بنات الحقوني الله يخليكن هذي اول مشاركه لي
طحت في ورطه اعذروني على عدم ترتيب الحكي لأني متعبه نفسيا والعيد جاي
بنات انا شعري ناعم وطويل وكثير ماشاء الله بس فيه تموجات ما هي كثيره بس حبيت افتك من الإستشوار
رحت لمشغل على وصف وحده من صديقاتي على طول دخلت لقيت وحده سوريه تاخذ فلوس من الزباين قلت لها ابي ريلاكس للشعر الناعم قالت عندنا خلطه احسن من الريلاكس متهبلين البنات عليها واسمها خلطة ...؟ باسم المشغل
المهم قالت لي شعرك طويل ونبي الف وثلاث مئه وعشرين ريال وانا غشيمه اول مره اسوي المهم طول الوقت وهي تقول ما شاء الله تبارك الله على هالشعر خلينا نقصره وانا مارضيت لها تقصه المهم حطت المملس ولا ادري وشو هذا بس تحط وتغسل بالماي طول الوقت ولما سألت قالوا هذا تمليس مائي وبعدين غسلو شعري بالشامبو والمثبت والبلسم ومايتركون فرصه على ورا بعض لأن السوريه ماتخلي الفليبينيه تسوي شعري عدل كل ساعه والثانيه تناديها وتقول خلصي بسرعه فيه زباين كثير وترتبك الفليبينيه وتعفس في شعري وبعدين قالت الفليبينيه الحين استشوار قالت لها السوريه لأ مو لازم يبغون يمشطونه ما يدخل المشط وبعدين لفوه وقالوا لي زيتيه وغسليه بالشامبو
وانا ياغلفلين لكم الله مادري عن شيئ جيت البيت افتح شعر ماينفتح زي الصخره واصارخ وإلا بناتي يصيحون يمه شعرك مموج ومكسر اكثر من اول زيته ودخلت الحمام وانتن بكرامه سبحت الشامبو خلى شعري زي الحديد ماينفك طلعت منجنه صراخ وحالتي حاله اتصلت على المشغل كلمتني سوريه ثانيه شباب غير ذيك العجوز وحكيت لها قالت لازم يظل المملس في شعرك اربع ايام ماتغسلينه الحين خبرتها ان الثانيه اللي تداوم في الليل هي اللي قالت لي غسليه وزيتيه عادي ابي ارجع المشغل زوجي ما كان راضي لأن شعري عاجبه نام بتمويجاته علشان كذا عاندني وقال علشان تتوبين بعد يومين وانا في ماساه وداني بعد ماكلم المشغل وخانقهم على اللي سووه فيني دخلت المشغل إلا السوريه تستقبلني وتقول خلا صبنعدله لك ومايستاهل الموضوع صراخ زوجك علينا راحو حطو فيني مره ثانيه والسوريه ماتابت رايحه جايه على الفليبينيه تعجلها وتقول في زبونه جايه قبلك بس دخلنك قبلها علشان اراضيكم وانا مابيها تدخلني قبل بس ماتخرب شعري والفليبينات شكثرهم بس ماتبي إلا اللي عندي والفليبينيه تحرق في راسي وانا اصيح وترد علي مدام مافيه شيئ بس انتي خوف واجد المهم ولاحطت فازلين على وجهي قبل التمليس واصيح راسي اذني وجهي وهي تقول مافيه شي تصب ماي علي شوي المهم هي تقول ماراح احط في شعرك كله بس اللي متموج وإلا فجأه سحبت السوريه العجوز الفليبينيه من عندي ودتها لزبونه ثانيه والبلسم في شعري ماغسلته وتقول لي ماعليه خلي البلسم ياخذ مفعوله شوي لين تخلص وتجيك انتظرت ماجات واقوم واغسل شعري لحالي بس ماعرفت لأن المغسله انبوبها صغير المهم انتظرت كثير وبعدين سحبت فليبينيه ثانيه وقلت لها غسلي شعري جا وقت الإستشوار استشوروا شعري بالغصب على العجوز السوريه
وجيت البيت فرحانه بنعومة الإستشوار مو التمليس الا المفاجأه قمت من النوم في اليوم الثاي على شعري متلاصق فيه زي العلك اتصلت بالمشغل قالت السورسيه اكيد ماغسلنا الشامبو عدل تعالي او حطي فازلين حطيت فازلين زاد والحراره الله لايويكن مكروه يارب مولعه في الرآس كله شافت الشغاله لقته حرقوالماده اللي ملزقه الشعر قيح وصديد الله يكرمكن ولقت راسي كله محرق ومقيح واشوف وجهي تحت اللحيه حرق مقشرته البارح على بالي وصخ ولما عورني حسبته جرح مادري منين واذني بعد رحت للدكتوره وعرفت ان كل اللي في راسي حروق واللي في وجهي بعد عطتني ادويه ومراهم ورحت البيت وتكرر العذاب اللي تعذبته لما غسلت شعري بعد الأربع ايام بحمام الزيت والحروق قيحت مره ثانيه ولقت شعري تالف ومموج بعد
مابغيت اشتكي ابي الأجر من الله بس وشو الحل احط شامبو متى بس ابي افتك ومابي تمليس ابي امشط شعري بحريه وراحه

الله يخليكن طولت عليكن بس ساعدوني وجزاااكن الله الفردوس الأعلى من الجنه بغير حساب يارب