داليا-74 :

حبيبتي كل انواع الريجيم بتوصلي لمرحلة بتوقفي فيها على قياس معين ، انا الحمية تبعتي علاجية واتبعتها شهر ونحفت عليها 5 كيلو وبعدها وقفت وما عاد ينزل وزني ولما دورت بالانترنت (انا بدور دايما عند المواقع الطبية الاجنبية مو العربية لانه نسبة قليلة منا بطور علمه) اكتشفو انو الصيام المتقطع بيقضي على الدهون العنيدة اللي مهما حاولتي ما رح تروح حتى بالرياضة ما بتروح الا بنسبة بسيطة ونحفت عليها كمان 5 كيلو بس بدها صبر وارادة (عملو دراسة على المسلمين لقو انه افضل وقت بتكون صحتهم ممتازة هي فترة رمضان بسبب الصيام والسبب التاني بياكلو اكل بيت مو من مطاعم يعني هاي معجزة جديدة لدينا الاسلامي) هلا اذا حابة تصومي كامل كصيامنا بكون احسن واحسن بس اذا ما بتقدري او بتاخدي ادوية الطريقة هي انك تاكلي اخر وجبة الساعة نفرض 10 مساء واول ما تصحي ما تاكلي ولا لقمة بضلك 14-16 ساعة صايمة عن الاكل (وما تنسي انه ثمان ساعات انتي اصلا نايمة فيهم ) وبتاكلي من 12-2 الضهر اول وجبة وبعدين بعدها من 6-8 ساعات بتاكلي وجبة تانية وبتبدئي صيامك مرة تانية وممنوع تاكلي بيناتهم نهائي وعلى فكرة لساتني عم بنحف والحمد لله على الرغم عندي التهاب درقي اللي بسبب كسل غدة يعني المفروض مستحيل انحف والحمدلله كان وزني 64 وهلا انا 53 ولسة عم بنزل وطولي 158 وحابة اوصل ل 48 زي ما طول عمري كنت قبل مرضي الممنوعات عشان فعلا تنحفي هو جميع انواع الخبز والطحين والبرغل والمفتول والحلويات والشيبس والشوفان والذرة والصويا والشكولاتات (هدول بسمنو او بالاحرى بيحتوو على بروتين بينفخ البطن وبسبب التهاب بالجهاز الهضمي وبصير جسمك منفوخ وامساك ووجع بالقولون يعني اذا عندك قولون وعملتي اللي بحكيلك عليه وفحصتي بعد شهر حيكون باي باي قولون.. بينما بتقدري تاكلي رز (الرز الوحيد المفيد جدا من جميع الحبوب وتلات ارباع الامراض المنتشرة بالعالم سببها الحبوب ما عدا الرز) مسموح بس الشكولاتة السادة المرة وفي خبز الرز بالمخابز الكبيرة وفي كمان خبز زي شكله التوست بتلاقيه بسوبرماركت كبير عندكم وهو لبناني وخديه مضيوف عليه بذر الكتان هدول بتقدري تاكليهم بدل الخبز اللي احنا متعودين عليه طبعا ممنوع البيبسي والعصائر حتى الطبيعية واذا اشتهيتي بعد ما توصلي للوزن الي بدك اياه او قريب منه مسموحلك كاسة واحدة عصير الرمان الطازج مو مضيوف عليه سكر لانه بسمن اما طبيعي ما بسمن وبتقدري تشتري لاكنور انا بشرب منه لانه 100% عصير رمان وانسي تماما لو معزومة عند ناس وقدمولك عصير برتقال حتى لو طازج وهلا عاصرينه اتحججي وابعدي عنه بسمن اكتر من البيبسي اكل من المطاعم انسيها تماما لانه بيستعملو زيوت رخيصة سيئة ومضرة كانك عم تاكلي سم بلا مبالغة .. اعتمدي على زيت الزيتون والزبدة والسمنة الحيوانية ابعدي عن كل شي نباتي لانه عبارة عن سموم بتزيد التهاب بجهازك الهضمي وببطل يقوم بعمله ويهضم الاكل فبحوله لدهون (الزبدة اكتر اكل بنحف من كل الموجود عندك بالبيت لمعلوماتك وفوائدها لا تعد ولا تحصى ومن دكاترة اجانب اما احنا الدكاترة اللي عنا للاسف ما بيعطوكي اي معلومات شو المفيد وشو المضر) كتري خضار .. يعني صحن خضار (سواء سوتيه او سلطة) يكون كبير وقطعة بروتين متل جاج او لحمة او سمك ، والخضار كليه غداء وعشاء ونوعي بالبروتين زي ما بدك او مثلا ما بدك لحوم لحالها كلي رز وجنبه اي نوع البقوليات ماهي بروتين متل فاصوليا بيضة (كنت اكرهها كره العمى بس لما عرفت فوائدها ومن ضمنها انها بتنحف بسرعة لدرجة بينصحو الناس ياكلو صحن الصغير فاصوليا بيضة قبل الاكل وخاصة قبل الكربوهيدرات متل الرز لانها بتعمل بلوك عليه فبينزل من جسمك من غير ما يتحول لدهون) او مثلا بامية او ملوخية ويكون فيها لحمة او جاج بتكوني اكلتي وجبة متكاملة وابعدي عموما عن السكريات وانسيهم كل شي اشربيه سادة لانه السكر بزيد التهاب الجهاز الهضمي