السلام عليكم ,,,,,,,,,,,,,,,,,,,,,
كيف حالكم غالياتي ,,, اولا احبكم كلكم واتمنى لكم السعاده في الدنيا والاخره وهذي مني:26:
اببدء قصتي على طول انا عندي صديقه احبها كثير وهي من العائله وزوجها ولد عمةزوجي يعني علاقتنا لها ثمان سنوات كلها احترام وتقدير وناسه وهي ملتزمه
وعندي زوجة عمي سمعتها سيئه بقدر ماتتصورون ولا ودي اتكلم عنها
كنت عند اهلي ودقت بنت زوجة عمي على اختي اللي من عمرها وقالت تعالي عندنا امي بتروح زواج وانتي تعالي انا رفضت لاني ماابي اختي تتعلق فيهم ولا تجيهم اولا سمعتهم وثانيا بيتهم كله شباب وثالثا بتروح لوحدها بدون احد
وهي صغيره ماتعرف مصلحتها وكلمتها وقلت مافيه روحه وبينت لها الاسباب قامت تبكي وقالت لامي وامي قالت اسمعي كلام اختك الكبيره
دقت بنتهم وقالت بتجين قالت لا ليش وانتي كنتي موافقه وبعد الحاح قالت اختي عيت
وخمس دقايق الا امها تدق على امي وتشتكي مني على فكره هي ماتحبني لانها حاولت تسوي مشاكل معي بس ماقدرت مطنشتها ومبتعده عنهم بالمره والله من كثر بلاويها حتى اللي بعيد ماسلموا منها
المهم توعد وتهدد وامي قالت هي ماقصدها بنتك هي قصدها ماتبي اختها تروح لحالها خايفه عليها(امي طيبه مره ولا تحب المشاكل ابدا ومسالمه الا ابعد حد)
قالت والله لااخرب سمعتها عند اللي يسوا واللي مايسوا !!
انا مطنشه ولا رديت عليها لان الناس عارفينها وعارفين مشاكلها
نجي للمشكله انا قد قلت لها صديقتي تقول انك عوبا وقويه وهي فعلا قالته
بس انا اعترف اني غلطت يوم علمتها بس لانها استفزتني !!!
وفعلا راحت قالت لصديقتي وملحتها وكذبت بزياده
وانا مادريت انها فعلا علمتها الا يوم دقيت الا البنت متغيره علي وصوتها ولاردت على طول الابعد كذا مكالمه
قلت وش فيك قالت ولا شي وبعد اصرار قالت اكيد تعرفين قلت لحظه فيه وحده تتوعد فيني واكيد مكلمتك قالت ايه ورفضت تعلمني بشيء!!
قالت وش تبن فيني فكني من مشاكلكن انا ماللي دخل فيكن !!!
اذا عندكن شي بعيد عني
وعلمتها السالفه وقلت فعلا انا قلتلها الكلام اللي قلتيه بس لازدت ولا نقصت
وهذي تبي تفرق بينا وقلت انتي عارفتها قالت انا مااعرف احد (والمشكله قد صارتلها مشكله معها بس انا سمعت من ناس ثقه هي ماقالتلي )
وفي اخر المكالمه قالت اعتذارك على راسي وانا مااشيل ولا احقد على احد !!
وبعدين تركتها ماعاد اكلمها صارلي شهر وهي ترسل على ايميلي رسايل عاديه
وانا ماارد وتشوفني فاتحه المسن ولا تدخل تكلمني مع انا وهي نقعد ساعه ولا وحده تكلم الثانيه
وانا صراحه منجرحه منها لانها زعلت ولافكرت تكلمني ونست العشره اللي بينا وايضا كلامها القاسي معي
الان هي ولدت ومادري محتاره اكلمها واباركلها وازورها ولا ابعد واتركها
ومتى اكلمها ولا اصير رسميه معها
اللي عندها راي تشاركني وتوجهني شاكره لكم
يلزم عليك تسجيل الدخول أولًا لكتابة تعليق.
عادي روحي لها وباركي لها باين عليها طيوبه ومو راعية مشاكل و***** الله انه سامحتكعادي روحي لها وباركي لها باين عليها طيوبه ومو راعية مشاكل و***** الله انه سامحتك
تسلمين اختي
روحي لها عادي وباركيلها وان شاء الله ترجع المياه لمجاريهاروحي لها عادي وباركيلها وان شاء الله ترجع المياه لمجاريها
تسلمين يالغاليه
الصفحة الأخيرة
باين عليها طيوبه ومو راعية مشاكل
و***** الله انه سامحتك