اخواتي الغاليات نعم اريد الطلاق
ولكن من اين لي بالمصروف بعد الطلاق وخصوصا اني اعطيته كل ما املك من ميراث والدي وجدي ولو ذهب للمحكمة اخاف يعمل حركة نذالة ويطلب اني اتنازل عن كل الفلوس

اهلي لحد الحين وانا احاول فيهم وانا اعرفهم لمن يقولوا شي ماممكن يتنازلوا عنه مهما كان حتى ولو شافوني ميتة قدام البيت ولا واحد راح يشوف علي

انا اريد الطلاق ولكن وين اروح وين اعيش استأجر بيت وانا ما عندي مصروف

اشتغل ما عندي شهادة يعني لو اشتغلت على الثانوية العامة معاشي ما يتعدئ 800 ريال سعودي والايجار عندنا اقل حاجة 1000 ريال

اريد الطلاق ولكن اريد اكون محمية من كل الناس وخصوصا الذئاب وكلام الناس

اختي ام سرمد

يعلم الله اني شكثر متاثره بقصتج ... ما اتخيل في رجل بهالوحشه عافانا الله

الله يبعد عنج عيال الحرام

شوفي عيوني بخبرج بعدة اشيا

1- استخيري انك تتركيه او لا .....بتساليني ليش؟ ....... لانه اذا كان لج شر رب العالمين راح يسهل فراقج عنه واذا كان خير راح يتصلح بس ما ادري اشك فصلاحه وسبحان الله كل شي جايز

2- شكلج انتي على نياتك بزياده ما عندك خبره ابدا بامور المحاكم ...... يوم تروحين المحكمة انتي مب بس تطلبين الطلاق انتي متضرره يعني بتطلبين على اساس انتي متضرره متضرره جسديا ومعنويا فاهمه.... واتسلحي بسلاح الدعاء .... هو الواحد اللي يقدر ياخذ حقك منه.... وروحي على يقين ان رب العالمين راح يكون معك....... انتي متضرره وهو بيطلقك غصبا عنك ويعطيك مهرك ونفقتك وبيتك .....

3- هلك مستحيل يتخلون عنك حتى لو هالامر ظاهريا......... انتي صلي وادعي ان يحنن قلب اهلك عليك
يعني ادعي واقري البقره والامور راح يتيسر وتنحل لك كل المشاكل بس لا تتركينها ولا يوم اقريها على طووووول

والله يفرج همك يارب ويعوضك بكل التعب اللي تعبتيه في حياتك مع هالانسان.............

سبحانك اللهم وبحمدك اشهد ان لا اله الا انت استغفرك واتوب اليك.

3-

اختي مب لازم تشتغلين عشان تصرفين على نفسج اللي تبى تفتك من هلانسان اللي مثل
ريلج ان شالله تعيش على خبزه ولاتعيش وياه دقيقة

إلجئي لأي حد من أهلج الغير الام والاب يعني حتى لو من بعيد بس يكونوا ناس ثقه ويعزوا عليج وااااااااااايد أكيد موجودين ماظني بتقولين ماعندي حد ألجأ له

ماظني ان في حد بهالدنيا ماعنده بني آدم يلجأ له !!! استحاله

المهم بنتظارردج وتطمنينا عن اخبارج !!! اسئل الله ان يكتب لج الخير

حتى لو رحتي للمحكمة لا تتنازلين عن حقوقك .. لانك مو غلطانة ولا سويتي شي انتي متضررة من الزواج هذا ..
واهلك زي ما قالو البنات دوري شيخ يخاف الله و صاحب لسان متكلم .. وخليه يكلمهم
او وسطي كبار رجالات العائلة للتوسط عند عمانك .. وخليهم يفهمون انك انسانة وبني آدم خطااء وانتي بإذن الله مصرة على موقفك وتبين الطلاق .. وبعدين فرصة لك تكملين دراستك و تشوفين حياتك ..

وللمرة الثانية اقولك احمدي ربك ان ما عندك منه عياااااااال .. وحاولي منع الانجاب في الفترة هذي حتى يتبين موقفك و مسار حياتك ..

الله يكون في عونك ويفرج همك .. يارب العالمييييييين