اذكر بكم قصة صارت معي
امكن تلقونها عادية. . لكن في نفسي قيمة. .
الوالد الله يحفظه . . كان يشجعني على صلاة الفجر . . وكنت قبل الصلاة اقوم بنص ساعة اصلي ركعتين وادعي باللي نفسي فيه
وكنا اونا والوالد الله يحفظه. . نتنافس ونشجع نفسنا على الصلاة . . مع ان باقي اخواني ماسوا معاهم كذا. . ما أدري ليش. .
وكنت مبصوطة في حياتي. .
وكانت عندي قاعدة اساسية:
ارضى (صلاة الفجر) قبل لما ترضي نفسك(متعة النوم)
ووالله يابنات ومتحلفتوني على قد ماكانت حياتي بسيطة بالمرة . . بساطة الفقير. .
وبعض الناس يشوفوني مسكينة ومتبهدلة. . حالتي حالة. .
الا اني سبحان الله. . وهبني ربي السعادة اللي يحسها الفقير لمن يجيه فلوس. . او الحرمة اللي انحرمت من الضنى. .
بمعنى كانت نفسيتي مرتاحة . . وكأني عايشة عيشة الغني بفلوسه. .
لكن. . . . .
نقلت من حياتي. . وتزوجت. .
وبدت حياتي تتحول عن اللي كنت متعودة عليه. .
صارت حياتي مثل الجحيم. . مع زوجي مع بنتي مع نفسي وقدام رب العالمين. .
صرت مقصرة كثير في صلاتي . . صرت اصليها بسرعة ابي اخلص واحلق شغلي . . وكأني بسوي تمارين. .
مع ان التمارين لو سويتها راح اتقنها احسن من اتقاني في الصلاة. .
الين ماشفت ذاك اليوم من كم شهر . . الشيخ العريفي في التلفزيون. . قاعد يسرد للجمهور قصة . واحد كان يصلي الفجر بعد ماتطلع الشمس. .
ثم سأل الناس. . هل يعتبر اللي يتأخر في صلاة الفجر الين ماتشرق الشمس كااافر ؟؟؟؟؟؟
سكتوا الناس ولا جاوبوه. .
واستغرب وراح عاد السؤال باستغراب. . وقال محد يعرف الجواب؟؟؟ !!!!!!!!!!!!!
انا بصراحة جذبني سؤال الاستغراب من الشيخ. . واللي خلاني ادور من يومها . الحكم من التهاون في الصلاة. .
الين ماقرأت موضوع التهاون في الصلاة . . لمن سويت بحث في قوقل. .
وبعدها يا بنات . صرت أدور حل لمشكلة نومي وعدم قيامي لصلاة الفجر . . اللي كثييييييير اقصر فيه. .
ومالقيت الا طريقة وحدة لحالتي. .
صرت أنام في الصالة. . وطبعا نومة الصالة ماهي مريحة. .
بس يهنب اريح جسمي شوي واعتبرها مثل القيلولة الين مايأذن الفجر. .
بعدها اقوم اصلي ثم اقوم لغرفتي اكمل النومة. .
لأن ماعندي أحد يقومني . . ولا أقدر استخدم المنبة . . لان نومي ثقييييييييييييييييل . .
ومن يومها . . وأنا والنفسية مرتاحة. . والحمدلله. .
ومو معناتها ان ماصارت عندي مشاكل. . لا
عندي . . بس سبحان الله . . ما أدري كيف! . . يكون احساسي كأن مافي مشاكل. .
. . . . . . . . .
ورجعت قاعدتي اللي نسيتها. . رضى ربي قبل رضى نفسي
وصرت كلما اقوم. . واحس يجيني الشيطان واقول بعد شوي . . الا اذكر القاعدة . . واغصب نفسي واقوم. .
ادعولي ربي يثبتني. .
واتمنى اللي يتهاون . . يحاسب نفسه . . قبل ماينفع الصوت. .
سامحوني على الاطالة