الحال من بعضه خليها على الله

أنا اشوف كل وحده على حسب وضعها وياهم.. انا أول ماييت عندهم اعتبرت نفسي بنتهم وماكنت احط في بالي شي,, لين شفت كل حد يدخل في حياتي وخصوصياتي ولبسي وأكلي وشربي ونومي ووأوقاتي.. حتى في ألعاب ولدي,, ليش ما تحطينه في مشايه.؟ وليش ما تعطينه هالشي وخدامتج خربت خداماتنا.. كأنه خداماتهم طاهرات مطهرات.. يعني يحطون بالهم في أتفه التوافه.. لين قررت أستوي رسميه وياهم وما ازورهم إلا فالمناسبات.. لأن أشوف كل حد قام يستغل سكوتي انه ضعف .

الله يعين
الي بتتزوج ماتاخذ واحد

تاخذ اثنين الزوج والحموله
ولازم ترضيهم ورضا الناس غايه لا تدرك

وبكل شي خير الامور الوسط لا الي فالتهاااااااا الين يطيحون الموانه معها وتحسف بعدين
ولا الي مبوزه كنهم اعداء لها وهم ماجاها منهم شي

..
.

أنا بعد استغرب قصة الرسميه اللي طالعين فيها البنات....
رسميه مع جيران مش على مزاجي...
رسميه مع زميله بالدومام تغث
لكن أهل زوجي هم أهلي وأهل عيالي أعدهم أهلي ولهم الحشيمه قبل أهلي لأن هذا بيت ولدهم وخير ولدهم وهم تعبوا وربوا وأههدوني اياه رجال ...كنت ادعي انا وامي ان يرزقني بمثله ...او مثلهم ان هم طيبين معاي ويعاملوني معامله كويسه وحتى لو عادي اهم شئ ما يوصل للتخريب والفتن...يعني الناس يختلفون مع امهم وأخواتهم وهم أهلهم...وأهم شئ الشيبان...رسميه مع السلايف ايه ...أما أخواته وامه لألألألألألألأ

على حسب معامله اهل الزوج اذا رسميه اوك اتعامل معهم كذا واذا لا ليش ما اتعامل معاهم بحب مثل مايعاملوني