الله يوفقكم بخصوص اكل الطفل كم يبقى بالثلاجة والماء

السلام عليكم ورحمة الله وبركاته
الله يوفقكم ساعدوني طفلي اكله ضعيف هو عنده تقيؤ من الولادة يوميا مثل النافورة من خشمه وحلقه لين بسم الله عليه يصيح ويقرب يختنق وصار يخاف من الرضاعه ويرضع اذا تعب كلش من الجوع بعد 7 ساعات او اكثر 60 مل يعني رقمين تعبني تعب الله اعلم فيه وانا عملية ولاعندي غير الله ونعم بالله
راجعت فيه كل المستشفيات والمستوصفات قالوا بيوقف ان شاء الله بس تقوى عضلات معدته على 6 شهور ولاوقف لك الحمد والشكر يارب على كل حال لين بعد الشهر السادس غيروه لحليب خاص للارتجاع لين السنة لانه مايقدر على الحليب العادي والحمدلله بعد ماعدى 9 شهور ماشاء الله تحسن شوي وخف الترجيع
وطبعا مع وضعه وزنه ضعيف الله يشفيه ويعافيه الحين تبارك الله صار في الشهر العاشر ولكن اكله ضعيف ياكل شوي بعدين يطلع لسانه ويغص بيطرش تعبت منه والدكاترة يقولون وزنه ضعيف 7 كيلو حاولي تـأكلينه وهو مايحب الاطعمه الجاهزة سيريلاك ومشتقاته
بعد هالمقدمة عشان تعرفون وضعه الله يشفيه ويعافيه ويخليه لي اسئلتي كالتالي
1- بخصوص الاكل مايستقبل اكل الا مطحون بالخلاط ناعم واي حبة صغيرة يحسها في لسانه على طول يرجع
عادي في العمر ماياكل الا من الخلاط والا لا وياخذ وجبة وحدة في اليوم اطبخ له كوسه وبطاطس ورز مصري وبالخلاط ياخذ منه حوالي رقمين 60 مل
ويرفض يكمل الباقي واضطر اني اكبه نعمه ياربي
مدري يصلح احطه بالثلاجة واعطيه منه بكره سواء خضار مطبوخه ورز والا بعد ماهي مخلوطة بالخلاط
كلمت الدكتور قالي بعد 12 ساعة بالثلاجة ارميه وانا باليوم ماياكل الا وجبه وعارفين حبات الخضار تجي كبيرة والله اني اكبه وانا متحسفة عليه
الحريم وجاراتي قالوا عادي والله نحطه بالثلاجة ونوكل منه عيالنا لين يومين او لثاني يوم
انتم كذا يابنات حواء والا لا ارجووووكم هذا اهم سؤال عندي

2-سؤالي الثاني الماء يخاف منه من كثر مايشرق ولايرضا يشرب ماي ولو شافه بيدي وقربته له سواء بشفاط او رضاعه او من كاس صغير يقعد يصيح ويخاف واي نقطه بفمه على طول يشرق ويكح واحيانا يرجع اللي اكل من الخوف شلون اعطيه ماي لاصار حتى الفواكه عصير مايحبها ولاياخذ بالرضاعه الا الحليب عصير الفواكه صرت اثقله بالموز لين يصير رايب واعطيه كم ملعقة عادي مايشرب الماي والا لا

انا مااعطيه لاحلبة ولا اعشاب ولاتمر وماي ولا اي شي اخاف مو زين يعني باليوم ماياخذ الا وجبة الخضار وباقي اليوم كله رضاعه
ولا اعرف وش اعطيه اكل في العمر تكفون يابنات الله يخلي لكم اطفالكم اكسبوا اجره واجري ساعدوني ببرنامج اكل يناسب عمره الله يرزقكم كل اللي تتمنون يارب