بسم الله الرحمن الرحيم
شحالكم بنات ..والله لكم وحشه
مادري اذا تذكرون مرايم ومشاكل بشرتها اللي طلعتلها واللي ما تخلص...
والله اختي حطمتلي نفسيتي قبل شوي بس هي صادقه بس من صدمتها قالت اللي قالته
كنت عضوه في جروب الملكات الجميلات المتالقات الفاتنات واستمريت فتره وانقطعت بسبب ظروف شخصيه ومشاغل..
توها يدتي تقوللي مرايم انتي كنت بيضا على ورديه ووجهج ممتلي وكنتي غيييييييييييير....
يا بنات والله حاسه بخنقه وضيق واذا حد شافني الحين ومن زمان ما شايفني يبطل حلجه يحسبوني مريضه وانا الحمد لله صحتي الحمد لله
اعتني ببشرتي دايما ومعروفه بعنايتي بس صايره من ابدي بشي ويفيدني في البدايه بعد فتره ما بفيدني ولا احصل اي نتيجه والمشكله تزداد اكثر
بنات في حد مثلي
بلييييييز وايد متضايقه والكل يعطيني اشكره
كنت جميله جدا بلا مكياج ولا خرابيط والحين ما اقدر اطلع الا باساس واحاول ما اكثر
مادري بنات بس سمحولي ضايق خلقي وايد
اختي قالتلي شفيه وجههج صاير كتلة مسامات ف كل مكان
هي صادقه
مسامات واسعه وتعبت من الفيشل...مسامات حتى لو نظيفه بس مصيرها تتوسخ.
رحت عند دكتوره المصيبه قالتلي بشرتج ما تحتاج شي ومشاكلج سطحيه
قالتلي بسويلج تقشير كرستالي ورح ترتاحين بس مادري خفت والجو عندنا وايد متعب وانا اداوم و و و
بشرتي كانت مورده وبيضا بس ما دري شو صارلها
مسامات بقع تصبغات وسمار
جسمي منترس حبوب وخاصه ظهري
سليولايت رغم ان وزني 50 وطولي 165 يعني ضعيفه
معدتي صارت بارزه ما ادري ليش صاير جسمي مو متناسق
يدي سمرا سمرا سمرا
اول البنات لما يسلمون علي ما يشيلون يدهم بسر عه يقولون نحب نسلم عليج يدج وايد ناعمه والحين يدي متقشره واظافري وايد حواليهم جلد ميت مهما سويت بديكير بسرعه احتاج ل غيره
ابطي صاير غامق ومتحسس
اللي ودها تساعدني تروح لمواضيعي وتقرا مشاكلي بالتفصيل بليز لا تهملوني وايد تعبانه
انا مو مال كريمات وتبييض وخرابيط
اذا الكريم ما كان طبي ما استخدمه
بنات عايلتنا كلهم ما شاء الله حلوين بس كنت اجملهم لا تفهموني خطا بس هذا كلام الجميع والحين صايرات ينقلبن فجاه ما شاء الله عليهم صفاء وتوحيد لون
بنات وايد متضايقه من استخدم شي بفيدني فتره وبعدين لا ....
ساعدوني بليز
بشرتي دهنيه على مختلطه ما اعاني من الحبوب الحمد لله بس هالفتره ظهرت بظهري بس مسامات وبقع اللي استخدمت كورسات معينه تفيدني
حتى حبوب كبد الحوت اكلتهم ويا ليت ما فادني الا ضعفني وخلن بشرتي سمرا ..والله ما ابالغ
فكرت اشتري ست كامل ل الوجه نصحوني بنيوستراتا ونصحوني ب لوريال باريس بيور زون واشيا وايد بس ما دري ما اريد اخبص
ما ادري ليه ما يفيدني شي
هذا موضوعي السابق:
انا بنت عمري 24 سنه..عزباء.. __ جميله جدا والحمد لله بشهادة الجميع وليس غرور..
