الله يوفق اللي ترد علي( ولدي 9 اشهر وجسمه مثل المويه ولا احس بعظمة)

بسم الله

كيفكم يابنات حواء انشاء الله بالف خير

جايتكم وطالبة مساعدكتم وانشاء الله ماراح تبخلون علي

ولدي تركي الله يحفظه عمره الان تسعه شهور وداخل العاشر ومايقلب ولا يجلس ولا يحبي بعدوما احس ان عنده عظم


ممكن نقول طبيعي بيتأخر لانه ولد سباعي الله يهديه شكله مستعجل :( يشوف الدنيا ويشوف امه ولدته طبيعي في اخر يرم في الشهر السابع
وجلس في الحضانه شهر كامل


وهو بكريتي ولاني جاهله بامور الاطفال مانتبهت لمشكلته إاللي الان قالقتني


المهم المشكله انه جسمه مررررررررررررررررة خفيف مثل المويه والله

من رحت للحرم اخذت فيه عمره تعبني حييييييل لان جسمه بس يتمايل واذا شلت ايدي عن ظهره ممكن يطيح على اسفل او يفلت مني

المهم سالت وحده وقالت لي اكيد لين عظام لانك ماشمستيه

المهم وابدأ اشمسه كل يوم واعطيه فيتامين د بس للأسف مالاحظت تحسن


المهم بعد استشارة الحريم وتعرفون كيف يضيعون الوحده خاصة البكريه الله يسامحهم

قالوا ادهنيه بعود الصليب ومدري وشو واللي نقول بالزيت الفلاني واللي تقول بزيت السمك ووووو
المهم

من اوقفه على رجوله مايوقف رايحه مثل المويه خفيفه مره ولا احس فيها على حظني



المهم قلت بتوكل على الله واسال استشاري وفعلا رحت وطلب اشعة مخ

وتبين ان عنده ضموررررررررررر بسيط في المخ وهذا سبب له ضعف في العضلات والاعصاب


وقال محتاج جلسات علاج طبيعي :7_5_127:




وانا قررت باذن الله ابدأ فيه رغم انها مكلفه وانا وضعي المادي ياااادووم يكفي الاساسيات :icon33:
قلت لو ابيع كم قطعته الذهب اللي عندي تفداه في سبيل اني اشوفه يجلس



بس بسأل احد كيف العلاج الطبيعي

وفيه احد مجربه او شاف طفل احد تعالج فيه

وهل احد عندها وسيله اخرى راح تساعدني انه يبدأ يمشي او على الاقل يجلس

وعلى فكره الحمد الله احسه يستوعب وبدأ يناغي وذابحني ماغير يردد ببه كان ماعنده ماما
نتعب ونولد وسهر في الاخير يردد ببه ولا ابه


وطلب اخير

ولدي مناعه جدا ضعيفه على اي شي يمرض وخاصة بالتهاب الصدر خاصة وهو مارضع طبيعي

فيه خضروات او فواكه او شي يساعده على تقوزية المناعه عنده

على فكره انا في مكة والمستشفى اللي بسوي فيه علاج طبيعي مستشفى الدكتور بخش والجلسه الوحده بـ 100 ريال وثلاث جلسات في الاسبوع

ولاتبخلوي على بالردود الله يسعدكم