الله يوفق كل ماتتدخل موضوعي ضررررررروري

:06:السلااام عليكم حبيابي

انا جالسه اكتب وكلي امل بالله ثم بأرائكم ورودك ...تكفوون ساعدوني لاني مجروحه من زوجي

انا لي سنه متزوجه ودايم مشاكلنا انه ينادي الناس بدون مايعطيني خبر يعني يجي عندي يقول الناس الفلانيين بيجون بعد شوي ...امانه يابنات انا وش يمديني اسووي عندي توأم صغار اهتم فيهم والا ارتب بيتي والا البس والا اجهز القهووه ويسوي الحركه هذه حتى مع اهله اذا ركبوو السياره يجي يقول لي هلي بالطريق ودايم اقوله انا ماعندي مانع الناس يجوني بس شغل الهمج انا ماتعود عليه على الاقل يتصلون العصر يقولون بنجي بعد المغرب صح والا غلطانه لاني طفششششششششششششششششششت زوجي مو راضي يتفهم وضعي واني عندي توأم يبيلهم اهتمام ويتصل على اخووي يتشكي يقول انا ماابي الضيوووف ولا يقووله اني بس اطلب يعطيني 2 او3ساعات ارتب فيها اولادي وبيتي..

وامس اهله اتصل قالو جايين ساعه وهم عندي ولما شوو على انه عصريه مشى الوقت جت الساعه 9 ونص قال لاخته خلي فلانه اللي هي انا تتطلع دجاج ووتطبخ لانا كنا متزعلين على نفس الموضوع تخيلوو يابنات ماارسل لي رساله يرسل اخته .....

جيت ارسلت له انا انه مافي وقت اطبخ لادجاج ثلج جاء ارسل اطبخي ياراعيت البيت<<<تريقه طبعا علي

طبعا رجعت ارسلت له نفس الرساله مايمدي..تخيلوو وش سوووى ؟؟؟

جاء للغرفه اللي فيها انا وامه واخواته وقال بنطلع دجاج ونطبخ عشاء يسال الام قالت الام لا مايمدي قال الا الا يمدي قاله عشان يحرجني قدامهم ..يعني يابنات انا قايله له مايمديني برساله وش تفسروون حركته؟؟؟

بعدين اصر يقول لالا بنطبخ بالبيت جيت انا التفت للام وقلت لها ترى ياخاله انا قلت له برساله مايمدي الدجاج ثلج وانتوو تعرفوني اني مااقصر بس هو مصر يحرجني قدامكم المهم اهلي طيبين الحمدلله وفاهميين قصدي بس بدى يرمي كلام قدام اهله ويقولو اسكتي لااطلع فضايحك اللي تسود الوجه<<طبعا ماعنده شي يقصد لما اقوله عطيني وقت لما احد بيجي يزورنا ....جيت قلت له عادي قول فضايحي انا واثقه قولها قدام اهلك قال لا خليني ساكت اصلا انا ماادري وشلون بيت اهلك المحترم طلع وحده مثلك<<<وهذا الللي جررررررررررررحني بكل رسالتي تخيلووو يقول كذا قدام اهله ..

امه انجنت لانها تعرف تربيتي وقامت تقولي مايقصد ومن هالكلام وهو يضحك لاني جلست ابكي ويقول تكفين ياصاحبة القلب الكبير<<<يترررررررررررررق

المهم كبرت المشكله وسوي شخصيه قدام اهله وانا قلت دامني مو متربيه راجعني للبيت لللي رباني ...قال قدام اهله عادي اوديك بس عيالك تحلمين فيهم هنا قامت الام تحاول تتطلعه من الغرفه وهو على باله يصارخ

المهم راح يقول لاهله اني ماابيهم واني ماابي الضيوووف وربي كذاااب يابنات

والحين انا انام في مكان وهو بغرفه النوم عجزت انام بغرفتي واحس اني ماابي اشوف وجه بعد الكلام اللي قاله قدام اهله اماااااااااااااااااااااااانه شورو علي وش اسوووي لان الام قبل لاتتطلع حاولت تكلمه وتكلمني وطبعا مقتنعه اني ماابي الضيووف حاولت افهمه بس مافهمت وطلعت امس الام من عندنا ولاجاء يعتذر ولاعنده نية الاعتذار عشان كذا انا ماابي انام بنفس المكان حتى جلستي لوحدي انا واولادي لانه غلطان ولايبي يعتذر وانا ماراح ابدى اتكلم معه بعد اللي قاله لانه بيتماده ويصير كل مره يسبني قداام اهله

انتم وشررررررررررررررررررررايكم امانه لاتقرون الموضوع تتطلعون يارب يسعد كل من ترد علي يارب

انتظركم