السلام عليكم
بدخل بالموضوع مباشره
انا عندي اخت دخلناها مدرسه اهليه بحي السلام وهذي المدرسه فااااااااشله بكل ماتحمله الكلمه من معنى من ناحية الاداره والطالبات
طبعا الطالبات قليلات ادب ويردون عالمدرسه عااااااادي واكلك علوك والشنطه صايره شنطة مكياج مو شنطة مدرسه
والادهى لقيت بنت من عندهم منزله صور لمدرستها (من امن العقوبه ساء الادب ) لان نظام التفتيش كل شهر مره يعني مافي شي يخوف البنات لبس المرايل الضيقه عادي كأنه عرض ازياء
المشكله مو هنا المشكله اختي كانت مضرب المثل في الاخلاق والادب واول مادخلت عندهم شاهدين على هالشي بس من دخلتها والبنت متغيره 180 درجه وصايره ترد عالوالده ومايهمها شي والبنات هناك مايقصرون
الاداره وانا ماأقول الا الله حسيبهم متصلين يقولون احنا مالنا شغل هذي بنتكم مفروض تصادق بنات هاديات قولو والله البنت فهالعمر وش يعرفها وين مصلحتها
والولد عاد شي ثاني قبل يومين واحد من فصله رجم المدرس بعلبة بيبسي وقاله انت ماتربيت ولا حولوه للأدارة ولاشي المشكله انه ثاني ثانوي مانقدر ننقله ونغير عليه الجو
وربي راح اتحاسب على كل كلمة قلتها
بعد المقدمه الطويله اتمنى تساعدوني بمدرسه اهليه او حكوميه بشرق الرياض بس تكون ممتازه سواء الاداره والاهم الطااااالبات ويكونون شديدين
والله ماتكسبون غير الاجر والدعاء من الواده لانها شايله همهم
manoo.. @manoo_1
محررة فضية
يلزم عليك تسجيل الدخول أولًا لكتابة تعليق.
الصفحة الأخيرة