بنات أنا حامل في السابع..
ولحد الشهر السادس كلما رحت أعمل سونار عند دكتورة يقولون لي موباين.. مو واضح.. مسكر رجوله..!!
أول مرة يصير معي كذا بأحد من عيالي... عادة من الرابع أو الخامس يقولون..
فـرحت عملت تصوير رباعي..
لكن أيضاً قالت لي مو باين..!
وجلست تحوس وتحوس..
وتقول ما أشوف شي..
يمكن لآخر خمس دقايق وتقول مو عارفة..:44:
وبالنهاية..
لما خلصت وقفلت الجهاز قالت: غالباً بنت..!
لأن لو ولد كان بان (هذا كلامها بالضبط)
ومني عارفة كيف حكمت لأنها كانت مستعجلة مرررة.. والصور مو واضحة.. وكنت أشوف معها بالشاشة ما كان فيه شي واضح ولا ورتني..
يعني الصور كانت مرة سيئة..
لما ببنتي أذكر الدكتورة ورتني العضو قالت شوفي واضح.. وفعلاً اقتنعت على طول..
لكن هذي جلست تحوس نص ساعة تقول مو باين شي..
وبالأخير لما خلصت ورفعت الجهاز قالت بنت 95%!!..!!!
قلت لها كيف؟ قالت: لو ولد كان بان..!
أنا رضيت وقتها ومدري سبحان الله ربي نزل علي فرحة بالبنوتة (مع أن زوجي كان وده مرررة بأخو لولدي وحتى انا كان ودي يتحقق هالشي لكن كل شيء بيد رب العالمين)..
أخذت شريط الفيديو للبيت وما شفته لأني انشغلت وتعبت بعدها..
وجهزت كل شي للبيبي - على أنها بنوتة- وردي ..
الملابس والمفارش .. ما بقى لي إلا القليل الحمدلله..
لكن اليوم كذا جاء على بالي أشغل الشريط..!
لما شغلته وبديت أوقف اللقطات وامشيها بشويش وأدقق فيها استغربت مرة..!!!
!!
مدري..
حسيت أنه كأن ببعض اللقطات توضح أنه ولد.. أحس تفاجأت وبنفس الوقت قلت لا..
يمكن أني أوسوس وأتخيل..! :(
تمنيت أحد يعطيني رأيه عشان أقتنع وأوقف أفكر..
فأرجووووكم خواتي حبيباتي..
أنا بأعرض الصور..
وأنتو بكل صدق قولوا وش تشوفون..
الصورة الأولى للسونار العادي اللي عملته قبل الرباعي
(عفواً الأيمن أيسر خطأ مطبعي)
لاحظوا حسيت أن فيها زي الدويرتين فوق بعض بين الرجلين.. تشوفونها؟
ايش يعني..
الصور الأخرى
تقريباً هي لقطات متتابعة وهي أوضح اللقطات للمنطقة في السونار الرباعي
..
حيث كان الجنين رافعاً ركبتيه لأعلى..
وتم التصوير من الأسفل.. وبالكاد تتضح المنطقة بين الساقين..
اللقطات سريعة وخاطفة في الفيديو وبالكاد يتم رؤيتها.. لأنه كان يحرك رجليه..
حتى الطبيبة لا أذكر أنها ذكرت شيئاً عنها..
لكن حين أوقفت اللقطات وحركتها ببطء..
لاحظت شيئاً بين الساقين وكأنه عضو ذكري..
فهل تلاحظون؟
غالياتي..
أرجوكم أعطوني رأيكم..
أنا ولله الحمد راضية وقانعة بقضاء الله وشاكرة له أعظم الشكر..
وأحمد الله أن رزقني إناثاً وذكراً..
وزوجي الآن مقتنع وراض ولله الحمد
لكن..
فقط أود أن أتأكد..
حتى أقفل باب التفكير بالموضوع..
فساعدوني برأيكم..
ولكم مني صادق الدعوات...
وفقكم الله لما يحب ويرضى..
الله كريم ..
مع ان بعض الصور كانه عضو ولد
بس اللـــه اعلم
وربي يرزقك