الله يوفق كل وحدة تعطيني طريقة عمل الروبيان المشوي بالبيت وطريقة تتبيلة

وعليكم السلام اختي

اتوقع الروبيان مايبيله تتبيلات كثير بس عندك انواع
اما( صويا + فلفل اسود + ثوم مدقوق+ زنجبيل + زيت زيتون)

اما(ملح + بهار + فلفل اسود +صلصة طماطم + باربيكيو صوص+ ثوم مدقوق +زيت زيتون)

اما (زيت زيتون + صلصة طماطم + عصير ليمون + بقدونس + ملح + بهار )

والصلصات
اما صلصة (المايونيز + الكاتشب+ ليمون )
اما صلصة الخردل ( خردل + زيت زيتون + ليمون + ملح )
اما صلصة طماطم واعشاب(طماطم مقطع + ثوم مدقوق + بصلة مقطعه + زيت زيتون + معكب ماجي + صلصة حاره + حبق + بهارات )
**تقلي البصل والثوم حوالي 5 دقائق بعدين تحطي طماطم ورشة سكر ومكعب دجاج ماجي وصلصة حاره والاعشاب والبهارات
غطيه واتركيه يغلي على نار هادئه
بعدين اهرسيه وصفيه ويحفظ في الثلاجه لمدة اسبوع

وطريقة الشوي
تبلي الروبيان ليلة
ثاني يوم غزيه بسياخ خشب مع فطر وبصل وفليفله
اذا عندك شوايه
او حطيه في صينيه في الفرن بالاسياخ وغطيه وبس يستوي حمريه
او تقلين الاسياخ في مقلاة

وان شاءالله اكون فدتك وشكراااا:)

الله يعطيك العافية على هذه التتبيلات لأني كنت أدور لها واليوم لقيتها علشان أسوي ربيان
ان شاء الله بكرة.

اول شيء غسلية ونظيفيه وخمريه في ماء وملح

وضعي في الخلاط فصين ثوم وبصله وماجي وزنجبيل وبيضتين وشويه ليمون

بعدين حطي الروبيان وسط الحلط عشر دقايق

وطلعيه وقلبيه في دقيق ابيض واقليه

مع مراعاة انه ينجح بسرعة عشر دقايق وزيادة شوي مع التقليب لين يصير لونه بني وبالعافيه

جزاكم الله كل خير

واللي عندها طرق لتتبيل برضوا اكون ممتنة لها

مرحبا أختي هذه طريقة للروبيان المشوي ان شاء الله تكون طلبك

تاخذين الربياان ويفضل يكون جامبو ( حجمه كبير يعني حق القلي يكون افضل )

طبعا بعد ماتقشررينه وتغسلينه تفتحينه من جهه البطن ويترك قشررره وتتبلينه بالخلطه التاليه :
( ليمون - ملح - فلفل - ثوم مدقوق - كزبره خضراء مفرومه - زبده بدرجه حرارة الغرفه )
المقادير تكون حسب كمية الربيان اللي بتسوينهاا وبعد التتبيل يترك في الثلاجه لمدة ساعه او اكثر

وطبعا ( كل ماطالت المدة كل ماصااار افضل واطعم )
يصف الربيان في صينيه الفرن على ظهره يعني ترصينه شوي وتخلين الخلطه على فووق وتدخلينه الفرن لين يستووي ويحمر من الاعلى

هذا الطبق للأخت سيدة ملعقة وللامانة لم أجربه ولكن باين عليه لذيذ