وبعدين مع سالفة الاهمال اللي صايرة كثيره شوفوا موقفي اليوم وأكيد ماراح تلوموني داخله الموضوع بدعوه وهواش:mad: ووالله انها من حر ماحسيت اخليكم مع السالفة
الحمدلله من فتره لفتره اخذ عيالي الله يصلحهم ويحفظهم لحديقة عامة قريبه من بيتنا وانا طبعي لايمكن اواعد زميلات لي او جارات بالاماكن العامه لاني خوافه احب يكونون عيالي تحت عيني لكن اذا جيت مع جاراه او زميله ممكن انشغل عن عيالي وانتم شايفين الاوضاع والخطف كيف صاير الله يحفظ ابنائنا
المهم وانا العب اولادي الا اسمع صياح طفل واضح انه متزحلق لكن وش صار ما ادري ما اهتميت لان الامر يصير اللي استغربته اقتراب رجل كبيرمن الطفل ووقفه وجلس يتلفت يمين يسار وهنا عرفت ان الولد مو ولده وانه يدور على اهله لكن المصيبه خشم الولد ينزف دم :44: تدرون كم عمره يمكن سنتين وكم شهر صغير رحت اخذته من الرجل ومسحت خشمه وفمه مليان دم وهو يبكي ومسكته وجلست بين نارين بين اولادي لان الحديقه زحمه وبين الولد اللي بيدي وياعمري ماسك يدي واقوله وين ماما يقول (ماما مافيه )) وين بابا نفس الشي يقول ومايتكلم زين جلست عند الالعاب قلت يمكن اهله يفتكرونه والله يااخوات ماجاء احد ومسكت يده وجلست ادور على العوائل اللي قريب من الالعاب انا واولادي كأني شحاذه اسألهم ماشفتوا اهل الولد ودرت فيه بعيد عن الالعاب ولاحس ولاخبر معقوله ام ماتفقد ولدها بهالعمر لمده طويله ((الله المستعان )) وبالنهايه جلست ادور على رجال أمن ولقيت واحد وبلغته قال عطيني اياه وسلمته له واستودعته الله :44:
يعني وش تتوقعون امه ماتت بالحديقه!!! والا مرضت !!! والا الولد كان مع شغاله وحطت رجلها وخلت الولد والله شي يقهر واللي يقهر اكثر ان الولد راح معي ومسك بيدي عادي حتى وحده من الحريم بالحديقه قالت والله لو ماقلتي انه ضايع كان اقول انه ولدك على انسجامه معك !!!! شكل الولد عادي عنده اي شخص وتخيلوا ماصاح ولاقال ماما او بابا انا اللي اسأله بلعكس يشدني لعبيني :44: آه والله دعيت على كل ام ماهي قد هالنعمه انها ماتحصلها والله وانا امسح له الدم بوجهه لاشعوريا قلت اكيد امك ماتعبت فيك الله يهديها ويعافيها ولا يبلانا
والله يا اخوات انا ممن ارتاد هذه الحدائق واشوف العجب
من فتره وانا جالسه واولادي الا بنت صغيره عمرها سنه ويمكن 4 شهور جايه عندنا وجلست اتلفت ادور اهلها ولا حس ولاشي واعطيها حلاوه واقول روحي لماما وراحت تجري تجننن بسم الله عليها يالله تمشي تخيلوا جلست اراقبها الا هي رايحه عند حرمتين والله يتقهون ويضحكون ماسألوا عنها وطلعت بنت وحده منهم وللاسف بيني وبينهم مسافه يعني لو احد يخطفها بالراحه لان الماما مشغوله بالقهوه والحلى !!!!!!!!!!
