اكيد من نوعية القهوه

افضل نوع بن هررري وخلي المطاحن يحمسه لك ويطحنه بنفس الوقت لاانها اذا كانت مطوله مطحونه تخرب طعمهاا

اختي واضح من كلامك ان ملعقه زعفران كثير على ترمس قهوه جربي سويها من غير الزعفران اذا مافي مر معناته ان الزعفران هو السبب

شوفي حبيبتي انا عن نفسي احب الهررى باشنفر احسن من الخير والبريه ماحبها كثير اجيب كيس جديد مختوم ويقعد عندك خذي كميه نظفيها من الاوساخ الحبوب السوداءاذا فيهاحصى لاتغسلينها ترى موزين بعدين احمسيها في الفرن خصصي صينيه تيفال للقهوه انا احطها بالفرن الكهرباء على درجه 300 وحركيها كل شوي تصبح بلون الشوكولاته او اذا عندك حماصه تراها بعد حلوه وسريعه الكهربائيه القديمه حقت الفشاربعدين اطحنيها تميل للخشونه لاتنعمينها اغلي الماء في ابريق مخصص للقهوة فقط لاتحطين البن حتى يغلي الماء ضعي حوالي فنجال قهوة الوسط وخليها تغلي اذا تبين لون الزعفران يبان وتطلع القهوه حمراءعلى شقراءاطحني الزعفران في مكينه القهوه احسن وبعد اوفر وضعي ربع ملعقه بس بشرط زعفرانك الاصلي مو ابوشيبه مايبان لاتطولين اقل من 10دقائق لانها محموسه زين وكثر الغلي يمررها وبعدين حطي بالترمس هيل 2ملعقه صغيره وهيلك يكون الامريكي الاخضروبس صبي القهوة بعد ماتركدتبين قرنفل مطحون حطي شوي وقللي الهيل عشان ماتصير حاره بلا كفي بلا حليب بلا زنجبيل بلا خرابيط اصلا لو يطعموا رجالنا شي غريب بالقهوة كبوها هاذي طريقه القهوة العربيه السعوديه ونسيت اقولك في عندنا بالخبر بن بايوني حلوه قهوتهم وتاخذي اى نوع واى حمسه محل متخصص في القهوة احلى من الرفاعي والمهباج هذا كل شي جديدبس انا احب اسويها عشان انظفها اول مع شكررري

وانا ما الاخت روعة حائل بطريقتها احسها الطريقة التقليدية عندنا..

انا نفس طريقه الاخت روعه

بس العويدي احطه ما طحن يعني عدد خمس حبات مع القهوه وهي تطبخ

لان اذا طحن وحط مع القهو ترى يغير لونها للبني غامق

والزعفران لا تكثرين يعني مقدار نص ملعقه شاي الصغيره مره حقت التحريك السكروافضل شي تطحنين الزعفران عشان يصبغ صح

وبعدين لما تطبخ القهوه وخلا لما تجين تطفينها حطي ملعقه هيل وعلى طول طفيها

وخليها خمس دقايق قبل ما تصبينها في الترمس او الدله

وشوفي القهوه كييييييييييييييييييييييييييييف

وقلي اذا زبطت معك

نصيحه

لا تاخذين القهوه من المحامص

انتي احمسيها واطحنيها

احسن لك