الله ينور درب اللي تدخل موضوعي

السلام عليكم ورحمة الله وبركات
انا يابنات بدخل بالموضوع ع طول
انا تزوجت وعمري 16 وشوي والحين 24


عشت اول سنه من زواجي براحه لاني ماكنت ادري ان زوجي يخونني


بعد السنه ذاك اليوم اول مره اكتشف فيه خيانته لي كنا عالبحر. ورجعنا للبيت وكنت اغسل الثلاجات والبيالات وكذا وسمعته يكلم وحده يقول م يفرقنا الا الموت وماجابتها امها اللي تفرقنا سمعته انهرت رحت وقفت عنده ع طول سكر وقلت له طلقني قال والله توبه وهذول مايسوون ظفر رجولك واوعدك مااعيدها غلطه وماتتكرر صدقته وبعدها اكتشفت من جواله رسايل وعرفت انه يعرفها من قبل يتزوجني بـ3سنين ووانها مو بيضا من اللحوج السمر لاني شفت صورها بجواله المهم وواجهته ومسح الصور وكل شي واكتشف انه يرجع يكلمها ويقابلها وطلبت الطلاق لما كشفته. وبعد محاولات رجعت له وجلست سنتين بس في حيره وحملت وبعد م عرفت اني حامل وفرح بحملي وبعدها اكتشفت انه معاها انهرت لدرجة اصريت يطلقني ورفض رحت شربت الحبوب حق الحمل كله نويت اني انزل اللي في بطني وشافني وانا ابلعها اخذاخذها مني وقال يلا المستشفى ورفضت الا بالطلاق رفض وحسيت اني مافيني حيل امشي وبطني يعورني حاول معاي ويلبسني العبايه وارميها قلت والله م اروح الت لما تطلقني وطلقني ووداني كشف علي الدكتور ورجعت جمعت اغراضي ورحت لاهلي وجلس يحاول يرجعني وقال انه طلقني خايف علي وعالجنين وبعد محاولات رجعت له بعد شهرين من طلاقي
وكنت بالتاسع رحت لاهلي وبالاربعين كنت عند امي جا من الديره اللي هو فيها لديرة اهلي جلس اسبوعين وبعدما سجل البنت وكذا حاول يبيني اسافر معه قلت له لا بعد الاربعين بحكم اني صغيره م اعرف شي ومالي احد بالمنطقه اللي يشتغل فيها. وتخاصمنا وسافر لحبيبته وانا م ادري احسبه راح لاهله اتصلت عليه قال باقي لي 100كيلو عال....قمت انهرت واتصلت ع امه وقالت قال لي بسافر لداومي مع العلم الديره اللي فيها دوامه تبعد 200كيلو عن ديرة البنت المهم بعدها عرفت انه اخذ كرت العايله معه وانهرت زياده وحلف لي انه في الدوام حقه وسكتت وعدت ع خير كملت الاربعين ورجعت لعنده واشوف بسيارته مفاتيح شقق واساله يقول هذي من زمان بالسياره قبل لااتزوج ايامها اروح انام بالشقق وانسى المفاتيح معاي حسيت انه يكذب اخذت الارقام اللي بالمفاتيح واتصلت عليهم وبعد محاولات اكتشفت انه اليوم اللي سافر راح لها باسمي انا ..بكيت لين قلت امين. وبعدها حلف لي وقال والله م اعيدها وخذي الكرت لو مو مصدقتني قلت معاك غيره قال لو بطلع بطلع وانتي ماتدرين بس ماابي الا انتي المهم وسكتت وكل مره اكتشف انه معاها واروح اكلمها واهينها وتحلف انه هو يجيب رقمها مع اني عارفه انها تكذب هي تتصل لاني شفت جواله وهو مايدري ...وتوها لها 3شهور من تركته والسبب انا اهنتها وقلت لها الكلام اللي يقوله لي عنها عشان كذا تركته


والحين اكتشفت ان معه وحده مو حرمه رجال الله لايوفقها مطلقه وتطلع تقابله من تحت لتحت طويله وسودا وحالتها حاله الله يوريني فيهم يوم وتكلمه رومانسيات ودلع وغنج وكان بيسافر مع زملاه الـخارج وبدال م يودعني جهز اغراضه وراح لها يودعها هي مع العلم قال رحلتي الحين الساعه 7اكون بالمطار وبالاخير اكتشف ان رحلته 4الفجر الاقلاع قولو كيف عرفت لان ...شخص يقرب لي وصل لي المعلومه لانه وداهم لشقق مفروشه وهو مصدوم وجا قال لي ..سويت نفسي طبيعيه لان وقتها كنت عند الجيران. رجعت بيتي انهرت واللي قال لي قال تكفين لاتسوي شي وتورطيني انا.. المهم جلس شهر كامل بالسفريه هذي والاقي صور بنات من الديره اللي راح لها بجواله


مع انه حلف لي انه ماسواها مع بنت ولا قرب بنت ولا شي وانه لو يبي يسويها عنده صابون بالحمام
لما شفت الصور بجواله ماعرفت وش اسوي احس اني في دوامه وسببها بنتي ومابينت له اني شفت شي بالمره ...يوم الجمعه اللي راح كان مواعد المطلقه وانا م ادري عنه سوا نفسه رايح القهوه وصدقته احس قلبي من الصدمه مقسوم وماني عارفه وش اسوي اتطلق وبنتي تضيع ولا اجلس معه واضيع انا ولا اواجهه واتفاهم معاه بهدوء ولا ايش حسيت الدنيا صغيره بعيني مبين لي انه هو الرجال المحترم اللي مايخون ومن تحت لتحت حيه تلسع مع العلم مو صغير عمره 35سنه
وترا انا والله يشهد ماني مقصوه معاه في شي اللي يدوره برا سويته له بس الحلال مافيه لذه مثل الحرام
عطوني حل احس اني في دوامه...
اتصل عالهيئه وابلغ واخليه ينسجن هو وهي
ولا افضحهم ولا اتطلق بهدوء