أنتي الحين تجهزي له وجهزي عشاه ،ولاتنسين اكثري من الإستغفار ،وبتشوفين كيف ترتاحين بإذن الله .
استقبليه وأنتي هاديه ولا تفتحين معه الموضوع
وإذا شفتيه هادي ورايق وممكن يتقبل منك الكلام ، تفاهمي معه وش اللي خلاه يسوي كذا ، لكن بأسلوب طيب وابتعدي عن رفع الصوت
وأنا أتوقع انه معصب لأجل انه ما وافق على روحتك لها إلا بعد الزن والإلحاح ، وهذا اللي يقهرهم وعن تجربه لأنهم ما يحبون المره تزن عليهم .فهو في نظره احمدي ربك اني وافقت على روحتك وبعد تتأخرين ،لأنه في قناعة نفسه ما وده تروحين لهالصديقه
ومتضايق من هالشيء ،وممكن ايضا انه ما يعرف أحوال صديقتك وهي طيبة أولا،فيكون ضايق حيل ومتنرفز وخايف عليك ؛فيوم درى انك باقيه عندها ما ملك أعصابه وقال اللي قال .
فنصيحة إذا بغيتي تروحين لصديقه أو أي مكان ،استخيري الله ،ثم استأذنيه وإذا ما أذن لك ،نصيحة أخت لاتلحين عليه ،لأن الله هو اللي يختارلك اللي فيه خير ،وإن كنتي منقهره ،مع الأيام راح يتضح لك إن شاء الله إن ذا هو الصح .
لأن وش الفايده في خرجات أجني بسببها المشاكل مع زوجي ،والله هذي من تجاربي في الحياه
الله يعافيك اعذريه في اللي قال ،هذا غصب عنه و***** الله انه متندم ،وإذا بغيتي تعاتبينه لابد يكون بإسلوب طيب .
لا تكبرين المشكله لأن هذا اللي يبغاه الشيطان .

(((اليوم معزومة عند صاحبتي ..... وبالعلة وافق زوجي اروح لها ))) هذا الخطأ اللي نسويه
((( انا ماطلعت الا مستأذنة منه ))) لا وبعد نستغرب وش اللي مزعله
إن شاء الله فهمتي قصدي .
الله يصلح أحوالكم ، ارضي الله ثم زوجك وبتشوفين السعاده إن شاء الله .

حبيبتي اول شي امسحي اسم ولد اخوكي واسم عيالك كذا بيعرفوكي قرايبك
وبعدين كل الرجال كذه اذ عصبو
بعض الرجال يرفض مره انك تروحي وشكل زوجك ندم انه اذن لك
حاولي تنسين واستقبليه عادي

فعلا اختي هذا الحاصل


طوول وهو راافض ماتروووحين

واقنعته انو لو مارحت يحرجني عند زميلتي انا ماروح لها وانا معطيتها وووعد

الله يووفقك اختي الغالية

وي وي الله يصلح الحال بينكم يارب
يمكن احد موسوس لزوجك وقاله انك مارحتي لصديقتك رحتي لمكان ثاني لاسمح الله عشان كذا كلمك معصب بعد مافقد اعصابه

~~ ربنا هب لنا من ازواجنا وذريتنا قرة اعين ~~