الله يوريني فيك ياا... بهالجمعه المباركه.. حسبي الله ونعم الوكيل

السلام عليكم
احب ادخل بالموضوع على طول

انا عندي 3 اخوان هم الكبار
المهم الكبير عمره 26 سنه موظف وعنده بيت ملك المهم خطبنا له وحده
طبعا هم من قبيله وحنا من قيبله
طبعا البنت اصغر من اخوي البنت ماعليها شكلها ماهي شينه ولا هي ملكه جمال
بس حنا فكرنا بالشكل ومادققننا واخلاقهم
طبعا اخوي من ايام الملكه وهم مشاكل
غير كل النواحي امها الله لايوريكم
طمع جشع قلة ادب عدم احترام كل شي شين فيها
طبعا طلبو مهر 40 الف وشبكه سوينا الشبكه وخلصنا
قلنا الزواج بعد شهرين
سوت لنا سالفه تقول لا بنتي ماتجلس شهرين بدون زواج
لازم تعجلونه وش يقولون الناس عنا
طبعا اغلب الناس كذا يملكون وبعد فتره لين يجهز الولد والعرس يصير
المهم تزوجها اخوي
وكل شوي تدق بنتي اكلت بنتي شربت
بنت ماتاكل على الفطور الا الاكله الفلانيه اذا ماعندكم نجيبلكم تخيلو هذا بالصباحيه
اخوي عطاها صباحتها 1000 ريال على قده يعني
يوم جت تزورهاا اخذت الالف
وراحت
وكل شوي انت ماتعطي بنتي فلوس لازم تعطيها مصروف ولا بنشكي عند المحكمه
وتخيلو مره بنتها راحتلها مسيره عليها
دقت على امي تقول بناتك يزعقون على بنتي مايحترمونها يخلونها تشيلل عيالهم
ويعلمونها اشياء ماهي زينه
تخيلووووو
المهم قعدت عند اخوي 3 اشهر
تخيلوو كم جوال اشترت من تزوجت 4 جوالات وكل مره تقول جوالي انسرق جوالي طاح في المويه والاشياء هاذي ماتصير الا عند اهلها
واكتشفنا ان امها تاخذ مصروفهاا وتاخذ الجوال تبيعه
وحتى الذهب امها كل شوي تجي تاخذ منه وتبيع
لين جا عندنا زواج وحده من اهل ابوي يوم رحنا نحضر
تخيلوو عروس ماصارلها متزوجه شهر ماعليها ذهب راحت امي تلبسها من ذهبها عشان الناس مايهرجون فيهاا
وغير ذالك لا اهتمام بالزوج
وبالبيت
والله يابنات اني مابالغت بكلمه انها بصباحيتها نازله ببيجامه مخمل وشعرها كعكه وتمشي على السراميك حافيه
تخيلوو انتم بس
اللهم لاشماته يارب
تخيلو امي راحت تشوف ملابسها لانها ماتلبس الابيجامات حقت بيت
تخيلوو ملابسها ماتجي 10 قطع ياربي لك الحمد حتى البنت في بيت اهلها ماتلبسهاا
ملابس كنها مستعمله مو جهاز عروس
غير ذالك عدم الاهتمام بالنظافه الشخصيه
اخوي الله يحفظه يوم شافها كذا قال يمه كلميها
حتى الكلمه الزينه ماتعرفها الا اذا بغت شي
والله ان اخوي يجيب ملابسه عشان نغسله له
وجزمه اختي الصغيره هي اللي تمسحها له وهي جالسه ماتدري عن هوا داره وفي اشياء ثانيه مااقدر اكتبها للخصوصيه الشديده
وكلمنا امها قالت
ولدكم مايحترمها مقصر عليها
بنتي من جت عندكم وهي تعبانه الظاهر احد من اهلكم كاب عليها شي
المهم اخوي فكر واستخار وعطاها مهله اخر شي قال
الله يستر على بنتكم

وطلقهاااا
والحمدالله على كل حال
والله يابنات ان اخوي من طلقها وهو مرتاح وحتى رجعتله صحته واسفهل
اول مغي مسكره معه وطفشان
الله يكتب له الخير
طبعاا اخوي ماشالله عليه طيب وفرفوش يحب الوناسه والمزح
الحين صارله من طلقها 4 اشهر
صارلنا فتره ندور له على عروس وكانت اهم شروطه انها تكون مؤدبه راعية بيت
اهلها ناس محترمه واجاويد مو مثل الحونشيه اللي اخذ منهم
يبغى تكون بيضا الى حنطيه وعمرها مناسب له اهم شي انهم ناس اجاويد يبون الستر
قال اهم شي مابي البنت المايعه وماهي راعية مسئوليه وبيت ورجل
يعني وحده حيه( قرمه سنعه)
وماتكون موظفه
ومهرها 30 الف والزواج عائلي
هااا يابنات شرايكم بشروط اخوي
هل هي في محلها ولا
لانه تبهذل مع زوجته السابقه

والله تعبنا وحنا ندور وكلمنا خطابه بس تجيب لنا بنات غير الوصف اللي نبي

بنات قولو لي رايكم بقصة اخوي

على فكره حنا 3 اخوان وبنتين متزوجات

ابي ردودكم السنعه



شاكره لكم حسن تعاونكم