مرحبا يا اخوات
ابدخل بسالفه على طول لاني احس اني معصبه وفيني الصيحه
انا اليوم العصر جتنا وحده هي الصراجه محترمه وحبوبه وملتزمه قالت من ضمن السوالف ان اليوم بيزورها حرمه فقيره انا جبت عشره ريال وحطيتها بمنديل ولفيتها ويوم جت تطلع الحرمه من عندنا عطيتها وقلت خذي هذا عطيه الحرمه الفقيره تراها مبلغ بسيط وقليل ما يسوى طاريه وجزالك الله الف خير وانا كنت فرحانه وسئلت الله ان يتقبله ويكون ثوابه لبوي رحمه الله ويدفع البلا عني واهلي المهم استبشرت خير وحسيت براحه نفسيه وتفائل
وبعدين طلعت لغرفتي اصلي المغرب وما دريت الا امي تدق علي من تحت ورديت وقالت على طول انت معطيه الحرمه بس 10 قلت ايه قالت ما تسوى طاريها وبدت امي تستنقد تصرفي انا قلت لها عادي لو يتصدق الانسان بشق تمره مو مهم كثرت المال وبعدين يا يمه طيحتي قلبي كني مسويه جريمه المهم امي كملت كلامها وتجادلت معها بس ما رفعت صوتي خنقتني العبره ومن ثم دقيت على الحرمه الي طلبت منها توصل العشره وسئلتها وش السالفه قالت اني تفاجئت يوم فتحت المنديل ولقيت بس 10 خفت يكون معها شي ثاني وطايح مني
انا يا بنات انقهرت من امي المفروض تشجعنا على عمل الخير مو تهجم علي والله ان قلبي طاح احسب اني مسويه شي خطير وانا ما ادري
اليوم لعنت الشيطان اكثر من مره لاني كل ما سويت عمل خير لازم يدخل يدق طبوله بيني وبين امي ومن ثم يصبح العمل الي سويته هباء منثورا
حتى قال لي الشيطان لا تتعبين نفسك وتصلين اليل وتتصدقين لانك كل ما سويتي كذ لابد اليوم الثاني امك تستفزك ومن ثم تتجادلين معها ومن ثم لا تستفيدين من الي سويتيه لانك عاقه والعاق لو سوى اي شي مستحيل يتقبل منه
فلا تتعبي نفسك على الفاضي واخيرا يا بنات والله اني خانقتني العبره واحس بتوتر واقول ليتني ما تصدقت ها الصدقه الي خلت امي تستفزني
للمعلوميه انا كبيره والعشره من مصروفي :(
ظلع @thlaa
محررة برونزية
يلزم عليك تسجيل الدخول أولًا لكتابة تعليق.
ظلع
•
بعدين الشي الثاني الي استفزني ها الحرمه الي عطيتها العشره قهرتني بحركتها لانه المفروض تتصل على جوالي موتتصل على امي انا حرمه كبيره وراشده ماني سفيه وبعدين ماله داعي تفتح المنديل هي الي عليها انها توصل المبلغ حتى لو انه شق تمره
لا تخلين الشيطان يلعب راسك الحمدلله شوفي خير مثال المراة التي سقت الكلب بخفها ودخلت الجنه اكتمي غيضك لان الله سبحانه يعلم السرائر ونيتك
اعجووبه
•
في برنامج على ابوظبي يجي الساعه تقريبا7 كل سبت حلم وعلم
لشيخ اشرف العسال
هو برنامج لتفسير الاحلام لكن الشيخ يعطي قصص ومواعظ قصيره ومفيده ودايم يتكلم عن حركات واساليب الشيطان لأغواء العبد
هذا البرنامج مؤثر جدا انصحك تتابعيه انتي والوالده
لشيخ اشرف العسال
هو برنامج لتفسير الاحلام لكن الشيخ يعطي قصص ومواعظ قصيره ومفيده ودايم يتكلم عن حركات واساليب الشيطان لأغواء العبد
هذا البرنامج مؤثر جدا انصحك تتابعيه انتي والوالده
حلم عمر
•
لا تخلين الشيطان يلعب راسك الحمدلله شوفي خير مثال المراة التي سقت الكلب بخفها ودخلت الجنه اكتمي غيضك لان الله سبحانه يعلم السرائر ونيتكلا تخلين الشيطان يلعب راسك الحمدلله شوفي خير مثال المراة التي سقت الكلب بخفها ودخلت الجنه اكتمي...
لاتزعلين يالغلا احسك مكبره الامور
امك قصدها انها شويه العشره كان زدتيها يعني
ادري انه لو بريال الواحد يتصدق بس اتوقع هذا قصد امك
انه ياليتك زايدتها هي يمكن تحسبه اكثر بسسسسس
وسعي صدرك ماتستاااااااااااااهل والله لو بندقق على كل شي متناااااااااا
امك قصدها انها شويه العشره كان زدتيها يعني
ادري انه لو بريال الواحد يتصدق بس اتوقع هذا قصد امك
انه ياليتك زايدتها هي يمكن تحسبه اكثر بسسسسس
وسعي صدرك ماتستاااااااااااااهل والله لو بندقق على كل شي متناااااااااا
الصفحة الأخيرة