اهلا عرموطه كيفك انا مغربيه لا باس عليكم انا بغيت واحد لكاس ديال اتاي مشحر مع سلوا الا شي حلويات زوينه شكرا حبيبتي عرموطه مغربيه وانا فرحانه لاني لقيت مغربيات في هالمنتدى

صباح الخييييييير عليكم. هانا جيت اخوتاتي
ايوا غي سمحو ليا وخلاص , راني كنت واحله بلا قياس , الناس كيوجدو قبل رمضان وانا النهار الاول فرمضان عاد فقت من الكلبه هههههههه
كوكو مرحبا بيك معانا , ايوا اختي غي قشبي مع راسك وضحكي , حتى انا را عزيز عليا الضحك والتقشاب. غي خودي راحتك
اهلا بلالا سعاد , اشخبارك واش لاباس عليك بعدا , وعرفينا بنفسك بلا مانبدى بقوة السؤالات:)

حتى انا راني فرحت بزاف ملي شفتكم مجمعين :) هاد الصالون راه صالونكم, ماتسناو لا عراضه ولا ترحيب غي دخلو ودفعو الباب وتزاحمو وصخنو بلاصتكم :)وانا الا كنت كاينه را ندير ليكم اتاي ونوجد ليكم رغيفات ولا ماكنتش شمرو على يديكم ونوضو للكوزينه :)
انا هاد الايام غي سمحو ليا الا ماجيتش , عدروني اصحاباتي , را غي مع الوقت وصافي

فلوغ غوز راكي واعره مع راسك فالطياب, راكي ماساهلاش ياختي تبارك الله عليكم وخلاص نتي وفاتي فلوف هبهوبه وام ساره والمؤدبه وروح ليمان ..راني توحشتكم كلكم وكانبوسكم من هنا ومن هنا :)

واخا عليك انا غبرت تابياضيت , كاضحك ليا ’ رانا كحاليت بالشمش النهار كلو ونا نجري بحال عويطه , دي هادي جيب الاخرى .والزحامات الزحامات:(