كنت بيضاء البشره..بشرتي كانت مورده مو بس بيضا
لا توجد بها اي مشاكل فقط كنت اعاني من المسامات اللي ماااا تبين الا من قريب وهذي تروح بالفيشل
الحين لو تشوفون بشرة وجهي كأني لابسه قناع اسمر ع وجهي وطالعتلي بقع وحبوب مثل الدهون تحت الجلد تروح وتجي
كنت ما استخدم ل شفايفي الا لابيلو الاحمر ..هذاك القديم..ولما انتجو الانواع الجديده تبع اللمعات صرت ما استخدمهن صارن يجففللي شفايفي
بصراحه كنت انحسد ع شفايفي لانهن كانن ورديات طبيعي لا سواد ولا تشقق
والحين لونهن بااااااااااهت مع ان الهيموجلوبين عندي تمام واااااااااااااايد ولله الحمد..بس من فقدت ترطيب لابيلو صارتلي هالمشكله...والله كانن ورديات على احمر
رقبتي ..ااااااااااااااااااااااه..ما اذكر ان رقبتي مو متوحد لونها..الحين بجد لونها من كل جانب شكل..لا وبعد صارت كانها فيها خطوط يعني متقسمه..ما صارت مشدوده مثل اول وطالع فيها شعر ومبقعه
كان جسمي ضعيفون حليو وكااااااااااااااااااااااان متناسق ولونه موحد وابيييييييييض ..والله كان نعوم....
نعوم وايد ...
رغم ان وزني ما زاد الا اني صرت اعاني من السليولايت والخطوط البيضا...طيب ليييييييييييه
رجولي كانن ما شاء الله مرسومات رسم خاصه من الركبه والحين السليولايت مأثر عللي وااااااااااااااااايد والركب صايره كل وحده شكل..حتى لما اوقف بالضوء يبين السليولايت وااااااااااااااااااااااايد
انا وزني 50 وطولي 164...يعني ضعيفونه مو متينه عشان ياكلني السليولايت:44:
والا عاد المؤخره....ااااااااااااااااااا ااااااااااااااه.:icon33:
.كانت اكثر شي اعتز فيه بيني وبين نفسي لانها كانت متناسقه ومليانه...بس الحين ناحتنها السليولايت وعامل فيها هضاب وتلال من غير الخرايط والخطوط البيضا اللي عامله زي الشوارع ...ااااااااااااااااااااااااه.. من غير السواد اللي فيها واللي متصل بالمنطقه الحساسه ومنطقة البكيني....والله ما اعرف ليش كل هالامور تصيرلي ولسه بعد
الابط كان عااااااااااااادي ومره شلته ب شرايح فيت بدل الحلاوه وانا شلت الشريحه منا والتهب ابطي ..وللحين اعاني من الاسوداد .....من غير الحبوب اللي ظاهره ولا زالت في ظهري واكتافي وعاد الله لا يوريكم البقع اللي تتركها الحبوب
يدي كانت بييييييييييييييييييييضا ع ورديه والله والله تعالو شوفو الحين مفاضلها سودا من بعيد ويدي صايره سمرا سمرا سمرا
كنت لما البس الخاتم يطلع شحلاته ع يدي والحين والله وع:09:
والله يا بنات ما عارفه ليش كل هذا انا من النوع اللي يهتم بنفسه بس الحين مهما اسوي خلطات احسها ما تبين نتايجها معي نفس قبل..
ما اخبي عليكم نفسيتي وااااااااااااااااااااااااااااا اايد تعبانه من فتره طويله لاني امر بظروف عاطفيه شوي يمكن عشان كذا هالمشالكل ظاهرتلي لاني من النوع اللي نفسيته تاثر ع صحته وشكله
بس يا بنات انا هملت نفسي من فتره بسبب الضغوط والنفسيه وحابه ارجع نفس قبل
والله فشله
في الدوام بنت كانت ما تحبني من لما جيت وانا كنت مستغربه ليش ما تحبني لين ما جات صدفه موظفه 2 قالتلي تراها تغار منج لانج مزيونه وحليوه ومو شايفه نفسج والكل يحبج... والحين دايما تطنز علي وتتمسخر لاني صايره بهالشكل انا لو فيني نفس ارد عليها كان رديت من زمان بس هي كانت تغار مني والحين انتهزت الفرصه وتحرجني قدام اي حد وهي صادقه لاني فعلا صايره كاني مو بنت..كل شي مبقع ومختبص فيني...تقوللي اذا مو عندج منظف لوجهج انا بعطيج عشان تنظفينه..ـتخيلو؟؟؟؟؟
كبرت عقلي وسكتت عنها...يعني مو لهالدرجه وجهي تعبان بس فعلا وااااااااااااايد فيه فرق عن بداية دوامي معهم..بس شو تبوني ارد عليها هي تتجاكر عشان ارد عليها بس سافهتنها
يا بنات انا على وجه خطوبه وخاطري ارجع نفس قبل ...
رجاءي اللي جربت شي وانحلت مشاكلها يا ليت تدلني عليه..ارجوكم..خلطه اوكريم اي شي..مع اني افضل الخلطات..س اذا في كريم و موثوق منه بعد عادي
لا وبعد هالايام جربت مقشر ماكسي بيل وخلاني سمره اكثر والكل اللي يشوفني يشهق يقوللي شو صايرلج!!!!!!!!!!
