الله احس انه تعمد يرد محمد عشان ارضخ له يمكن قال بنفسه هذي موظفه استفيد منها مع العلم يابنات انه مايودي احد ولا يجيب احد واخو بس بالاسم ولولا الله ثم ابوي وامي كان ماتزوج وزوجته الحمدالله والشكر ماتحس عايشه بدون كرامه تروح مع ابوي وتجي مع ابوي بس باالاسم متزوجه وعندها فلوس ذهبها ليش ماياخذ من زوجته وش اللي حلله تعبي وش اللي يضمن لي انه بيسدد القرض اذا 7الاف ماسددها بيسدد 60 الف ووسالني بعدها بشهر وش صار على الموضوع قلت ماراح اخذ قرض لا لك ولاغيرك قال ليش والا بس كذا ودخلت غرفتي ولا رديت عليه وانا الحين خابفه يابنات انه يسوي لي شئ يعني اقصد يوقف بطريق زواجي واحيانا اقول بالطقاق هو رفض محمد من قبل مايطلبني الحين من بيرفض
واليوم كلمت خاله محمد للعلم هو خطب الله يوفقه وقالتلي ان محمد يقولها ان ابو نايف (هذا امه تكون بنت عمتى ومتزوج اخت طليقي ) مكلمه ويساله يقول صدق انك خاطب انفال قال محمد ايه قال الحمدالله والشكر وش تبي فيها هذي مطلقه واكبر منك واهلها مااحد ياخذ منهم مع العلم ان اخو ابونايف مااخذ اختى انا بصراحه انقهرت قلت وش دخله هالحقير يتكلم على باي حق ودام ان حنا مااحد ياخذ منا ليش اخوه مااخذ اختى لكن حسبي الله ونعم الوكيل والله يابنات ماعمري تكلمت على احد يسوء ولا قطعت رزق احد ليش اخوي وهالحقير يتكلمون من وراي قسم بالله يابنات اني دعيت عليهم ان الله يقطعهم من الضنا ويحرق قلوبهم مثل مااحرقوا قلبي
هذي السالفه بين ايديكم اتمنى تعذروني لركاكه الاسلوب لاني مقهوره وانا اكتب لكم
واذا غلطت بشئ اتمنى تقولون لي لان احيانا الواحد بلحظه الغضب يقول اشياء مفروض مايقولها
انفال1 @anfal1_1
عضوة
هذا الموضوع مغلق.
والله 000الله يكون بعونتس والمفروض اخوتس مايقول كيذا مهما صار
والله يكتب لتس الخير
بس المفروض بعد اللى اسمه محمد يدرى بالسالفه وان انتى مارفضتيه ولا شي
ولعل الله يحدث بعد ذلك امرا
والله يكتب لتس الخير
بس المفروض بعد اللى اسمه محمد يدرى بالسالفه وان انتى مارفضتيه ولا شي
ولعل الله يحدث بعد ذلك امرا
my alon
•
الله يفرج همك اختي واعجبني تصرفك لما رفضتي تعطين اخوك القرض وخليك كذا قويه ماعليك من احد هذا تعبك اما كلام الناس مااحد مرتاح منه فوضي امرك لله فيهم واذا زاذ الكلام عن حده لا وقفيهم عند حدهم ترى الضعيف يناكل حقه والله يوفقك ويعوضك بولد الحلال
ايه ياقلبي الاخو يطمع بفلوس اخته
شوفي اخوك هذا والا ريال تعطينه تدرين ليه عشان يغسل يده منك واذا جاك احد يزوجك
وحاولي تقولين له انا ترا سمعت مكالمتك لمحمد يوم تقوله وش تبي فيها مطلقه خذر اختي الصغيره عشان يطيح وجهه واقلبي عليه وخليك سطحيه معاه فهمتي
وانتبهي انتبهي ولاريال ياخذه منك وقولي له لاتحرجني انت بالذات ماراح تشوف مني والا ريال وبلغي امك بالسالفه لاتسكتين
والله لو تعطينهم قروض مايطلقونك بيخلونك البنك حقهم المتنقل
ودايم قولي لهم انا فلوسي كلها بحطها بميجد ووقف واصرف على قد حاجتي وتصدقي منها عشان يفقد الامل
شوفي اخوك هذا والا ريال تعطينه تدرين ليه عشان يغسل يده منك واذا جاك احد يزوجك
وحاولي تقولين له انا ترا سمعت مكالمتك لمحمد يوم تقوله وش تبي فيها مطلقه خذر اختي الصغيره عشان يطيح وجهه واقلبي عليه وخليك سطحيه معاه فهمتي
وانتبهي انتبهي ولاريال ياخذه منك وقولي له لاتحرجني انت بالذات ماراح تشوف مني والا ريال وبلغي امك بالسالفه لاتسكتين
والله لو تعطينهم قروض مايطلقونك بيخلونك البنك حقهم المتنقل
ودايم قولي لهم انا فلوسي كلها بحطها بميجد ووقف واصرف على قد حاجتي وتصدقي منها عشان يفقد الامل
الصفحة الأخيرة
ومحمد لو يبغاك ومتعلق فيك بيرجع لك ولا يهمه كلام أحد
نصيحه أختي
بهالدنيا لا تثقين بأي أحد حتى أقرب الناس لك
تحيتي