خليك رسمية معها وزوريها فقط في المناسبات نص ساعة ويكون كلامك قليل جدا

ردود البنات كافيه
بس حبيت اقول لك شي
بالنسبه لنظره جماعة زوجك لك وسمعتك
لا تحاتين ولا تحملين هم
مبين من شخصية ام زوجك ان حتى الناس يشوفونها غلط وماكو التزام
يعني أكيد رايتك بيضا عندهم وسمعتك طيبه مهما تكلمت عنك لانهم معاشرينها وعارفينها
والناس هالايام متفتحين وفاهمين صح
ويعرفون الواحد صادق والاكاذب من شخصيته

تصرفاتها غريبه


!!!
الله يعينك

اختي كبري عقلك وشو اطلع فضايحها واتكلم فيها لاتنسين انها ام زوجك وجدة عيالك وانها ابدى عند زوجك منك يتخلى عنك عشانها هذي امه ومابدل الام ام ولو فيها عيوب الدنيا كلها بس بدل الزوجه مليار صح والا لا لاتتعجلين ماتدرين الا انتي مطلقه ومحرومه من ضناك لاقدر الله وبعدين تاكدي من نفسك ممكن تكونين انتي السبب انا اعرف وحده دايم تتشكى من خالتها ويوم اجتمعت معها ومع خالتها مره قلت الله لايلوم الخاله البنت طويل لسانها وخاصه عند الحموله مايحبون هالشي وخصوصا نقل الكلام والادهى اللي يموت الخاله لاقمتي تتشكين عن ولدها قدام احد او تطلعين عيوبه ممكن عشان كذا قالتلك هالكلمه الللي ذكرتيها مع ان مو من حقها بس خلي عقلك اكبر وردي بادب علميها انك بنت اجواد مب بنت ماادري وش قالت المهم انتبهي تذكرين عيوب زوجك قدامها فما بالك قدام اهله واقرباه وانتبهي تسبين فيها قدام احد ترى ياحب الحريم لنقل الكلام والقيل والقال وبعدين الخاله تحب التقدير من مرت ولدها يمكنها تحب الثانيه لانها تحب راسها ترى نقطه بسيطه نعتبرها تافه ماتكلف تسوي دواهي في التعامل ترفع ناس فوق وتبعد ناس بعيد واللي بعيد عن العين بعيد عن القلب زوريها لو عشر دقايق عشان زوجك وولدك وعشان تبرين ذمتك قدام ربك وتخلين عملك يرقى ومايضر تاخذينلها سجاده او بوكيه ورد صغير لو مع ولدك مب معك او علبة كاكاو فخم او كيكه جاهزه مغلفه ولو تقولين لزوجك خلنا ناخذ هديه لامك معنا ونزورها راح يطير فوق وماراح ينساها لك ولو امتنع بيكون خايف من المشاكل بس بينيله انك رضاه بالدنيا عندك و قوليله متى ماحس ان وده تروحين يقولك وانتي من عيونك بتنفذين واهم شي خلي اللي تاخذينه جاهز او شي مغلف عشان مايدخل الشيطان بينكم وتبدى توسوس تقول حاطتلي شي فيه (لاقدر الله تسويها بس صارت كم مره لناس اعرفهم بس نادر ماتصير )وميخالف طول عليك بس باقولك كلمه تذكريها الكلمه الشينه ممكن مع الوقت تنسى بس الكلمه الطيبه والمعامله الزينه مستحيل تنسى حتى لو صار الانسان بقبره بعد طولت عمر فتذكري كلنا بنموت بس خلي ذكرانا تشرف لنا ولعيالنا ولاحفادنا خلي ان ذكروك بكره يقلون جعلها بالجنه الله يذكرها بالخير دايم بعد عمر طويل طبعا وبعدين ان كثرت او قللت كيفها الخسران يقطع المصران بس انتي حاولي قبل وهي اللي لها الحق ام زوجك وكبيره ولو حبيتيها راح تتحملينها وتذكري محاسنها لو بسيطه عشان تحبينها عالاقل تحب زوجك وولدك بس لو قلتلي في نفسك اكرها ماراح تتحملينها وبتدورين الزله عليها وترى الغيبه هي اللي تكبر القلوب لعد تجيبين طاريها عند احد حتى اقرب الناس لك اخسريها على قولتهم لاتخلينها اكبر همك حطي اذن من طين واذن من عجين وكل مانرفزتك ابتسمي وقولي كلمه طيبه او اسكتي وتذكري انك لما تتكلمين فيها تغتابينها كانك اكلتي لحمها ميته اعوذ بالله جيفه يعني اكرمكم الله وبس طولت عليك ان شاء الله كلامي يفيدك ويفيد اللي بنفس حالتك لان شي طبيعي الغيره تدخل بين كل مرت ولد وخالتها وعلى قولتهم اللي مايغار ..... تكرمين

الباب اللي يجيك منه ريح سده واستريح...خليك كذا مبسوطة احسن لو رجعتي لزيارتها ممكن تبدأ حركاتها معك من اول وجديد