ناويه اكمل اسبوعين استخدمه واوقف
يا بنات اللي تبي بعد ممكن تراسلني ع الخاص
والله تعبت
رحت عند طبيبه جلديه وقالتلي ان معظم مشاكلج سطحيه..بغيت اكمل واقول ونفسيه بعد
وبالنسبه ل السليولايت ناويه استخدم تقنية الاندرومولوجي...يقولون وايد زينه
بجد تعبت وبسوي اي شي عشان ارجع
والله وايد فرق بين قبل وبين الحين وااااااااااااااااااااااااااااا ااايد فرق
الله يوفق كل اللي تساعدني وعن تجربه...يا بنات ارجوكم ردو علي عن تجربه مو بس كذا.....اللي مجربه ترد علي
الله يوفقكم وينولكم اللي ف بالكم قولو امين
مرايم85 @mraym85
عضوة جديدة
هذا الموضوع مغلق.
يا قلبى الله يكون ف عونك اكيد عين ارقى نفسك - وخذى من اثر الى معاك ف الدوام اوووو الى حواليك --العين حق ونتى زى ما قلتى حلوووة فية ناس يحسدوووو ع كل شى 00الله يحفظك من كل عين 000ان شاء الله ترجع صحتك زى ما كاااانت --
أختي أول شيء النفسية تأثر كثير
اطلعوا برا تشمين هواء وتنفسين عن نفسك
والشمس جداًَ مفيدة في الصباح ورفهي عن نفسسك
والشيء الثاني يمكن التغذية أيضاً لها تأثير فيمكن صرتي ماتهتمين بتغذية نفسك مثل قبل
وشوفي وش كنتي تسوين قبل وماتسوينه ألحين
وآخر شيء بعد ماتسوين كل شيء ومافاد خذي من أثر كل وحده تشكين فيها
ولاتشكين من الحين يمكن مب عين لكن احتياطاً خذي آثار الي تشكين فيهم
اطلعوا برا تشمين هواء وتنفسين عن نفسك
والشمس جداًَ مفيدة في الصباح ورفهي عن نفسسك
والشيء الثاني يمكن التغذية أيضاً لها تأثير فيمكن صرتي ماتهتمين بتغذية نفسك مثل قبل
وشوفي وش كنتي تسوين قبل وماتسوينه ألحين
وآخر شيء بعد ماتسوين كل شيء ومافاد خذي من أثر كل وحده تشكين فيها
ولاتشكين من الحين يمكن مب عين لكن احتياطاً خذي آثار الي تشكين فيهم
الصفحة الأخيرة
انا مدري شنوع بشرتك ومادري وش ينفعك وش ماينفعك ,, انتي شوفي وحددي مشاكلك الي تبين تتخلصين منها وكل داء له دواء
إذا عالمسامات ,,,, انا مثلك مسامات وجهي واسعه وتوني بديت اجرب محلول انتي تسوينه فالبيت كثييير بنات جربوه ونفعهم كان مكتوب في موضوع وحده من العضوات الله يجزاها خير ,,, الي هو قشور برتقال + قشور ليمون تغلينهم في كوب ماي وتصفينه وتمسحين فيه وجهك
الجسم احسن حل الحمامات المغربيه ,, سويها بالبيت أو جيبي وحده تسوي لك ,,,, وتقشير ,, وترطيب كله يغيرك 180 درجه ,, انا الحمد لله صرت مواظبه على هالشغلات الثلاثه وصار جسمي ناعم وفاتح ومورد ,, حتى لحبوب الظهر ينفع وينظفهم ويخفف كثير منهم ,,,
والله انا مثلك طالعت نفسي لقيت جسمي كله مشاكل اول بصراحه كنت اطنش اتسبح عادي ولا اسوي اي شي بس بعدين قلت ليمتى وانا كذا لازم اتغير بالذات اني اشوف البنات من حولي كل يوم وحده متغيره الا انا على حالي ,,,, وعزمت وبديت والحمد لله الحين انا غير عن أول بكثييييير
انا اقول انتي بنفسك حددي مشاكلك وكل مشكله دوري على حلها وتكونين عارفه الي يناسبك ,,,,, والقسم هذا كفيل بأنه يعطيك أكثثر الحلول ,,, مثل ماانا اخذت واستفدت منه والله يجزا اي وحده تساعد الناس بكل خييييير ,,, وآسفه عالطواله وبالتوفيق