والله ياخواتي مادري شقول الله يزاكم خير
بس والله يشهد ماقصرت بشي اكله واللبس وكل شي بس هو مو مبين فيه اتمنى اتطلق لو يكون عندي سند ابو بس الله يرحم موتانا
دنيا الحمد لله انها دنيا الله يرزقنا بالاخره المشكله اني مادري احس اني مو حابته مرره يعني كرهته وكرهت تصرفاته مادري شاسوي

أهلين أختي شوفي حبيبتي اذا كنت لسه متزوجين فهذا شيء نقدر نقول عنه انه طبيعي يعني فيه بعض الرجال يتقيوون على حريمهم مالك اختي الأ الصبر ووالله ان فيه وحده اعرفها تقريبا نفس ظروفك ويمكن أكثر في حقها ولا شيء بس اللحين مع العشرة والأولاد تغير 180 درجة0

عليك أختي\الغي اول شيء فكرة الطلاق وفكري قبل كذا هل من بداية زواجكم هو كذا؟؟؟0 اسئلة كثيره تدور في مشكلتك بس ما علينا أهم شيء عليك0
1- الصبرثم الصبر ثم الصبر0
2-الدعاء(سهم من سهام الليل0)
3-الأبتعاد عن المشاكل قدر الأمكان واستبدالها بالرسائل الغراميه والمسجات الغزلية والأبتسامه الصفيه (لها وقع غريب عجيب تلين الحديد مو الرجال)0
4-العناد وهو الخطر الكبير على الحياة الزوجية اتركية وابتعدي عنه قدر المستطاع0 لا الرجال كل شيء يهون عنده الأ العناد ماله دواء0


4-اشغلي نفسك بقرأة القرآن ( الذين آمنوا وتطمئن قلوبهم
لذكر الله ألا بذكر الله تطمئن القلوب )) .

5- شوفي أختي خروجه من البيت الدائم سببه المشاكل خفي شوي على نفسك وتعوذي من الشيطان اللي هو مستانس اللحين لأنه فرق بين زوج وزوجته وجددي في حياتك اشوي يعني مفاجآت وهديه ويعني من هالحركات0

6-أختي والله اني ناصحة لك الدنيا هذي والله ما تستحق اللي نسويه في نفسنا توكلي على الله واطوي هالصفحه وعاهدي نفسك على التخلص من هالحزن والله بيكون في عونك ان شاء الله تعالى0
7- ابتعدي عن المقارنة مع اهله وحاولي انك ما تذكريهم الأ بالخير اقول لو حتى محاوله0 او تجنبي على الأقل ذكرهم عنده بالشر لأن يمكن هو يضغط عليك عن طريقهم 0

يالله اختي استودعك الله ونشوفك ان شاء الله المرة الثانية وانت في احسن حال بأذنه تعالى0

الوضوع الا انتي فيه وضع ما يسر الخاطر بس اتوقع ان الحل في ايدك انتي بالاول

لان الرجل مثل الولد الصغير يمكن بالدلال والطاعة تشكلينه على كيفك

وعلشان تتقبلي زوجك في البداية ( اقول تتقبلي مو تحبيه) لان الحب يمكن يجي بعد هالخطوة

حاولي تغيري من نظرتك الى زوجك

** يعني ركزي على ايجابياته وتجاهلي سلبياته

** تذكري افضاله عليك ( يمكن تقولي ما في !! ......... تأكدي اكيد في )

** خلي كل الاوقات الخاصة مع زوجك في بالك ولا تخلي المشاكل تمسحها

وبعد ما تسوي هذي الخطوة وتغيري من نفسك

غيري من زوجك وبطريقة غير مباشرة

1. لبسك خليه احسن لبس في كل الاوقات ونوعي في طريقة اللبس

2. دللي زوجك كل انواع الدلال ( الكلام - الرسائل - الاكل - مناداته.....................

3. اهتمي فيه اكثر ( خلي اغراضه على طول جاهزة - بخري ملابس بعد ما تكويهم - جهزي البيت والاكل قبل ما يرجع واهتمي بانه ياخذ قيلولة علشان يرتاح

4. لا تناقشيه في الفترة الحالية >>>>>> اذا تغير الوضع ناقشيه نقاش هادئ وبعيد عن العناد

5. لا تذكري اهله بسوء وحاول ان تتقربي لهم وكثري من زياراتك لهم ويمكن تطلعي معاهم

ان شاء الله تكون نصايحي موفقة

مع تمنياتي لك بالسعادة وراحة البال

صدقيني ياحبيبتي انك عورتي قلبي لكني ماابيك كذه حساسه بزياده ويائسه انظري للحياه من منظار ثاني وثقي ثم ثقي ان ربك ماخلق مشكله الا وخلق معاها حلها ,,حبيبتي اولا انصحك بالتضرع والتوسل لله تعالى خصوصا في الثلث الاخير من الليل والله اكيد بيستجيب دعائك وزوجك لازم تتقربين منه اكثر وحتى لو ماكلمك اهو انتي ابدي وكلميه ودلليه بكل شي واذا نام امسحي على راسه في اشفاق عامليه زي الولد الصغير طبعا امسحي على راسه قبل لاينام عدل علشان يحس فيك وانا صدقيني ماراح انساك من الدعاء ولاتخلين الهم ينسيك الاهتمام بشكلك ويارب يسخر لك زوجك ويهديه يامجيب الدعوات اسمع دعوتي لاختي واستجب دعائي ياكريم

حبيبتى ربنا يفرج كربتك يا رب
حبيبتى ميمكن قربه من اهله طاعه لهم مش ضعف شخصيه منه قربى منه وادعى ربنا وربنا يستجيب دعائك يا رب