@الله يوفق الي بتساعدني ضروووووري اليوووووم @

اذكر فية محل باليورماشية فيه ملابس تراثية بس مدري هل هو للحين موجود واذا تبين ترتبين لها لبس تراثي مثل الدراعة وهالكلام روحي لعويس والاطيبة يبعون دراعات للبنات الصغار واشتريلها معها ملفع وخلاص يكفي:27:

السلام عليكم..

اختي تلقين بسوق حجاب اللي بالنسيم تلاقين كل شي حتى الذهب بس طبعا مو ذهب تقليد
وبالهرم عند الحريم اللي برا
وفيه بالغيث عند العليا مول

تحياتي

والله حتى انا بنتي عندها احتفال في المدرسه وطالبين زي شعبي هي عندها بس صغر عليها اللبس والتكميله كلها عندي

قلت ابي اكلم جارتي بنتها اكبر من بنتي وكلنا من نفس المنطقه فبشوف اذا عندها لبس لبنتها صغير عليها تعطيني هو لبنتي خصوصا انو لبس بنتي يميز ممنطقتها وغريب على المنطقه اللي احنا فيها

ولبستها هو العام وقبل العام فانبسطو كثير المدرسه منها لدرجه صارو يصورونها

لكن بالنسبه للرياض

عندك حجاب سوق الحريم اذكر الوالده تروح تجيب لخواتي من هناك في سوق للحريم هناك لا تلفين ولا تدورين روحي لحجاب شرق الرياض وبتلاقين فيه كل اللي خاطرك فيه حتى الاكسسوارات

بس نصيحه اذا انتي من منطقه غير الرياض حاولي تبحثي عن لبس منطقتك تكون بنتك مميزه وحاولي تكملي لها من الشيله الين الخلخال والهامه

ويالله نشوفك على خير وعلميني كيف تصير بنتك بنتظر ردك والله يحميهم يارب من العين

الاخوات...... اخصائيةنفسية و SIMPLICITY و نيــــــــــراز. الف الف شكر لكم والله يوفقكم جميعاً لاني كنت محتاسة وما ادري من وين اشتري هالملابس لكن بالروح لاسواق احجاب وان شاء الله القى لها لبس مميز وحلو .

الصديق وقت الضيق الله يحفظكم جميعاً والله اول ما فكرت قت ما لي الى المنتدى اكيد بساعدوني .الله يجزاء "القائمين عليه والاعضاء" جميعاً خير الجزاء انه على كل شيئ قدير....

:26: :26: :26: