الله يوفقها اللي بتساعدني .... محتاجتكم بعد الله ... (( معلمة جديدة واحزن ))

بسم الله الرحمن الرحيم

الحمد لله والصلاه والسلام على نبينا محمد رسول الله .....

السلام عليكم ورحمة الله وبركاته ...

كيف حال المعلمات المبدعات ....

ادخل في الموضوع علطول .......... بعد اسبوع تقريبا ..

يعني يوم السبت بحول الله الموافق .... 26-1-1427 هــ

راح ابدأ التربية العملي ... وشايلة هم مايعلم به الا الله سبحانة ...

ما أدري كيف ابدأ ولا كيف اتصرف .... والمصيبة الكلية اللي انا فيها مييييييح ...

يقولون لنا (( تعالوا اول اسبوع من بداية الترم الثاني عشان التأهيل ))

قال ايش قال تأهيييييييل ... والله ماعندهم سااااالفة .... رحت اول اسبوع وكرشونا من عند الباب .... ضابطة الامن تقول مافي دوام ....

والمادة اللي درستها الترم الاول .... طرق تدريس .... ما أحس اني استفدت مررررة

مع ان الاستاذة ماقصرت والله ... بس الوقت ضيق .... وماكان فيه تطبيق عملي ...

...... قلت يالله يمكن خلال الاسبوع الجاي نبدأ التأهيل ....

ونصحتني وحدة من الاخوات .... تقول ماراح تستفيدي منه شي .... وترى التأهيل ساعة بس يعني لا تحسبيها شي ....

يالله ... اصابني الاحباط صراحة ..... يعني راح ادخل على عمايه ماني عارفة شي ...

وبعد الهذرة أطلب منكم واتمنى ماتردوني ,,,,,

ابغى ارشاداتكم ونصائحكم ..... تجاربكم ...... ((تراني بادئه من الصفر :( ))

كيف اتعامل مع بنات المتوسط ..... كيف امشي حصتي على اكمل وجة

وش ممكن الوسائل التعليمية اللي استخدمها يامعلمات التربية الاسلامية

وابي افكار واساليب جدبدة ومميزه في الشرح والتطبيق والمناهج اللاصفية

اللي ترد علي الله يوفقها دنيا وآخرة