هذه الطريقه أخذتها من شغالتنا روعه مره

أول شي أغلي ورق العنب 10 دقائق في ماء بس عشان تروح الحموضه اللي فيه.
المقادير:
2 كأس رز مصري مسلوق 10 دقائق في ماء بس
بقدونس مفروم + شبت مفروم + حبه بصل مفرومه + حبه طماطم مفرومه+ 5 فصوص ثوم مفرومه + حبه ماجي + ملح و بهارات مشكله .
الطريقه :
أخلطي المقادير مع الرز و أحشيها في ورق العنب . ملاحظه حطي الحشوه على جهة ورقه العنب الخشنه عشان يكون الجهه الناعمه من برا .

مقادير الكشنه وطريقه طبخ ور ق العنب:


حبه بصل مفرومه + حبتين طماطم مفرومه + 2 كأس ماء مخلوط معه حبه ماجي يصب على ورق العنب حتي يغطيه و اذا ما غطاه عادي
زيدي شوي ماء لحد مايتغطى ورق العنب لاتكثرين الماء فوق ورق العنب يعني بس لحد ماتوصلين فوق العنب بشويه . أقلي البصل مع الطماطم و صبيها على وجه ور ق العنب بعدين حطي فوقه صحن عادي ماأعرف أيش يسمونه أظن يسمونه صين اللي ناكل فيه لا تخافين ماراح ينكسر بس المهم مايكون زجاج لأ نه يمكن راح ينكسر أو ممكن تحطين غطاء قدر المهم يكون أصغر من القدر اللي أنتي تطبخين فيه ورق العنب السبب من وضعه عشان
ورق العنب ما يتفكك. و غطي القدر و خليه يطبخ ساعه ونص على النار و تكون النار هاديه عشان مايحترق بعدين حطيه في علبه و أخلطي ليمونه مع
نص بياله زيت زيتون وصبيها فوقه و حطيه في الثلاجه لحد مايبرد صدقيني يطلع روعه.

فـــــــــــــــــــــديــــــتـــــــكـم كـــــــــــلـــكــــم ربـــي يســـعــــــــدكــــــــم ويـــــوفـــقــكــــم

أسفه نسيت أقولك لازم تحطين شرائح بصل في قاع القدر بعدين تصفين ورق العنب فوقه وحاولي ماتتركين فراغات بين ورق العنب
عشان مايطلع فوق ويتفكك .

أتمنى أني أكون أفدتك .

البنات ماقصرو بس حبيت ارفع الموضوع

لرفع