الله يوفق ويريح بال كل من ترد علي وترريحني ..

السلام عليكم ورحمة الله وبركاتة
حبيباتي ودي اتكلم معكم شوي ضايق خلقي مره ,
اخواتي انا عندي مشكلتين منغصات علي حياتي جداً ,
الأولى وهي : امي , امي يانااااس ماتصلي !
وش اسوي حاولت كم مرره انصحها واتكلم معها لكن بدون جدوى مدرري وش اسوي
تكفون ساعدوني اخاف تموت وهي على هالحال
امي انسانة طيبه وتحب الخير للناس ورحومه مره بس ماتصلي :(
اللي ماتقدررتساعدني تدعي لها بس
المشكلة الثانية
انا جتني فترة اخاف خوف شديد من الموت ولحد الحين هالخوف ملازمني
خلال هالفتررة واذا انتوا ملاحظيين ماتواا ناس كثير كثير مره
والله كل يوم اسأل نفسي هل بموت اوبيموتون اخواني او الغوالي على قلبي اولا
تعبت ياناس حتى جامعتي ماعاد اروح واتحمس لها مثل قبل
تعبت من كل شي
مع العلم اني انسانه ولله الحمد محافظه على صلاتي وعلى قرراءة قراني ولله الحمد والمنه
بس مدرري وش هالوساويس اللي تجيني وتررررهقني بشكل غريب غريب جداً
احيانا اقول يمكن عشاني وحيدة مامعي اخت بالغرفه واحيانا اقول هذا نباء من اللله يعني اني بموت قريب
كل ماعوررني شي قلت بس هذا الموت :(
ساعدوني ولو بدعوة الله يجزاكم الجنة ووالديكم
سؤال : هل الاستوادع يدفع الموت والصدقة ام لا ؟؟
يعني كمثل قول : اللهم اني استودعتك اولادي والديآ واهلي جميعاً فاحفظهم بما تحفظ به عبادك الصالحين ..
والصدقة بنية طول العمر على الطاعة ؟
هل تنفع ام لا