الله يوفق كل وحدة بتدعيلي...........

السلام عليكم


رح أدخل بالموضوع على طول


يا بنات أنا متزوجة من 7 سنين تقريبا يعني خلصت ثانوية عامة وعلى طول اتزوجت وطبعا ما كملت دراسة لإنو زوجي مو راضي وطول هالفترة كنت أقول لزوجي بدي أكمل دراستي وهو مو راضي

المهم من كم يوم اقتنع ووافق إني أكمل دراستي :) لهون كل شي تمام وطبعا انتساب

رحت مبارح واتصلت بمركز عشان أسأل وأشوف في تسجيل ولا لأ شو تتوقعوا طلع؟؟ :eek:

قالوا إنو الوزارة منعت الانتساب يعني على حظي :( اهئ اهئ

بس قالوا إنو ممكن أقدر أسجل من الامارات وأمتحن هون وأخدوا رقم البيت وقالوا إنو رح يتصلوا فينا

بس أنا خايفة إنو ما يصير وساعتا ما رح أقدر أكمل لإنو أنا غير انتساب ما بأدر وغير هيك ما بأدر كل سنة أسافر وأمتحن وأرجع لإنو عندي 3 أطفال

فيلي بدي إياه منكن إنو تدعولي و أسجل وأكمل دراسة لإني عن جد حابة أكمل مليت من القعدة بالبيت من غير لا عملة ولا شغلة



أنا كتير متضايقة خايفة نفسيتي ترجع متل أول لإنو بس زوجي وافق اتغيرت الحمدلله حسيت حالي نشيطة وإنو صار لي قيمة بهالدنيا مو متل أول كنت حاسة حالي متل الآلة



أنا مابدي منكن غير الدعاء

و أي وحدة بتدعي لي الله يرزقا الجنة و يوفقا دنيا وآخرة




سلام