وغير انه بيتحول لدهون والسكر الوحيد المسموح فيه هو سكر ستيفيا اكيد بتلاقيه بسوبرماركت كبير (السكريات كترتها وتراكمها بالجسم هو الي بسمنا وبمرضنا فابعدي هاي الفترة عنها وهي بتيجي سواء من السكر او من الكربوهيدرات والنشويات عشان هيك بس مسموحلك رز غيره انسي حتى البطاطا البيضة انسيها عبارة كانك ماسكة كيس سكر ونازلة تاكلي منه اما بطاطا الحلوة لو اكلتيها مرة كل يومين تلاتة كلها فوائد وسكرياتها معتدلة يعني مو متل البطاطا البيضة هاي المعلومة نادر لحدا يحكيلك اياها ) ومعلومة كمان صغيرة بالنسبة للدهون لما تنزلي كيلو على الميزان لازم تزغرطي لانك فعليا نزلتي تقريبا 3 كيلو من الدهون العنيدة اللي بجسمك بس لانه وزنه زي القطن خفيف عشان هيك مابوزن وطبعا انتي بتضايقي وبتفكري حالك ما نحفتي كتير بس فعليا كل كيلو انتي فكري فيه كانك نازلة 3 كيلو من الدهون العنيدة اللي مستحيل تروح لو جربتي كل شي لانه حينزل من العضلات اما طريقتي بتروح الدهون اللي بالبطن والارداف اول شي وبصير اي دهون موجودة بالجسم بيحرقها شوي شوي بالنسبة للمشروبات بتقدري تشربي شو ما بدك طالما من غير سكر بس القهوة حاولي مرتين بس باليوم والشاي الاخضر كتري منه والقرفة بتنحف كتير كتير بس وقت الدورة ما تاخديها وما تجمعي عشرين خلطة اعشاب متل ما بيعملو البنات اشربي كل شي لحاله عشان تاخدي فوائدة بس الشاي الاخضر هو الوحيد اذا اشتريتيه يكون مع القرفة والزنجبيل كتير ممتاز بس غير هيك ما تعملي لانه ممكن يتضاربو مع بعض واذا بدك تنحفي اكتر واكتر ابعدي عن كل العصائر حتى الرمان لتنزلي على الوزن الي حاببتي (الرمان من الفواكة اللي بتنحف والفراولة كمان بس اكلهم احسن من شربهم) واولتها معلش جسمك لانه متعود على الحلو والسكر حيصير يطلبه منك بدك تحاولي تجاهدي حالك واذا مو قادرة خدي قطعة صغيرة من شوكلاتة المرة او شي تلات حبات لوز الني او كلي تفاحة بس ما تاكلي كربوهيدرات (السكر مبدؤه زي مبدا المخدرات ما بتقدري تتركيه بسهولة في ماده بتخليكي تطلبيها دايما بس ما تنسي انه الدهون هاي عبارة عن تراكم كربوهيدرات وسكريات يعني موجودين بالاساس فما تردي على عقلك لانه الاوامر بالاكل بتيجي من الدماغ انا هلا حعطيكي موضوعين تبحثي عنهم بالجوجل اقرئي عن مقاومة الانسولين والتاني مقاومة الليبتين هدول الهرمونين موجودين عنا وهمن السبب اللي بخلونا ناكل كتير وما نحس بالشبع ولما ناكل بنرجع بعد ساعة بالكتير ساعتين وبنجوع وبنضلنا نشتهي الاكل خاصة السكر وبالصيام بتعالجيهم وبتصيري تتحكمي شو بدك تاكلي وفعلا تصيري تعرفي جسمك بحاجة لاي اكل وفي معلومة صغيرة طريقتي ما بتخلي جسمك يصير فيه سترتش ماركس ولا يكتر سيليوليت من جسمك او حيكون في رهرطة لانه زي ما حكيتلك انا جربته قبل والي تقريبا شهر ولازلت عليه خف السيليوليت وما في رهرطة حترجعي بنت 20 ، يعني انا قربت على 40 مفكريني صغيرة الناس اللي ما بتعرفني وبحطو فيني 25 على الاكتر لانه جسمك كله حيتغير وحتستعيدي شبابك وحتتجدد خلايا جسمك سواء من داخل او خارج فعلا انا اول ما قريت عن طريقة الحمية قلت ادور وافهم من البحوث العلمية وطلعت التجارب علينا ، مسلمين تبرعو عشان يشوفو تاثير الصيام علينا وطلع انه بهاد الشهر فعلا جسمهم بيتحسن هو وكل هرمونات وانزيمات جسمك والقلب والاعضاء كلها بتتحسن فبتمنى تجربيه واذا عندك استفسار اساليني واذا ما رديت هون ابعتيلي على الخاص ماشي يا قمر واذكرك بقصة غاندي (الهندي اللي صام عن الاكل تقريبا 30 يوم ليطلعو البريطانيين وتستقل الهند وفعلا صار اللي بده اياه ورجع اكل) وبعدها لما توفى شرحو جثته لقو جميع اعضاؤه بلا استثناء اعضاء شاب عمره 30 سنة من صيامه عن الاكل فما تترددي صيامنا معجزة الهية إلجئيلها وبتنحل مشكلتك بإذن الله

حبيبتي كل انواع الريجيم بتوصلي لمرحلة بتوقفي فيها على قياس معين ، انا الحمية تبعتي علاجية...