وموقف ثاني نفس الشي يبدوا انهم زميلات او جارات تقابلوا بنفس الحديقه وحده معها ولد صغير والثانيه طفلين وكل وحده شغاله الى الآن عادي اللي مو عادي انهم ارسلوا اطفالهم مع الشغالات لأخر الحديقه وبعيد عنهم يلعبون عيالهم طيب وش الضمان ان الشغاله ماتحط رجلها وتخلي عيالي وياكثر هروب الشغالات
او ممكن تكون الشغاله بنت حلال لكن ممكن يعترضها احد ويتحايل عليها وياخذ الطفل والاختطاف الآن صار من اكثر الجرائم ولاننسى اطفال اختطفوا من امام بيوتهم فكيف بالاماكن العامه
تكفون اللي ماتحافظ على عيالها لاتجيب الله يوفقكم فيه غيرنا يتمنون ظفر طفل ويدفعون ويتسلفون ويطلعون قروض عشان يحصلونه واللي يجيهم بالساهل يفرطون فيه والله لو شفتوا براءة الولد اكيد ماتلموني على ماكتبت او دعيت ولاتقولون نقرأ الورد على عيالنا صح لازم نقرأ الورد ولكن يجب اتباع الاسباب من الحفاظ عليهم
اسأل الله ان يحفظ ابنائي وابناء المسلمين
اختكم المقهوررررررة الناصحة 2
اشكر كل اخت نصحت بخصوص الدعوه رجعت وقلت استغفر الله لكن اللي نصحوا بذوق فقط هم اللي اشكرهم والله يهدي الجميع ولااعتقد اني وصلت للسب بموضوعي مثل ماقالت اخت لنا هذا واقع ولاندعي الكمال اسأل الله ان يصلح نيتي وذرتي ولاأرى ان اعترافي بخطائي بالدعاء ينقص من خطورة الموضوع او يقلل من اهميته
الناصحة 2 @alnash_2_1
محررة برونزية
الله يهدي كل ام مهمله في اولادها (شوفوا الموقف اللي حصل لي) تم تعديل العنوان
90
10K
يلزم عليك تسجيل الدخول أولًا لكتابة تعليق.
والله انك صادقه بلعماره عندنا وياليت من بعدي بنت اخوي صغيره عمرها 4 سنوات الساعه 2 بليل يردها اخوي الثانى من اخر الشارع
والمادم نايمه ولا على التلفزيون
والمادم نايمه ولا على التلفزيون
والله انك صادقة
حتى الرجال ماهمهم يعني باردين اشوي مو زي الام
هي اللي لازم تنتبه لعيالها وتخاف عليهم من الخطف
اللي على قولك زايدهااليومين الله يعيننا على الامانه
وكله على رب العالمين
حتى الرجال ماهمهم يعني باردين اشوي مو زي الام
هي اللي لازم تنتبه لعيالها وتخاف عليهم من الخطف
اللي على قولك زايدهااليومين الله يعيننا على الامانه
وكله على رب العالمين
ريهام 1
•
انا صار لي موقف مشابه لموقفك
كنت جالسه عند البحر في الدمام الساعه ثلاث الليل الا ألقى بنت تمشي عمرها تقريباً اربع سنين و معها حرمه ماسكتها وتدور على الناس وتسأل من اللي يعرفها يعني البنت ضايعه
والله العظيم جلست تقريباً ساعه ونص وهي ضايعه وبعدين جا رجال وبكل برود خذاها وسألناها قالت هذا بابا
بس ياحبيبتي الأفضل انك تدعين لهم بالهدايه مو تدعين عليهم والحمد لله اللي عافنا مما ابتلاهم به من الاهمال
كنت جالسه عند البحر في الدمام الساعه ثلاث الليل الا ألقى بنت تمشي عمرها تقريباً اربع سنين و معها حرمه ماسكتها وتدور على الناس وتسأل من اللي يعرفها يعني البنت ضايعه
والله العظيم جلست تقريباً ساعه ونص وهي ضايعه وبعدين جا رجال وبكل برود خذاها وسألناها قالت هذا بابا
بس ياحبيبتي الأفضل انك تدعين لهم بالهدايه مو تدعين عليهم والحمد لله اللي عافنا مما ابتلاهم به من الاهمال
الصفحة الأخيرة
وكلكم راع ومسؤل عن رعيته
الله يجعلنا قد المسؤلية
جزاك الله خيرا