الله يوفق الي تدخل وتشاركني همي لو بدعوة

اخواتي الحبيبات
ما ادري كيف ادخل بالموضوع لان الكيل طفح والحياة بدات تضيق بي مع زوجي والحمدلله
باشرح لكم حياتي من بدايتها
كنت اعيش في نعم لاتعد ولا تحصى قبل زواجي تخرجت من الجامعة وتعينت معلمة وكنت دائما انخطب من يومني في الثانوي بس اهلي يرفضون بحجة الدراسة وكنت دلوعتهم اخر العنقود
انا من اسره غنيه واخواني فاحشي الثراء من كبار التجار لان الوالد الله يرحمه كان تاجر
تزوجت من قبيله اخرى اخت زوجي كانت تدرس معاي بالجامعه وهي الي دلته
طبعا زوجي راتبه حلو بس اهله على قد حالهم
كان لسانه جدا جارح وانا مخطوبه له لاحظوا ويرمي كلام يسم البدن بدون مناسبه وانا ماكنت افهم بالحياه كثير وماكنت اخبر اهلي بشي اسمع واسكت
واحيانا يكلمني عادي فامشي الامور
تزوجت وتفاجات ان الزواج كله ديون وماعند الرجال شيء حتى تمشيه وشهر عسل وكلام فاضي مافي
قلت مومشكله ممكن ماحسبها صح واهله حملوه فوق طاقته ولا احد ساعده يابنت مشي الفلوس ماتهم اعطيته من عندي عشان ازيل العوائق واتفاجا انه يقول لي المفروض ماصرفتي المهر كله كان جبتي نصه عشان نتمشى انصدمت وامشي نروح نجيب اختي تقعد معانا في الفندق ولا تقولين لاحد قلت كيف وانا عروس تجيب اختك معاي ماكملت اسبوع زعل قال ماتبغين اهلي فكرت وقلت يالله نروح لاهلك ماكملت اسبوع من الزواج ورحت جلست عنهم اسبوع عشان يرتاح بعدين رحت بيتي في مدينه اخرى وقعده في البيت كل ماقلت له شيء قال ماعندي فلوس ومعصب وزعلان على طول وانا بس اراضيه ويقهرني يمدح الحريم فلانه ملكة جمال وفلانه يقولون انها تاخذ العقل ولاعمره مدحني بس يحطمني مع اني حلوه ومملوحه واحلى منه بكثير خلص الصيف كانت اسوا صيفيه مريت بها وباشرت عملي والحياه تزيد سوء
افكر في الطلاق بس المشكله المدينه الي انا فيها بعيد عن اهلي وخايفه على وظيفتي تروح مني وراحمة امي وابويه من الصدمة لو عرفوا بحالي كنت ابين لهم اني في نعيم والمشكله بعد حملت من اول شهر

قدت سنتين اساعده في سداد الديون وامشي هالدنيا ولدت جبت ولد ماشاء الله يجنن وبعدها حملت بولد ثاني اجمل منه الله يحفظهم لي
كملت دراسات عليا واخذت الماستر واصبحت محاضرة في جامعه

الان لي 12 سنه متزوجه كل سنه لازم اروح لاهلي زعلانه كل سنه واهله يحرضونه علي من عرفته وكان ينفذ اومرهم بداية حياته ويطردني من بيتي ويمد يده ويمسك عيالي عني شهور ما اشوفهم ودي بالطلاق اتمناه بس اولادي قطعوا قلبي واهلي ما يقبلون عيالي الحين قاطعت اهله
وكمان جبت بنتين توام عمرهم 4 سنوات كل من شافهم يقول حصنيهم من جمالهم ماشاء الله لاقوة الابالله

طبعا رواتبي اصرفها على نفسي وعيالي ما اعطيه مثل اول احيانا يطلبني اسلفه وغصبا عني اسلفه من الحرب النفسيه الي يمارسها علي ومايرد لي شيء ومره طلب مبلغ ميه الف قلت ماعنديماعندك اطلبي اهلك وقال اختاري ياتجيبين 100 الف يا احرمك عيالك شوفي من تفضلين فاضطريت اعطيه ورجعها لي
راتبه كبيرمره وعليه قروض وعليه ديون وكل ما اقول ولا اطلب شيء يقول ماعندي تسلفت من فلان وفلان ما ادري متى تسلف وفين وداها
يتعذر بمصروف المطبخ الديون عليه تطفر ويقول اصرف عليكم بها <<ماشفت الا الفقر ويعصب اذا دققت معاه ويقوم ويتركني يخرج وماعاد اشوفه الااليوم الثاني <<وهو يحب الخرجة
ودائما مسافر ولايامن لي اي شيء ننطق انا وعيالي في البيت لين يجي صبرت على المر والامر منه

جاني الان مبلغ كبير ورث مع فلوس انا جمعتها ,, طبعا مايدري لو يدري يجنني عشان يتسلفها ولا يردها وهو ما يملك شيء
الجديد الان بدا يجيب سواليف من عند امه <<<المؤثر الاول في حياته
يقول ان جاء لامه خبر اني قبل لا اتزوجه كانوا الناس اذا جوا يخطبوني يشوفوني ويشردون ويقول وجهك فعلا قبيح ويخوف هذا الدليل ان امي صادقه
والله يا بنات لو تشوفوني وتسمعون كلامه تنصدمون انا انيقه جدا وما اقول اني ملكة جمال لكن حلوه وبيضاء وشعري مره حلو ناعم وغزير جمسي يجنن ولبسي ارقى لبس شنطي وساعاتي بالالوفات وقهرني بالكلام وزودها معاي ويمدح في اخت زوج اخته يقول اهلي يقولون انها ملكة جمال ومطلقه ما ادري وين عقل الي طلقها وكثيرررررررررررر حريم يمدح فيهم نقلا عن امه تو اخوه تزوج بس يمدح لي في جمالها

رحت لصديقه لي وصدوقه

قلت بالله عليك انا حلوه ولا قبيحه <<شكيت في نفسي
قالت والله انك اجمل استاذه في الكليه وشكلك كانك طالبه مو محاضرة وتفتحين النفس والله اني اسمي عليك والي يشوفك يتوقع زوجك طاير فيك
انهرت بكاء يوم قالت لي وحكيتها عن كلامه قالت بينكم شيء روحوا لشيخ اذا مانفع انقلي عند اهلك واتركيه زوجك خبيث وبهذلك كثير وانا عارفه انها امه فرمتت مخه نفس الشيء قالت والله ربي فاتحها عليك ليه تتحملينه خذي بناتك وتطلقي

الله يخليكم دلوني انا مدمره نفسيا